АсосӣАрхив

Навгонӣ

Боғи мактаб гулистон мешавад

14 Апрель 2013

Недоступен ни однин перевод.

Устодону толибилмони гимназияи №24-уми шаҳри Хуҷанд ба номи академик Бобоҷон Fафуров қарори Раиси шаҳр Раҷаббой Каримовро дар бораи 300 рӯзи ободонӣ ва сабзкорӣ маъқул шумориданд. Барои ҳамин ҳар рӯзи шанбе ба ҳашар баромада, дар майдончаи саҳни мактаб кор мекунанд.

Мактабиён дар майдончаҳо 70 бех ниҳоли дарахтони мевадиҳанда ва сояафканшинонданд. Акнун ин ҷо дарахтони олу, гелос, зардолу месабзад. Аллакай бачагон дар сояи дарахтон нишаста, бо устодон сӯҳбат мекунанд, панди онҳоро мешунаванд ва хатогиҳояшонро ислоҳ мекунанд.

Самараи сулҳу ваҳдат: «Насли созанда» дар Хуҷанд

(1 голос, среднее 5.00 из 5)

13 Апрель 2013

Недоступен ни однин перевод.

Субҳи рӯзи шанбе, 13-уми апрели соли равон шаҳри бостону ҳамешаҷавони Хуҷанд ба назар боз ҳам музайяну дилрабо менамуд. Зеро, ин навбат меҳмонон аз пойтахти кишварамон-шаҳри Душанбе, вилоятҳои Хатлону Бадахшон, водии Рашт ва шаҳру навоҳии вилояти Суғд ба ин куҳанмарз омаданд, то аксияи Ҳизби халқии демократии Тоҷикистонро таҳти унвони «Насли созанда» баргузор намоянд.

Ростӣ барномаи омодашудаи аксия хеле рангин ва ҷолиб буд, зеро, тамоми қишрҳои ҷомеа, шаҳрвандони синну сол ва касбу кори мухталифро ба ҳам овард. Яъне, баҳри кормандону дӯстдорони соҳаҳои гуногуни хоҷагии халқ имконияту шароити хуби вохӯрӣ ва гузаронидани чорабиниҳои ҷамъиятиву сиёсӣ, маърифативу фарҳангӣ, илмиву оммавӣ ва варзишӣ фароҳам оварда шуд.

Читать полностью

Семинар: Баҳри баландбардории маърифати ИМОМ-ХАТИБОН

12 Апрель 2013

Недоступен ни однин перевод.

Аз 9-ум то 11-уми апрели соли равон дар масҷиди Шайх Маслиҳатдин Бадеъуддин Нурӣ семинари маърифатии имом-хатибони масоҷиди шаҳри Хуҷанд ва атрофи он баргузор гардид. Мақсад аз баргузор кардани семинар омӯзондани масоили мубрами дини Ислом ва пешгирии ихтилофот байни мазҳабҳо ва баромадан аз низомномаи масҷид, ки дар заминаи таълимоти Абӯҳанифа-Имоми Аъзам амал мекунанд.

Ба гуфти раиси Шӯрои уламои дини вилоят Ҳоҷӣ Ҳусайн Мӯсозода дар байни ҷавонон намозгузороне пайдо шудаанд, ки шояд барои худнамоӣ бошад, танҳо фарзи намозро мегузоранду бе ягон ибо, бо кибру ғурур аз масҷид баромада мераванд ё дуои баъди намозро қобили қабул намедонанд. Ин беэҳтиромии онҳо нисбат ба ҳазорҳо намозгузорон албатта, боиси коҳиши табъи пирон мегардад.

Ба чунин ҷавонон боодобона бояд фаҳмонд, ки худнамоӣ кори бад аст ва мо наметавонем аз доираи нишондоди қуръон, аҳодиси набавӣ ва таълимоти Имоми Аъзам берун бароем.

Читать полностью

Ҷаласаи корӣ: Тадбирҳои мушаххас андешем

(2 голоса, среднее 5.00 из 5)

11 Апрель 2013

Недоступен ни однин перевод.

Чунин буд хулосаи иштирокдорони ҷаласаи кории Шӯрои ҷамъиятии шаҳри Хуҷанд, ки санаи 11-уми апрел таҳти сарварии Раиси Шӯро, Раиси шаҳри Хуҷанд Раҷаббой Каримов доир гардид.

Тибқи рӯзномаи ҷаласа сароғоз сармуҳаррири рӯзномаи шаҳрии «Тирози ҷаҳон», узви Иттифоқи журналистони Тоҷикистон Исломҷон Бобоев ва мудири бахши кор бо занон ва оилаи Мақомоти иҷроияи ҳокимияти давлатии шаҳр Муҳайёхон Дадобоева ба аъзогии Шӯро қабул ва тасдиқ карда шуданд.

Аз рӯи масъалаи дуюм, тасдиқи Нақшаи фаъолияти Шӯрои ҷамъиятии шаҳри Хуҷанд барои соли 2013-ум Раиси шаҳр Раҷаббой Каримов сухан кард ва пас аз муҳокимаву андешаронии аъзои Шӯро он тасдиқ гардид.

Раиси Шӯрои мутобиқгардонии фаъолияти Кумитаи маҳаллаҳои шаҳр Сайфуллохон Ҳабибуллоев оид ба вазъи маҳаллаву маҳалладорӣ зикр намуд, ки пас аз мулоқоти Раиси вилояти Суғд, мӯҳтарам Қоҳир Расулзода бо раисони ҷамоату кумитаи маҳалла ва қитъаҳои баистифодадиҳии шаҳру навоҳии вилоят дар қасри Арбоб, кор дар самти маҳалладорӣ ва андешидани тадбирҳои зарурӣ ҷиҳати хуб ба роҳ мондани фаъолияти роҳбарони ҷамоату маҳаллаҳо ҷоннок гаштааст.

Читать полностью

Татбиқи лоиҳа: Хизматрасонӣ беҳтар мегардад

(1 голос, среднее 5.00 из 5)

10 Апрель 2013

Недоступен ни однин перевод.

Шаҳрвандони шаҳри Хуҷанд иттилоъ доранд, ки дар Корхонаи воҳиди давлатии коммуналии «Хизматрасонии нақлиёти санитарӣ» бо дастгирии Бонки Аврупоии таҷдил ва рушд лоиҳа оид ба коркарди партовҳои сахти маишӣ амалӣ мегардад.

Доир ба ин масъала дар Мақомоти иҷроияи ҳокимияти давлатии шаҳри Хуҷанд таҳти роҳбарии Раиси шаҳр Раҷаббой Каримов семинар-машварат баргузор гардид. Дар он намояндагони Бонки Аврупоии таҷдид ва рушд (БАТР), роҳбар ва коршиносони лоиҳа, ҳамзамон, намояндагони муассисаҳои ҳифзи муҳити зист, хизматрасонии нақлиёти санитарӣ, раисони кумитаи маҳаллаҳои шаҳр, роҳбарони минтақаҳои истифодаи манзил ва воситаҳои ахбори омма иштирок карданд.

Читать полностью