Боздид аз намоиши ҳунарҳои мардумӣ дар шаҳри Панҷакент

28 Март 2018

Дар шаҳри Панҷакенти вилояти Суғд Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз намоиши ҳунарҳои мардумӣ дидан карданд.

Дар маркази хизматрасонии «Ҳумо» дастовардҳо ба маъраз гузошта шуда, ҳамчунин таомҳои миллӣ низ омода карда шуда буданд. Аз тарафи занони ҳунарманд дар дегҳои алоҳида намудҳои гуногуни анвои ширинӣ ва таом, аз қабили нишоло, ҳалво, хӯроки ҳадиса, оши куча, оши бурида, қурутоб, манту, омоч, атолаи кунҷӣ ва дигар намуди таомҳои қадима омода карда шуданд.

Бонувони шаҳри Панҷакент дар пухтани намудҳои гуногуни маҳсулоти нонӣ, аз ҷумла кулча, фатиру қалама ва самбӯса шуҳрат доранд. Пухтани суманак ва сурудхонии гурӯҳи фолклорӣ аз ҳисоби занон дар доираи иҷрои суннатҳои Наврӯзи Аҷам сурат гирифт. Ҳамчунин дар ҳамин рӯз дастурхони ҳафтсину ҳафтшин омода гардида буд.

Изҳори тасаллиёти Маъруф Муҳаммадзода ба фавтидагони фоҷиаи Кемерово

28 Март 2018

Раиси шаҳри Хуҷанд Маъруф Муҳаммадзода ба Консулгарии Федератсияи Руссия дар шаҳри Хуҷанд рафта, робита ба фоҷиаи Кемерово изҳори тасаллият намуд. Ҳамчунин ба лавҳаи  ёдбуди назди консулгарӣ гул гузошта, дар дафтари ёдбуд тасаллиёти хешро қайд намуд.

Маъруф Муҳаммадзода ҳамдардии амиқи Мақомоти иҷроияи ҳокимияти давлатии шаҳри Хуҷанд ва сокинони шаҳрро ба аҳли оила ва пайвандони фавтидагон расонида, ҳамзамон дақиқаи поси хотир намуд.

Консули генералии Федератсияи Руссия дар шаҳри Хуҷанд Валерий Бондаренко миннатдорӣ баён намуда, аз ҷумла, иброз дошт, ки сокинони шахри Хуҷанд аз дақиқаҳои аввали фоҷиа ғамшарик гардида, ғаму андӯҳи худро барои фавтидагон тариқи шабакаҳои иттилоърасон баён карда,  аксарияти онҳо саҳафоти манобеии интернетиашонро бо лифофаҳои азодорӣ нишон доданд.