15 Январ 2015
Имрӯз Раиси шаҳри Хуҷанд Раҷаббой Аҳмадзода бо мақсади ошноӣ бо корҳои сохтмонӣ, таҷдид ва азнавсозию ободонӣ бахшида ба пешвози Наврӯзи ҷаҳонӣ аз чанд минтақаҳои шаҳр дидан намуд.Сараввал Раҷаббой Аҳмадзода аз вазъи кунунии майдону гулгаштҳои Қасри ҷавонон ба номи Лоиқ Шералӣ ошно шуда, бо масъулини шӯъбаи меъморӣ шаҳрсозӣ, сарраёсати ободонӣ, идораи роҳсозӣ ва ширкатҳою соҳибкорони маҳаллӣ бобати оғози корҳои ободонӣ ва азнавсозӣ дастуру супоришҳо дод. Соҳибкорони маҳаллӣ ба Раиси шаҳри Хуҷанд лоиҳаи гулзоркунии роҳрав ва майдонҳои назди Қасри ҷавонон, ба тариб даровардани дарахтон ва шинондани ниҳолҳои ҳамешасабзро пешниҳод намуданд. Ҳамчунин аз ҷониби соҳибкори маҳаллӣ дар шафати муассисаи номбурда бунёди чойхонаи миллӣ бо тарҳу усули замонавӣ сохта хоҳад шуд. Ҳамчунин барои ороиши доимии ин мавзеъ зиёда аз 200 намудҳои гулҳои ороишӣ шинонда шуда,ҳамчунин тибқи бо дастгирии Мақомоти иҷроияи ҳокимияти давлатии шаҳри Хуҷанд аз ҷониби ширкати «Абӯбакр» мағозаи махсуси фурӯши гулу растинаҳои орошӣ сохта шуда, он ҳамзамон чун маркази маслиҳатдиҳӣ барои гулпарварон амал хоҳад кард.
Раиси шаҳри Хуҷанд барои ба тартиб даровардани нуқтаҳои хизматрасонӣ, шиору овезаҳо, хатти барқи кӯчаҳои марказии шаҳр ва майдони он ба масъулин мӯҳлат дод. Тибқи нақша тамоми коҳои ободонӣ азнавсозӣ ва гулзоркунии мавзеъ ва бунёди чойхонаи миллӣ бояд то санаи 10 март ба анҷом расонда шавад. Бо ин мақсад дар асоси супориши Раиси шаҳри Хуҷанд ситоди корӣ таъсис дода шуда, роҳбарии ситоди мазкурро муовини аввали Раиси шаҳри Хуҷанд Иброҳим Иброҳимов ба зимма хоҳад дошт.
Ҳамчунин Раиси шаҳри Хуҷанд дар ҳамроҳии мутахасссисон ва масуълини сохторҳои ободонӣ обу ташном,кабудизоркунӣ,роҳсозӣ, меъморию шаҳрсозӣ аз мавзеи шафати хиёбони ба номи Р Набиев,ки як вақтҳо макони истироҳатии сокинони шаҳр буд, низ дидан намуд. Дар солҳои гузашта дар ин ҷой фаввораҳо ва нишастгоҳ барои фароғати сокинон хизмат мекард. Мавзеи мазкур таи 20 соли охир рӯи таъмир ва азнавсозиро надида буд.
Раҷаббой Аҳмадзода ба масъулин супориш дод,ки тамоми фаввораҳо ва нишастгоҳҳои ин мавзеъ барқарор карда шуда, роҳравҳои он таъмир ва майдони он бо дарахту гулҳои маҳаллӣ оро дода шаванд.
Таъкид гардид, ки шурӯъ аз рӯзҳои наврӯзӣ бояд ин мавзеъ ба макони истироҳати доимии шаҳрвандон табдил дода шавад.
