11 Ноябрь 2024
Недоступен ни однин перевод.
Ба истиқболи 35-солагии Истиқлоли давлатии Ҷумҳурии Тоҷикистон ва дар асоси дастуру супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои ободу зебо гардондани соҳили Сирдарё ва ташкили инфрасохтори зарурӣ барои истироҳату фароғати шаҳрвандон, ҷалби бештари сайёҳону ҷаҳонгардон дар шаҳри Хуҷанд тадбирҳо роҳандозӣ шуда истодааст.
Дар доираи корҳои ободонӣ то имрӯз аз пули асосӣ то пули "Ҷашнӣ" бо дарозии 2 километр ва паҳноии 8-10 метр аллакай роҳи пиёдагард ва макони истироҳативу фароғатӣ бунёд шуда, барои сайру гашт дар соҳили дарё ва обу тоби бадан шароит фароҳам оварда шуд. Дар идомаи созандагиҳо бунёди чунин роҳи пиёдагард аз пули асосии хиёбони исмоили Сомонӣ то ҳудуди Боғи фарҳангию фароғатии «Ғалаба» ба нақша гирифта шудааст.
Рӯзи якшанбеи 10 ноябр Раиси вилояти Суғд Раҷаббой Аҳмадзода бо ҳамроҳии Раиси шаҳри Хуҷанд Фирдавс Шарифзода ва масъулини идораҳои дахлдор аз ин мавзеъ боздид карда, барои таҳияи нақшаи бунёди роҳи пиёдагард дар соҳили дарё супоришҳо дода шуд.
Раҷаббой Аҳмадзода ҳамзамон дар назди масъулин масъулин барои васеъсозии роҳ, гузаронидани корҳои ободонӣ ва тоза нигоҳ доштани соҳили дарё, бартарафсозии мушкилоти мавҷуда ва оғози корҳои асосӣ вазифагузорӣ намуд.
Раиси вилоят ҳамзамон аз дигар мавзеъҳои соҳили Сирдарё боздид карда, барои дар оянда низ бунёд намудани роҳҳои пиёдагард ва зиёд намудани ҷойҳои истироҳативу фароғатӣ ба роҳбарияти шаҳр ва ниҳодҳои марбута дастурҳо дод.
Дафтари матбуоти
Раиси шаҳри Хуҷанд
