Асосӣ АрхивТашрифи Сафири фавқулода ва мухтори Федератсияи Россия дар Ҷумҳурии Тоҷикистон Семён Григорев ба гимназияи №1

Ташрифи Сафири фавқулода ва мухтори Федератсияи Россия дар Ҷумҳурии Тоҷикистон Семён Григорев ба гимназияи №1

(0 голоса, среднее 0 из 5)

11 Сентябрь 2024

Недоступен ни однин перевод.

Дар доираи таҷлили 100-солагии таъсисёбии гимназияи №1 ба номи Раҳим Ҷалили шаҳри Хуҷанд, як қатор меҳмонон, аз ҷумла Сафири фавқулода ва мухтори Федератсияи Россия дар Ҷумҳурии Тоҷикистон Семён Григорев, собиқ сафири фавқулода ва мухтори Федератсияи Россия Александр Смирнов, Консули генералии Русия дар Хуҷанд Сергей Ланкин, роҳбари намояндагии «Россотрудничество» дар шаҳри Хуҷанд Татяна Мудрова, хатмкунандаи гимназия профессор Абдушукур Назаров ва дигарон ба ин муассисаи таълимӣ ташриф оварданд.

Нахуст ба пояи муҷассамаи аввалин омӯзгорони маориф, ки солҳои 20-ум аз Русия ба шаҳри Хуҷанд омада буданд, гулчанбар гузошта шуд. Иттилоъ дода шуд, ки дар байни 12 муаллими рус, ки номашон дар муҷассамаи 3,5 метрии бошукуҳ ҳаккокӣ карда шудааст,  бобои Александр Смирнов- Павел Смирнов, ба ҳайси директори мактаб аз соли 1940 то соли 1942 дар ин муассисаи таълимӣ фаъолият доштааст.
Меҳмонони чорабинӣ инчунин аз осорхонаи мактаб бахшида ба таърихи муассисаи таълимӣ оро дода шуда буд, дидан намуданд.
Бояд қайд намуд, ки гимназияи №1 ба номи Раҳим Ҷалили шаҳри Хуҷанд аз муассисаҳои таълимии номдори ҷумҳурӣ буда, аз аввалин гимназия дар маркази маъмурии вилояти Суғд аст. Дар муддати як аср ин муассисаи таълимӣ ҳазорҳо нафар хатмкунандагонро номаи камолот додааст, ки дар байни онҳо шахсияти маъруф кам нестанд. Қаҳрамони Тоҷикистон, муаллифи китоби “Тоҷикон”, академик Бобоҷон Ғафуров, котиби якуми вақти ҳизби коммунисти Тоҷикистон Ҷаббор Расулов ва садҳо нафар ашхоси номдор ин муассисаи таълимиро муваффақона хатм намудаанд.