11 Сентябрь 2023
Недоступен ни однин перевод.
Субҳи имрўз Раиси вилояти Суғд Раҷаббой Аҳмадзода ва Раиси шаҳри Хуҷанд Фирдавс Шарифзода аз фаъолияти КВДК "Хизматрасонии нақлиёти санитарии шаҳри Хуҷанд" боздид ба амал оварданд.
Нахуст Раиси вилояти Суғд Раҷаббой Аҳмадзода аз ҳолати иҷрои дастуру супоришҳои сафари қаблии ироагардида, яъне оид ба корандозии техникаву таҷҳизоти азкормонда пурсиш ба амал овард.
Иттилоъ дода шуд,ки агар як моҳ қабл ҳамагӣ 11 адад техникаҳои партовкашонӣ ба мардум хизмат менамуданд, баъди супориши Роҳбари вилоят ва чораандешии қатъӣ шумораи техникаҳои партовкашонӣ ба 18 адад ва маҷмуан дигар техникаҳои ёрирасонӣ корхони КВДК "Хизматрасонии нақлиёти санитарии шаҳри Хуҷанд" ба 27 адад расонида шуд. Ҳамзамон дар ҳудуди корхона корҳои созандагӣ ва ободонӣ вусъат дода шуда, сохтмони парки таъмири автомашинаҳо бо харидории таҷҳизоти лозима ба анҷом расонида шуд.
Бо мақсади бартараф намудани камбудиҳо ва таҳкими робита бо ҷомеа бо супориши роҳбарияти шаҳри Хуҷанд дар КВДК «Хизматрасонии нақлиёти санитарӣ»-и шаҳри Хуҷанд дар шабакаи whats app бо рақами 927722303 телефони арзу шикоят фаъол гардид, ки аллакай мардум боэътимод муроҷиат ва аз ҳалли мушкилоташон қаноатмандӣ зоҳир намуда истодаанд.
Раиси вилояти Суғд Раҷаббой Аҳмадзода аз корҳои анҷомёфта изҳори қаноатмандӣ намуда, ҳамзамон дастур дод, ки то охири моҳи соли ҷорӣ дигар техникаҳои боқимондаи КВДК "Хизматрасонии нақлиёти санитарии шаҳри Хуҷанд" аз таъмири куллӣ бароварда шуда, баҳри хизматрасонии мардум сафарбар карда шавад.
Таъкид шуд, ки дар баробари афзудани шумораи аҳолӣ ва меҳмонони шаҳр, баланд гардидани сатҳи зиндагӣ ҳаҷми партов низ дар муқоиса ба солҳои пешни зиёд гардида, масъулияти корхонаи партовкашониро дучанд намудааст. Гузашта аз ин, ҳамарӯза шумораи зиёди сайёҳон ба шаҳр ворид гардида, ба тозагии муҳити он баҳо медиҳанд, ки масъулин бояд ҳамеша шаҳрро мунаввару тоза нигоҳ доранд. Фарҳанги шаҳрнишинии шаҳрро низ бояд боло бурд.
Ба роҳбарияти корхона дастур дода шуд, ки ба шароити кории кормандон аҳамияти ҷиддӣ зоҳир карда, онҳоро бо сару либоси корӣ таъмин намоянд. Кори доимии кори ошхона, нуқтаҳои шустушӯи нақлиёт ва тамизгардонӣ фаъол гардонида шаванд.
Бояд қайд наамуд, ки КВДК «Хизматрасонии нақлиёти санитарии шаҳри Хуҷанд» ягона муассисаи коммуналии шаҳр ба ҳисоб рафта мебошад, ки барои бардоштан, кашонидан ва гӯронидани партовҳои сахти маишии шаҳри Хуҷанд, фаъолият мебарад.
Корхона реҷаи кори худро дар 3 баст ба роҳ монда, аз ҳудуди шаҳр партовҳоро ба партовгоҳи шаҳри Хуҷанд мекашонад. Дар корхона 117 нафар фаъолият дошта, 18 адад нақлиётҳои партовкашон ҳамарӯза дар 3 баст фаъолияти пурсамар дошта, партовҳоро саривақт аз ҷойҳои муайяншуда мегиранд.
Ҳамарӯза партов тибқи реҷаи муайян, яъне басти аввал: аз соатҳои 5:00 то 12:00, басти дуюм бо усули бонгӣ, яъне дар дохили маҳаллаҳое, ки партовҷойи муайян надоранд соатҳои 8:00 17:00 ва басти сеюм аз 17:00 то 24:00 муқаррар шуда, дар ин замонҳо партовҳо бароварда мешаванд.
Дафтари матбуоти
Раиси шаҳри Хуҷанд
