02 Сентябр 2023
Дар асоси муроҷиат ва матлаби шаҳрванд Алияхон Осимова, ки бо имзои мустаор дар шабакаи “Фейсбук” нашр гардид, бо супориши сардори ШВКД ҶТ дар шаҳри Хуҷанд полковники милитсия Илҳом Қосимзода фавран аз ҷониби кормандони шуъбаи ҳифзи тартиботи ҷамъиятии ШВКД ҶТ дар шаҳри Хуҷанд шахсияти шахсони бехонаву дар, ки ба ҷамъ кардан ва ба навъҳо ҷудо кардани партовҳо машғул буданд, муайян карда шуд.
Маълум гардид, ки ба ин амал Сандалов Сироҷиддин Шамсиддинович, соли таваллуд 29.11.1968, сокини ноҳияи Ҷайҳуни вилояти Хатлон ва ҳаммаслаки ў Матқулов Ҷамшед Холмуродович, соли таваллуд 20.09.1985, истиқоматкунандаи шаҳри Хуҷанд микроноҳияи 19, хонаи 35 буда, 4 моҳ инҷониб дар дар макони партовҷойи микроноҳияи 19 ба ҷамъоварии зарфҳои пластикӣ ва дигар аспоби рўзгор машғул шуда, аз ин фоида бурда, ҳатто Сироҷиддин Сандалов дар ин макон зиндагӣ мекард. Бо ин амал онҳо ба муҳити зисти атроф таъсири бад мерасониданд, ки боиси норозигии сокинон гардидааст.
Сироҷиддин Сандалов ва Ҷамшед Матқулов аз кирдори хеш сидқан пушаймонӣ намуда, ваъда карданд, ки дигар ба ин амал даст намезананд.
Тибқи қонунгузорӣ нисбати номбурдагон чораҳои қонунӣ андешида шуд.
Дафтари матбуоти
Раиси шаҳри Хуҷанд
