17 Октябр 2022
Дар доираи корҳои ободонию созандагӣ бахшида ба 30 солагии Иҷлосияи 16-уми Шўрои Олии Ҷумҳурии Тоҷикистон дар Донишгоҳи давлатии ҳуқуқ, бизнес ва сиёсати Тоҷикистон як бинои нави замонавӣ, толори барҳавои маҷлис, ошхона ва дигар иншооти ҷашнӣ барои истифодабарӣ омода шуда истодааст.
Раиси шаҳри Хуҷанд Фирдавс Шарифзода зимни шиносоӣ бо раванди ободониву созандагӣ дар шаҳри Хуҷанд аз ин боргоҳи илму маърифат низ боздид намуд.
Иттилоъ дода шуд, ки иншооти мазкур аз ду ошёна иборат буда, пурра бо масолеҳи ватанӣ сохта шудааст. Дар даромадгоҳи бино таҷҳизоти симошинос насб шудааст, ки шахсияти донишҷўён ва устодонро месанҷад ва омаду рафт ва иштироки онҳоро дар ҷараёни машғулиятҳо наазорат менамояд. Иншооти навбунёд дорои 20 синфхона, 4 лабаратория, ааз ҷумла лабаратории криминалистӣ, компютерӣ, студия, 4 синфхонаи лексионӣ буда бо навтарин таҷҳизоти соҳавӣ муҷаҳҳаз гардонида шудааст. Корҳои сохтмонӣ дар канори бинои мазкур ҷиҳати бинои маҷлисгоҳ барои 800 ҷойи нишаст ва ошхонаро барои 300 ҷойи нишаст бомаром идома доранд.
Зикр гардид, ки ин ҳама иқдомот бо мақсади таҳкими базаи моддиву техникии ин муассисаи олӣ ва фароҳам овардани шароити таҳсилу омўзиш ва тайёр кардани кадрҳои баландихтисос пешбинӣ гардидаааст.
Фирдавс Шарифзода ба роҳбарияти донишгоҳ ҷиҳати вусъати корҳои сабзкорию ободонии ҳудуди ин боргоҳи илму маърифат дастуру супоришҳои мушххас дод.
Дафтари матбуоти
Раиси шаҳри Хуҷанд
