(0 голоса, среднее 0 из 5)
Недоступен ни однин перевод.

altСубҳи имрӯз дар маҷлисгоҳи Мақомоти иҷроияи ҳокимияти давлатии шаҳри Хуҷанд бо садо додани Суруди миллӣ иҷлосияи дувоздаҳуми Маҷлиси вакилони халқи шаҳри Хуҷанд, даъвати шашум ба кори худ ҳусни оғоз бахшид.

Раиси Маҷлиси вакилони халқи шаҳри Хуҷанд, Раиси шаҳри Хуҷанд Фирдавс Шарифзода дар оғози иҷлосияи иттилоъ дод, ки тибқи рӯзнома 8 масъала мавриди баррасӣ қарор дода мешавад.

Зикр гардид, ки дар кори иҷлосияи дувоздаҳуми Маҷлиси вакилони халқи шаҳри Хуҷанд, даъвати шашум муовини Раиси вилояти Суғд Анвар Яъқубӣ, вакилони шаҳрӣ, муовини якум, муовинони Раиси шаҳр, роҳбари дастгоҳи Раиси шаҳр, ҳамчунин роҳбарони воҳидҳои сохтории мақомоти иҷроияи ҳокимияти давлатии шаҳр, мақомоти ҳифзи ҳуқуқ ва сохторҳои низомӣ, ташкилоту муассисаҳои шаҳрӣ, раисони маҳаллаҳо, ҳайати комиссияи даъватӣ ба хизмати ҳарбӣ, сохторҳои корхонаи воҳиди давлатии коммуналии «Сарраёсати ободонӣ ва хоҷагии манзилию коммуналӣ»-и шаҳр даъват шудаанд ва дар толор ҳозиранд.

Баъди гузаронидани тартиботи муқарраршуда вакилон ба баррасии мавзуҳои рӯзнома шуруъ намуданд.
Зимни баррасии масъулаи якуми рӯзнома “Дар бораи эътироф кардани ваколати вакили Маҷлиси вакилони халқи шаҳри Хуҷанд, даъвати шашум аз ҳавзаи интихоботии Чорчароғ, № 10” муовини раиси комиссияи шаҳрии интихобот Инъомҷон Поччоев баромад кард.

Иттилоъ дода шуд, ки бар ивази вакили хориҷгардида, тибқи тартибот дар ҳавзаи интихоботии Чорчароғ, № 10 интихобот баргузор гардид ва бо бартарии зиёди овозҳо Бахтиёр Боқизода вакили шаҳӣ интихоб шуд.

Сипас вакилон ваколати вакили Маҷлиси вакилони халқи шаҳри Хуҷанд, даъвати шашум аз ҳавзаи интихоботии Чорчароғ, № 10 Бахтиёр Боқизодаро, ки санаи 7 августи соли 2022 ба сифати вакил интихоб шуд, эътироф намуданд.

Бахтиёр Боқизода назди вакилон савганди вакилиро ёд намуд.

Зимни баррасии масъалаи дуюми рўзнома “Рафти иҷрои Қонуни Ҷумҳурии Тоҷикистон «Дар бораи ўҳдадории ҳарбӣ ва хизмати ҳарбӣ дар Ҷумҳурии Тоҷикистон» дар шаҳри Хуҷанд муовини Раиси шаҳр, вакили Маҷлиси вакилони халқи шаҳр аз ҳавзаи интихоботии Чорчароғ, № 10 Бахтиёр Боқизода баромади муфассал намуд.

Иттилоъ дода шуд, ки тибқи талаботи Қонуни Ҷумҳурии Тоҷикистон «Дар бораи ўҳдадории ҳарбӣ ва хизмати ҳарбӣ дар Ҷумҳурии Тоҷикистон» ва Фармони Президенти Ҷумҳурии Тоҷикистон дар ду марҳила даъвати шаҳрвандон ба сафи Қувваҳои мусаллаҳи Ҷумҳурии Тоҷикистон ташкил ва гузаронида мешавад. Бо талошу дастгириҳои доимии Сарфармондеҳи Олии Қувваҳои мусаллаҳи Ҷумҳурии Тоҷикистон, Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои будубоши хизматчиёни ҳарбӣ ва сохторҳои низомии мамлакат шароити хуби хизматӣ ва маишӣ ҳамаҷониба фароҳам оварда шудааст. Фарзандони бонангу номуси Ватан, яъне афсарону сарбозони Қувваҳои мусалллаҳ ва кормандони мақомоти ҳифзи ҳуқуқ бо истифода аз шароити фароҳамшуда дар таъмини амнияти давлату миллат ва ҳифзи марзу бум саҳми шоиста гузошта истодаанд.

Таъмини фазои орому осудаи Ватан ва амнияти ҷомеа аз муҳимтарин вазифаҳои давлат маҳсуб гардида, вобаста ба он таълиму тарбия ва руҳану ҷисман омода намудани ҷавонони синни даъватӣ барои хизмат дар сафи Қувваҳои мусаллаҳ беш аз пеш аҳамияти муҳим пайдо менамояд.

Мақомоти иҷроияи ҳокимияти давлатии шаҳр баҳри таъмини иҷрои Фармони Президенти Ҷумҳурии Тоҷикистон ва қарори Раиси вилояти Суғд “Оид ба даъвати ҷавонон ба хизмати ҳарбӣ” якҷоя бо комиссияи даъватӣ ва комиссариати ҳарбӣ фаъолияти худро муназзам ба роҳ монда, нақшаи пешбинишударо иҷро менамоянд.

Ҷавонони ватандўсти диёр чун ворисони арзандаи ниёгони шарафманди хеш баҳри пешрафту шукуфоии Тоҷикистони азиз садоқатмандона хизмат намуда, бо ташаббусҳои наҷиб, талошҳои пайгирона, дастовардҳои фикриву эҷодӣ ва варзишӣ ҳамчун намояндаи ҳақиқии насли фардосози тоҷик барои афзоишу таҳкими нуфуз ва эътибори Ватани азизу маҳбуби хеш саҳми муносиб хоҳанд гузошт.

Зимни баррасии масъалаи мазкур вакили шаҳрӣ Наим Маликисломӣ, прокурори шаҳри Хуҷанд Авазҷон Назарзода ва комисари ҳарбии шаҳр Қурбоналӣ Сулмонзода андешаҳои хешро баён доштанд.

Раиси шаҳри Хуҷанд Фирдавс Шарифзода таъкид намуд, ки масъулини мақомоти иҷроияи ҳокимияти давлатии шаҳр, раисони маҳаллаҳо ҷиҳати даъвати шаҳрвандон ба хизмати ҳарбӣ дар робита бо кормандони комиссариати ҳарбии шаҳр вохўрии ҷавононро бо собиқадорони ҷангу меҳнат, шахсони барўманд ва ҷавононе, ки хизмати ҳарбиро адо кардаанд, ба нақша гирифта, тариқи воситаҳои ахбори омма, радио ва телевизион ба шунавандагону тамошобинон пешкаш намудани он чораандешӣ намоянд.

Шуъбаи маорифивазифадор карда шуд, ки дар ҳамкорӣ бо комиссариати ҳарбии шаҳр барои гузаронидани машғулиятҳои методӣ бо омўзгорони фанни омодагии дифои ҳарбӣ корро ҷоннок намуда, барои ҷалби ҷавонони синну соли даъватӣ чораҳои зарурӣ андешад. Аъзоёни комиссияи даъватӣ барои бартараф намудани камбудиҳое, ки дар даъвати баҳорӣ ҷой доштанд, чораҷўӣ намуда, барои тибқи мўҳлатҳои муқарраршуда ба иҷро расонидани нақшаи даъвати тирамоҳӣ чораҳои таъхирнопазир андешанд.

Дар масъалаи сеюми рўзнома “Ҳисоботи комиссияи доимии Маҷлиси вакилони халқи шаҳри Хуҷанд оид ба масъалаҳои ҳифзи иҷтимоӣ, сиҳатии омма, ҳифзи табиат, масоили оила ва занон” аз ҷониби вакили Маҷлиси вакилони халқи шаҳри Хуҷанд аз ҳавзаи интихоботии Қалъаи Хуҷанд, № 17 Адиба Мамадова ироа карда шуд.

Сипас ҳисоботи вакили Маҷлиси вакилони халқи шаҳри Хуҷанд аз ҳавзаи интихоботии Сирандуд, № 39 Муқаддас Азимова оид ба рафти иҷрои ваколати вакилӣ шунида шуд.

Ҳангоми баррасии масъалаи ҳафтуми рўзнома дар бораи номгузории объектҳои физикию ҷуғрофӣ раиси комиссияи номгузорӣ ва ивази номи иншоотҳои таърихию ҷуғрофӣ, вакили Маҷлиси вакилони халқи шаҳр аз ҳавзаи интихоботии Дўстӣ, № 25 Фирўза Нуруллозода иттилоъ дод, ки комиссия қарорҳоро дар бораи номгузорӣ намудани номи яке аз кўчаи номнадоштаи микроноҳияи 1 -уми шаҳри Хуҷанд ба номи Ҳамро Тоҳирова ва дар бораи гузоштани нимпайкараи Ҳаким Карим дар назди бинои баландошёнаи сохташудаистодаи маҳаллаи Раззоқ, кўчаи Ҳаким Карим қабул намудааст.
Вакилон тариқи овоздиҳии ризояти хешро ҷиҳати қабули қарорҳои мазкур доданд.

Сипас якчанд қарорҳои Раиси шаҳри Хуҷанд қабул карда шуданд.

Дар ҷараёни иҷлосия муовини Раиси вилояти Суғд Анвар Яъқубӣ доир ба масъалаҳои баррасишуда фикру андешаҳои хешро баён дошт.

Бо вазифагузорӣ аз ҷониби Раиси Маҷлиси вакилони халқи шаҳр, Раиси шаҳри Хуҷанд ба кори иҷлосия ҳусни анҷом бахшида, аз ҷумла таъкид дошт, ки Асосгузори сулҳу ваҳдати миллӣ- Пешвои муаззами миллат муҳтарам Эмомалӣ Раҳмон дар ироаи Паёми имсолаашон аз 21 декабри соли 2021 қайд карданд, ки “Ҳукумати мамлакат ба масъалаҳои мунтазам беҳтар кардани шароити хизмат ва зиндагии афсарону сарбозон, аз лиҳози техникиву таҷҳизот навсозӣ кардани Қувваҳои Мусаллаҳ ва махсусан, Қўшунҳои сарҳадӣ, ташкили дурусти ҳайати захираҳои даъвати сафарбарӣ, бо лавозимоту таҷҳизот таъмин кардан, баланд бардоштани сатҳи касбӣ ва омодабошии онҳо эътибори аввалиндараҷа диҳанд.

Таъкид намуданд, ки ҷавонони мо дорои ҳисси баланди миллӣ ва эҳсоси гарми ватандўстиву ватанпарварӣ буда, дар мубориза бо ҳама гуна хавфу хатарҳое, ки зидди давлату миллатанд, омода мебошанд ва манфиатҳои миллиро аз ҳар манфиати дигар боло медонанд.”

Мақомоти иҷроияи ҳокимияти давлатии шаҳри Хуҷанд бо ҷавонони бонангу номуси худ ифтихор мекунад ва барои ҳалли масъалаҳои онҳо минбаъд низ тамоми тадбирҳоро амалӣ мегардонад.

Изҳори умедворӣ карда шуд, ки ҷавонони мо дар дигаргунсозиҳои ҷомеаи навин боз ҳам фаъолона иштирок карда, дар муаррифии давлати миллӣ, ҳифзи арзишҳои истиқлолият ва рушди Тоҷикистони азиз беш аз пеш саҳм мегузоранд. Бинобар ин бояд ҳар яки моро лозим аст, ки барои насли ҷавон чораҳоеро биандешем, ки дар тарбияи ҳарбӣ-ватандўстии онҳо таъсиргузор бошад. Дар замири онҳо моҳияти ватандориву ватандўстиро бо ҳар роҳу усул ҷой дода, фаҳмонем, ки ҳимояи оромиву осудагии меҳан барои ҳар як фарзанди бонангу номуси миллат ҳам қарз ва ҳам фарз аст.

Зикр шуд, ки мардуми Хуҷандшаҳр фазои меҳанпарастиро дар муҳити ҳар як хонавода муҳайё сохта, фарзандонро дар рўҳияи ватанпарастӣ тарбия менамоем ва барои дар амал татбиқ намудани дастуру ҳидоятҳои Асосгузори сулҳу ваҳдати миллӣ- Пешвои муаззами миллат муҳтарам Эмомалӣ Раҳмон ва дастуру вазифагузориҳои Раиси вилоят, муовини якуми Раиси Маҷлиси миллии Маҷлиси Олии Ҷумҳурии Тоҷикистон Раҷаббой Аҳмадзодаро бо амри дил иқдом намуда, тамоми саъю талоши ватандўстонаамонро дар самти ободиву созандагии Ватан баҳри истиқболи ҷашни 30-солагии иҷлосияи шонздаҳуми Шўрои Олии Ҷумҳурии Тоҷикистон ва ҷашни 35-солагии Истиқлолияти давлатии Ҷумҳурии Тоҷикистон сафарбар менамоянд.


Дафтари матбуоти
Раиси шаҳри Хуҷанд

Председатель города

Заместители Председателя

Хомидзода А.А. Хомидзода А.А. Руководитель аппарата председателя города Хомидзода Абдувахоб Абдумаджид родился 8 июня 1978 года в городе Худжанде. По национальности...
Фируза Нуруллозода Фируза Нуруллозода Заместитель председателя города Фируза Нуруллозода родилась 9 февраля 1983 года в городе Худжанде. В 2004 году окончила ХГУ имени академика...
Гайбуллозода Х. Гайбуллозода Х. Первый заместитель председателя города ХуджандГайбуллозода Хайрулло назначен на данную должность по постановлению Председателя  города ...
Бахтиёр Бокизода Бахтиёр Бокизода Заместитель председателя городаБахтиёр Боқизода родился 28 июля 1983 года в городе Худжанде, имеет четыре высших образования: юридическ...

Руководители структур

Джураева К. Я. Джураева К. Я. Джураева Кибриё Яхяевна. Родилась 9 сентября 1966 года в Б.Гафуровском районе, по национальности таджичка. Имеет высшее образование. В 1997 ...
Миробидова М. М. Миробидова М. М. Миробидова Муаттар Мирмухамедовна. Родилась 24 июня 1966 года в городе Худжанде, таджичка, образование высшее. В 1990 году окончила Таджикск...
Миркамолов М.Н. Миркамолов М.Н. Миркамолов Мухсин Насруллоевич родился 10 ноября 1959 года в городе Худжанде. По национальности таджик. В 1980 окончил Таджикский Государств...
Джамшед Набизода Джамшед Набизода Джамшед Набизода. Родился 9 мая 1981 года в городе Худжанде. По национальности таджик. В 2003 году окончил Таджикский университет права, биз...
Бобозода Т. К. Бобозода Т. К. Бобозода Толиб Карим родился 1 августа 1968 года в городе Худжанде, по национальности таджик, имеет высшее образование. В 1994 году окончил ...
Самадов Сухробджон Абдусамадович Самадов Сухробджон Абдусамадович Самадов Сухробджон Абдусамадович родился 29 декабря 1976 года в городе Худжанде. По национальности таджик, имеет высшее образование. В 1998 ...
Собитова М.А. Собитова М.А. Собитова Мунзифа Ахматовна родилась 14 сентября 1960 года в городе Худжанде. По национальности таджичка, имеет высшее образование, в 1982 го...
Бободжонзаде А. Бободжонзаде А. Бободжонзаде Абдусалом родился 27 декабря 1966 года в районе Б.Гафуров. По национальности таджик, имеет высшее образование, в 1992 году...
Юсупов М. З. Юсупов М. З. Недоступен ни однин перевод.Юсупов Маъмурҷон Зулҳайдарович 1-уми июни соли 1981 таваллуд шудааст. Миллаташ тоҷик, маълумот олӣ мебошад. Соли...
Сангинова М. А. Сангинова М. А. Сангинова Муяссар Абдукахоровна родилась 15 октября 1979 года в городе Худжанде. По национальности таджичка. Имеет высшее образование. В 200...
Рахимхуджаев М. А. Рахимхуджаев М. А. Рахимхуджаев Музаффар Анварович родился 8 августа 1982 года в городе Худжанде. По национальности таджик. Имеет высшее образование. В 2003 го...
Маликисломов Н. Н. Маликисломов Н. Н. Насим Маликисломов родился 23 октября 1986 года в городе Худжанде в семье служащего. В 1994 году пошел в среднюю школу №18 города Худжанда, ...
Мухбира Дониёрова Мухбира Дониёрова Согласно решению председателя города Худжанда Маъруфа Мухаммадзода от 30 июля текущего года Мухбира Дониёрова назначена заведующим отделом З...
Юсуфӣ У. C. Юсуфӣ У. C. Недоступен ни однин перевод.Юсуфӣ Усмон Сиддиқзода 23-юми сентябри соли 1982 дар ноҳияи Бобоҷон Ғафуров таваллуд шудааст. Миллаташ тоҷик, ма...
Ӯлмасова Н. М. Ӯлмасова Н. М. Недоступен ни однин перевод.Ӯлмасова Нигина Маруфовна 08-уми октябри соли 1980 дар шаҳри Хуҷанд таваллуд шудааст. Миллаташ тоҷик, маълумоташ...
Абдуқаҳҳорзода Т. Абдуқаҳҳорзода Т. Недоступен ни однин перевод.Абдуқаҳҳорзода Таҳмина Солҳои 2000 - 2002-Лаборанти кафедраи забон ва адабиёти тоҷики Донишгоҳи давлатии Хуҷанд ...
Каримов А. А. Каримов А. А. Недоступен ни однин перевод.Каримов Азимҷон Акрамҷонович 1-уми январи соли 1998 дар шаҳри Хуҷанд таввалуд шудааст. Миллаташ тоҷик, маълумота...
Абдуллоев Ш. Д. Абдуллоев Ш. Д. Недоступен ни однин перевод.Абдуллоев Шукрулло Дадоҷонович 24-уми июли соли 1998 дар шаҳри Хуҷанд таввалуд шудааст. Миллаташ тоҷик, маълумот...