30 Ноябр 2018
Бо дастгирии Раиси шаҳри Хуҷанд Маъруф Муҳаммадзода барои занону духтарони Мақомоти иҷроияи ҳокимияти давлатии шаҳр ва сохторҳои он курси семоҳаи мактаби «Зан -сарвар»-ро барои соли 2018 оғоз гардид.
Муяссар Сангинова, мудири шуъбаи кор бо занон ва оилаи шаҳри Хуҷанд дар оғози курси мазкур баромад намуда, аз ҷумла таъкид дошт, ки курси семоҳаи мактаби «Зан -сарвар»-ро барои соли 2018 аз руи барномаи таълимии «Менеҷменти нави давлатӣ» сурат гирифта, он тӯли 3 моҳ, ҳафтае як маротиба, рӯзи панҷшанбе сурат мегирад.
Курси мазкур дар асоси Барномаи давлатии «Тарбия, интихоб ва ҷобаҷогузории кадрҳои роҳбарикунанда аз ҳисоби занону духтарони лаёқатманд барои солҳои 2017-2022» гузаронида мешавад. Ин барномаи давлат бо дастуру супориши Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон таҳия ва роҳандозӣ шудааст.Алҳол аз соли 2014 то инҷониб 100 нафар занону духтарон аз ҳисоби донишҷудухтарону корхонаю муассисаҳо ва сохторҳои давлатии шаҳри Хуҷанд соҳиби гувоҳномаи курси мазкур гардиданд.
Иттилоъ дода шуд, ки имрӯзҳо дар сохторҳои мақомоти иҷроияи ҳокимияти давлатии шаҳр, корхонаю муассисаҳо шумораи занон зиёд гардида, дар вазифаҳои гуногун пурмаҳсул меҳнат карда истодаанд. Маълумотҳо нишон медиҳанд, ки дар соҳаҳои маориф, тандурустӣ, илму фарҳанг зиёда аз нисфи кормандонро занон ташкил медиҳанд.
Дарси аввали курси семоҳаи мактаби «Зан -сарвар»-ро ходими давлатию ҳизбӣ Биҳоҷал Раҳимова оғоз намуда, аз ҷумла таъкид дошт, ки ҳадафи асосии ин иқдомот пеш аз ҳама таъмини дастрасии занону духтарон ба хизмати давлатӣ , таъмини ҳуқуқи баробарии мардон ва занон ҳангоми пешниҳод ва таъин намудан ба вазифаҳои роҳбарикунанда, мусоидат намудан дар болоравии маҳорату малакаи касбӣ, тарбияи ахлоқӣ ва ватандӯству ватанпарастӣ ва баланд бардоштани дараҷаи рақобатпазирӣ дар соҳаи хизматӣ давлатӣ мебошад.
Дафтари матбуоти
Раиси шаҳри Хуҷанд
