10 Декабрь 2016
Недоступен ни однин перевод.
Дар муассисаи давлатии «Маркази ҷавонон ба номи Лоиқ Шералӣ»-и шаҳри Хуҷанд намоиш ва фурeши ҳунарҳои дастии шахсони имконияташон маҳдуд доир гашт. Дар он намояндагони муассисаҳои мухталифи шаҳри Хуҷанд ва ноҳияҳои Бобоҷон Fафуров, Конибодом, Спитамен иштирок карданд.Раиси Маркази иҷтимоӣ, тавонбахши Иттиҳодияи миллии Тоҷикистон дар шаҳри Хуҷанд Абдусаттор Ҷалилов бо 6 нафар корманди муассиса ба намоиши ҳунарҳои дастӣ маҳсулоти ниёзи аввалаи мардум тору чангакҳои ҷомашeйовезӣ, халтаҳои қоғазии ғунҷоишашон то 50 килогӣ, асбобҳои барқӣ (вилкаю резетка) ва варақаҳои ҳуҷҷатгузории муҳосибӣ пешниҳод карданд. -Дар намоиши имрeза беш аз 20 нафар ҳунарманд аз Ташкилоти ҷамъиятии «Гурдофарид», Мактаби таҳсилоти иловагии ҷамоати Хистеварз, Мактаб- интернати махсус барои наврасони қувваи шунавоиашон сусти Хистеварз иштирок доранд,- гуфт, раиси Иттиҳодияи миллии Тоҷикистон дар ноҳияи Б.Fафуров Рамзиддин Ҷeраев. Ҳунарманд Гулчеҳра Турсунова намудҳои гуногуни мeҳраро барои куртаҳои занона, Барно Дадобоева маҳсулоти қуроқдeзӣ, Муҳаррама Абдуллоева рeймолҳои дастидeхт, хонандагони мактаб-интернети махсуси қувваи шунавоиашон суст ҳунарҳои миллии дeзандагӣ, бофандагӣ, кандакорӣ, гаҷкорӣ, доғсeзӣ, қуроқдeзӣ ва мeҳрабофиро ба маърази тамошо гузоштанд.
Ташкилоти ҷамъиятии «Чашмаи ҳаёт» мусаввараҳои аз матоъҳои ранга орододашуда, ҳамёну сумкаҳо бо гулҳои дастидeхтро ба намоиш оварданд, ки он маҳсули дасти шахсони имконияташон маҳдуд буд.
Бонувони гулдаст Муяссара, Гуландом, Умеда, Меҳрона, Саида, Гулҷаҳон, Малика бо сарварии Ситора Қурбонова аз корхонаи «Сафои Конибодом» куртаю тоқиҳои зардeзӣ, либосҳои бачагонаи аз риштаҳо бофташуда, ҷияк, рeймолҳои дастидeхтро ба бинандагони намоиш пешкаш намуданд, ки ҳар яке аз дигараш зеботар ба назар мерасид.
Шахсони имконияташон маҳдуд бори дигар аъзои комилҳуқуқӣ ҷамъият будани худро собит сохтанд, зеро маҳсули дастони онҳо аз ҷиҳати намуд, тарзи дeхт ва ороишаш аз ҳунармандони касбӣ монданӣ надошт. Ҳамзамон ин намоиш ифодаи меҳнатдeстиву дилгармии шахсони имконияташон маҳдудро нисбат ба зиндагӣ таҷассум мекард.
М.РУСТАМОВА,
«Тирози ҷаҳон»
