Омодагӣ ба мавсими тирамоҳу зимистон дар шаҳри Хучанд.

02 Июл 2015

Тибқи иҷрои Қарори Ҳукумати Ҷумҳурии Тоҷикистон аз 30 апрели соли 2015, №261 «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2015-2016», қарори Раиси вилояти Суғд аз 26 майи соли 2015, №267 ва қарори Раиси шаҳри Хуҷанд аз 10 июни соли 2015, № 415 корҳои омодагӣ ба мавсими зимистон дар шаҳри Хуҷанд шурӯъ шудааст.
Бо ин мақсади ҳамоҳангсозии фаъолияти сохторҳои дахлдор ва назорату иҷроиши нақшаи тасдиқгардида бо супориши Раиси шаҳри Хуҷанд Раҷаббой Аҳмадзода ситоди зимистонгузаронӣ созмон дода шуда, нақшаи чорабиниҳо иборат аз 14 банд таҳия ва тасдиқ карда шудааст. То имрӯз аз ҷониби шабакаҳои барқии шаҳри Хуҷанд барои беҳтар намудани барқтаъминкунии аҳолӣ ва камбор намудани трансформаторҳои мавҷудбуда 4 адад истгоҳи трансформатории нави иқтидораш 400кВА ва 250 кВА насбу васл карда шудааст. Инчунин аз тарафи гурӯҳи татбиқи лоиҳа зиёда аз 9000 метр хати ҳавоии шиддаташ 10 кВт хобонида шуд. Барои дар сатҳи зарурӣ гузаронидани мавсими тирамоҳу зимистони солҳои 2015-2016 7 тонна равғани трансформаторӣ, 13 адад трансфор-матори иқтидораш гуногун, истгоҳи трансформатории маҷмӯи шаҳрӣ 6 адад, кабели буришаш гуногун 11000 метр, пояҳои оҳану бетонӣ 36 адад ва ҷудокунакҳо ба миқдори 1439 адад захира карда шудааст.
Аз ҷониби мутахассисон дегхонаҳои беморхонаи клиникавии шаҳрии № 1, 2 ва таваллудхонаи шаҳриро барои истифода бо намуди алтернативӣ,-ангиштсанг омода карда истодааст.
Тибқи нақша  корхонаҳои давлатии «Истифодабарии манзил»-и соҳили росту чапи шаҳр аз масохати 9000м² таъмири бомҳои хонаҳои баландошёнаи ба нақша гирифта шуда, айни замон иҷроиш он 6964м²-ро ташкил медиҳад. Таъмир ва ивази қубурҳои обу ташноб тибқи нақша 4000 метр буда, иҷроиш 415 метр, таъмири биноҳои истиқоматӣ тибқи нақша 12 адад, иҷроиш 19 адад, иваз намудани шиша тибқи нақша 120м², иҷроиш 120м², тоза кардани тагхонаҳо тибқи нақша 296 адад, иҷроиш 191 ададро ташкил дод.
Бо мақсади пурра таъмин намудани талаботи аҳолӣ бо ангишт ва гази моеъ дар миқёси шаҳр 18 адад нуқтаи фурӯши ангишт амал карда, дар он 402 тонна захираи ангиштсанг мавҷуд мебошад. Ҳамчунин 21 адад нуқтаи фурӯши гази моеъ дар Ҳолати корӣ буда, захираи он 100 тоннаро ташкил медиҳад.
Муассисаҳои соҳаи маориф 300 тонна ангишт, 140м³ ҳезум ва 705м² шишабандӣ ба нақша гирифтанд. Айни замон 162,5 тонна ангишт, 60м³ ҳезум захира карда шудааст. Барои истифода дар фасли зимистон 1501 адад гармкунаки барқӣ, 470 адад печҳои бухорӣ муҷаҳҳаз гардонида шудааст. Барои фаъолияти мунтазами синфхонаҳои компутерӣ 46 адад генераторҳои барқӣ дар ҳолати корӣ қарор дошта, 480 литр сӯзишворӣ захира карда шудааст.
Аз 285 тоннаи талаботи муассисаи тандурустӣ ба сӯзишвории ангишт беморхонаи шаҳрии №1 75 тонна, беморхонаи шаҳрии №2 148 тонна ва таваллудхонаи шаҳрӣ 130 тонна захира карда шудааст.
Барои пешгирӣ намудани ҳолатҳои садамавӣ ва яхбандии роҳҳо аз ҷониби корхонаи давлатии «Истифодабарии роҳҳо»-и шаҳр захира кардани 100 тонна намак, 350 тонна қум ва 310 литр равғанҳои молиданӣ дар нақшаи корӣ мебошанд. То имрӯз 20 тонна намак, 300 тонна қум ва 200 литр равғани молиданӣ захира карда шудааст ва дар анбори корхона 95 тонна омехтаи моддаи зиддилағжиш вуҷуд дорад.