18 Январь 2024
Недоступен ни однин перевод.
Раиси вилояти Суғд Раҷаббой Аҳмадзода бо фаъолияти Ҷамъияти саҳҳомии кушодаи «Нуртекс» шинос гардид.
Зимни шиносоӣ иттилоъ дода шуд, ки дар ҶСК «Нуртекс» 35 адад корхонаву коргоҳҳо ва соҳибкорони инфиродӣ фаъолият бурда, дар таъмини бозори дохилӣ бо маҳсулоти ватанӣ саҳм мегузоранд.
Дар ҷамъият исеҳсоли равған, қисмҳои эҳтиётии гуногун барои техника, сангҳои ороишӣ ба роҳ монда шуда, коргоҳҳои дӯзандагӣ, кандакорӣ ва чӯбкорӣ низ мавҷуд аст.
Масъулини ҶСК «Нуртекс» тасмим доранд, ки ҷиҳати иҷрои супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва саҳмгузорӣ дар саноатикунонии мамлакат парки технологӣ таъсис диҳанд.
Раиси вилоят ба роҳбарияти корхона барои истифодаи самараноки иқтидорҳои истеҳсолӣ, ташкили ҷойҳои нави корӣ, зиёд намудани ҳаҷми истеҳсоли маҳсулот, таъмини бозори дохилӣ бо маҳсулоти худӣ, ба роҳ мондани содироти маҳсулот супоришҳо дод.