Раиси вилоят аз раванди бунёди корхонаҳои нави саноатӣ боздид намуд

Печать
(0 овоз, миёна 0 аз 5)

06 Апрел 2023

altДар микроноҳияи 27-уми шаҳри Хуҷанд аз ҷониби ширкати ҶДММ “Сохтмони Кабир” корхонаи истеҳсоли конструксияҳои оҳанӣ ҷараён дорад. Иқдоми бунёди чунин корхонаи саноатии воридотивазкунанда аз ҷониби соҳибкор ва сохтмончии ватанӣ Комил Турдибоев ба даст гирифта шуда, ширкати мазкур дар ояндаи наздик тамоми иншооти бузурги бо конструксияҳои оҳанӣ сохташавандаро дар дохили кишвар роҳандозӣ менамояд. Ширкат дар ин самт аллакай таҷриба кофӣ ба даст оварда дар иншооти гуногуни мамлакат, аз ҷумла чойхонаи “Қасри Арбоб”, Маҷмааи “Истиқлол”-и шаҳри Хуҷанд, “Қалъаи Хуҷанд”, Мақбараи Камоли Хуҷандӣ ва дар барафрохтани беш аз 25 адад Парчами миллӣ дар шаҳру навоҳии кишвар саҳми муносиб гузоштааст.

Раиси вилояти Суғд Раҷаббой Аҳмадзода ва Раиси шаҳри Хуҷанд Фирдавс Шарифзода аз ин корхонаи саноатӣ боздид намуда, ба ин иқдоми ватандўстонаи соҳибкор изҳори миннатдорӣ намуда, баҳри ободонӣ ва зеббахшии ҳудуди корхонаи бунёдшаванда дастуру супоришҳо доданд.

Дар ҷараёни сафари корӣ ҳамзамон аз рафти корҳои сохтмонии дар ҶДММ “Шишакор”, ҶДММ “Фаровон” ва “Папирус” боздид ба амал оварда шуд.

Дафтари матбуоти
Раиси шаҳри Хуҷанд