591
(0 овоз, миёна 0 аз 5)
24 Май 2014
Дар шаҳри Хуҷанд тибқи дастури Раиси шаҳри Хуҷанд Раҷаббой Аҳмадзода бо мақсади тадбиқи нақшаи вобаста ба соли 2014 эълон шудани соли роҳҳои обод, ҳамарӯза корҳои ободонӣ дар маҳаллаҳо, кӯчаҳои марказӣ ва роҳҳои иловагӣ бо маром идома дорад.
То интиҳои ҳафтаи равон кӯчаи ба номи Ҳаким Карим, ки масофаи он 400 метрро ташкил медиҳад бо кӯмаки молии Мақомоти иҷроияи ҳокимияти давлатии шаҳри Хуҷанд Идораи давлати истифодабарии роҳҳои маркази вилоят аз таъмири куллии хушсифат бароварда мешавад.
Ҳоло кормандон марҳилаи ниҳоии корҳои асфалтхобониро ба анҷомрасонда, кӯчам мазкурро барои истифода омода мекунанд.
Дар баробари ин кормандони истифодабарии роҳ мувофиқи нақшаи таҳияшуда, дар кӯчаҳою маҳаллаҳои дигари шаҳри Хуҷанд аз ҷумла кӯчаи академик Раҷабовҳо, қисми дигари кӯчаи ба номи Фирдавсӣ, ба номи Мавлонбеков барои мумфаршкунӣ роҳро омода менамоянд.