16 Ноябр 2016

Бахшида ба Рӯзи Президенти Ҷумҳурии  Тоҷикистон,ки соли равон бори нахуст таҷлил мегардад, Раиси шаҳри Хуҷанд Шарифзода Шариф Файз меҳмони чорабинии якчанд муассисаҳои иҷтимоии шаҳр бахшида ба ин рӯз доир гашт ширкат намуд.
Қабл аз ҳама Раиси шаҳри Хуҷанд ба мактаб интернати махсуси ёрирасони шаҳр гардид.
Бо кӯмаки омӯзгорон барномаи адабӣ-фарҳангии наврасони ин мактаб парваришгоҳ пешкаши иштирокдорони ин ҷамъомад гардид.
Раиси шаҳри Хуҷанд Шарифзода Шариф Файз баробари таманниёти нек таъкид намуд, ки барои имрӯзиён ва насли оянда боиси ифтихор аст,ки шоҳиди таҳаввулоти таърихӣ, таҳкими арзишҳои миллӣ, боло рафтани худшиносӣ аз дастуру ҳидоятҳои  Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон Эмомалӣ Раҳмон сарчашма мегирад. Ба хотири эҳтирому арҷгузорӣ аз ин сол минбаъд Рӯзи Президенти Ҷумҳурии Тоҷикистон таҷлил мегардад. Шарифзода Шариф Файз дар интиҳо ба тамоми хонандагони ин мактаб-парваришгоҳ либосҳои мактабӣ тӯҳфа намуд.
Ҳамчунин Раиси шаҳр аз ҳолу зиндагии кӯдакони Муассисаи давлатии махсусгардондашудаи табобатии Хонаи кӯдакони шаҳри Хуҷанд, Ширхоргоҳ кӯдакистони № 26, ки тифлони нутқу шунавоиашон  нуқсондор ва Мактаб парваришгоҳи махсус барои кӯдакони қувваи босираашон суст дидан намуда, бо омӯзгорон мураббиён ва ҳамшираҳои шавқати ин муассиса мулоқот намуд. Раиси шаҳри Хуҷанд ба тамоми тарбиятгирандагони ин муассаҳо низ либоси мактабӣ ва тӯҳфаҳои хотиравӣ тақдим намуд.