28 Октябрь 2016

Дар толори мақомоти иҷроияи ҳокимияти давлатии шаҳри Хуҷанд бо иштироки вакилони Маҷлиси вакилони халқи шаҳри Хуҷанд, роҳбарони воҳидҳои сохтории мақомоти иҷроияи ҳокимияти давлатии шаҳр, мақомотҳои ҳифзи ҳуқуқ, ташкилоту муассисаҳои шаҳрӣ, ҳифзи сиҳатии омма, сохторҳои корхонаи воҳиди давлатии коммуналии «Сарраёсати ободонӣ ва хоҷагии манзилию коммуналӣ»-и шаҳр, раисони кумитаи маҳаллаҳои шаҳр, ҳунармандони ҳунарҳои мардумӣ, гирандагони гранти раиси шаҳр, намояндагони воситаҳои ахбори умум иҷлосияи ҳафтуми Маҷлиси вакилони халқи шаҳри Хуҷанд, даъвати панҷум баргузор гардид.
Иҷлосияро муовини Раиси шаҳри Хуҷанд, вакили маҷлиси шаҳрӣ Умедахон Муродӣ ифтитоҳ намуда, ҳозиронро бо рӯзномаи иҷлосия ошно намуд. Ба баррасии иҷлосияи ҳафтуми Маҷлиси вакилони халқи шаҳри Хуҷанд, даъвати панҷум масъалаҳои тасдиқ намудани ваколати вакилии вакили Маҷлиси вакилони халқи шаҳри Хуҷанд, даъвати панҷум ба ивази вакили хориҷшуда аз ҳавзаи интихоботии “Дониш”, №19, рафти иҷрои қарори Ҳукумати Ҷумҳурии Тоҷикистон аз 3 июни соли 2014, №375 “Дар бораи рушди қолинбофии дастӣ ва дигар ҳунарҳои мардумӣ дар Ҷумҳурии Тоҷикистон” дар шаҳри Хуҷанд, ҳисоботи комиссияи доимии Маҷлиси вакилони халқи шаҳри Хуҷанд оид ба масъалаҳои сиёсати сармоягузорӣ ва дастгирии соҳибкории маҳаллӣ, дар бораи пеш аз мӯҳлат қатъ намудани ваколати вакилони Маҷлиси вакилони халқи шаҳри Хуҷанд дар ҳавзаҳои интихоботии “Ситора”, №13 ва “Хуросон”, №29, таъин намудани  интихобот ба ивази вакилони хориҷшудаи Маҷлиси вакилони халқи шаҳри Хуҷанд, даъвати панҷум, ташкили комиссияи шаҳрии интихобот ба Маҷлиси вакилони халқи шаҳри Хуҷанд, даъвати панҷум ба ивази вакилони хориҷшуда, ворид намудани тағйиру иловаҳо ба ҳайати комиссияи доимии Маҷлиси вакилони халқи шаҳр, даъвати панҷум,  аз эътибор соқит донистани қарори Маҷлиси вакилони халқи шаҳри Хуҷанд, даъвати чорум аз 25 сентябри соли 2014, №280 “Дар бораи номгузорӣ намудани Шохроҳи минтакаи озоди саноатӣ то минтақаи шимоли шарқии шаҳр ба номи Садриддин Айнӣ”, тасдиқи  номгузории объектҳои физикию ҷуғрофӣ  ва  тасдиқ намудани нақшаҳои муфассали тарҳрезишудаи маҳаллаҳои шаҳри Хуҷанд, дар бораи ворид намудани тағйирот ба қарори Маҷлиси вакилони халқи шаҳри Хуҷанд аз 28 декабри соли 2015, №66 “Дар бораи қабули буҷети шаҳри Хуҷанд барои соли 2016”, инчунин тасдиқи қарорҳои Раиси шаҳри Хуҷанд.
Аз рӯи масъалаи якуми рӯзнома Раиси комиссияи шаҳрии интихобот оид ба интихоботи вакили Маҷлиси вакилони халқи шаҳр Наҷимов М.С. оид ба натиҷаи ҷамъбасти интихоботи вакили Маҷлиси вакилони халқи шаҳри Хуҷанд аз ҳавзаи интихоботии “Дониш”, №19 ба ивази вакили хориҷшуда маълумот дода, аз Маҷлиси шаҳрии вакилони халқ хоҳиш намуд, ки ваколати вакилии Шарифзода Шариф Файзро аз ҳавзаи интихоботии “Дониш”, №19 ба Маҷлиси вакилони халқи шаҳри Хуҷанд, ки 19 июни соли 2016 интихоб шуд, тасдиқ намоянд.
Аз рӯи масъалаи дуюми рӯзнома Гулчеҳрахон Калонова сардори шӯъбаи Агентии меҳнат ва шуғли аҳолӣ дар шаҳри Хуҷанд оид ба рафти иҷрои қарори Ҳукумати Ҷумҳурии Тоҷикистон аз 3 июни соли 2014, №375 “Дар бораи рушди қолинбофии дастӣ ва дигар ҳунарҳои мардумӣ дар Ҷумҳурии Тоҷикистон” дар шаҳри Хуҷанд маърӯза намуд.
Вакилони Маҷлиси вакилони халқи шаҳр аз ҳавзаи интихоботии Тути калон, №8 Муҳаммадҷон Ёқубов, аз ҳавзаи интихоботии Қалъаи Хуҷанд,№17 Зулфия Ашӯрова, аз ҳавзаи  интихоботии Рифъат Ҳоҷиев, №28 Муяссар Раҳимова дар музокираи масъалаи мазкур иштирок намуданд.
Ҳамзамон Раиси Маҷлиси вакилони халқи шаҳр Шариф Шарифзода аз масъулини мақомоти иҷроияи ҳокимияти давлатии шаҳр оиди иҷроиши қарори Ҳукумати Ҷумҳурии Тоҷикистон аз 3 июни соли 2014, №375 “Дар бораи рушди қолинбофии дастӣ ва дигар ҳунарҳои мардумӣ дар Ҷумҳурии Тоҷикистон” дар шаҳри Хуҷанд пурсиш ба амал оварда, оиди камбудиҳои ҷойдошта дар татбиқи қарори мазкур дастуру пешниҳодҳои муфассал дода, вакилону масъулини мақомоти иҷроияи ҳокимияти давлатии шаҳрро баҳри ислоҳи камбудиҳо вазифадор намуд.
Аз рӯи масъалаи сеюми рӯзнома вакили Маҷлиси вакилони халқи шаҳр аз ҳавзаи интихоботии Раззоқ, № 1 Дадо Очилов, раиси комиссияи доимии Маҷлиси вакилони халқи шаҳри Хуҷанд оид ба масъалаҳои сиёсати сармоягузорӣ ва дастгирии соҳибкории маҳаллӣ оид ба фаъолияти комиссияи мазкур ҳисобот дод ва аз ҷониби вакилон дар ин бора қарор қабул гардид.
Ҳамчунин мудири шӯъбаи меъморӣ ва шаҳрсозӣ доири нақшаҳои сохтмони чанд иншооти нав ва мавзеҳои истироҳатии  шаҳрро барои солҳои минбаъда муаррифӣ намуд.
Доири масъалаҳои дигари тасдиқгардидаи иҷлосия низ вакилон қарорҳои дахлдор қабул карданд.
Аз рӯи масъалаи нӯҳуми рӯзнома Ҷӯраева К.Я.–котиби комиссияи номгузорӣ ва ивази номи иншоотҳои таърихию ҷуғрофии мақомоти иҷроияи ҳокимияти давлатии шаҳр пешниҳоди комиссияи номгузории объектҳои физикию ҷуғрофиро ба самъи вакилон расонд.
Аз ҷониби вакилон пешниҳоди комиссияи номгузории объектҳои физикию ҷуғрофӣ маъқул дониста шуда, дар ин бора қарор қабул гардид.
Бобати масъалаи навбатии баррасишаванда Раиси шаҳри Хуҷанд Шарифзода Шариф Файз ба маълумоти ҳозирон расонд, ки аз ҷониби муовини Раиси шаҳри Хуҷанд Умедахон Муродӣ барои анҷом додани кори илмӣ ва аз вазифа озод намудан ариза пешниҳод гардида, қарори Раиси шаҳр ба имзо расидааст. Вакилони Маҷлиси шаҳрӣ барои тасдиқи қарори зикргардида овоз доданд.
Раиси шаҳри Хуҷанд барои дифои муваффақонаи рисолаи илмӣ ба Умедахон Муродӣ комёби орзу намуда, барои фаъолияти пурсамар ва содиқона дар ин вазифаи пурмасъулият дар мақомоти шаҳрдорӣ ба Умедахон Муродӣ изҳори сипосмандӣ намуд. Намояндагони мардумӣ барои қабули санадҳои дахлдор оиди масъалаҳои дигари рӯзнома оид ба тасдиқи қарорҳои раиси шаҳр доири ихтиёрдорӣ намудани амволи ба моликияти давлат воридшуда, тасдиқи “Барномаи шаҳрии мубориза бар зидди ҷинояткорӣ барои солҳои 2016-2017”, дар бораи аз мувозина ба мувозина гузаронидани бинои баландошёна, дар бораи ба истифода додани бинои истиқоматии фонди манзили давлатӣ ва ғайраҳо муҳокима карда шуда, овоз доданд.
Дар фарҷоми иҷлосия муовини Раиси вилояти Суғд Файзуллозода Заробиддин Кудрат сухан намуда, зикр намуд, ки дастуру супоришҳои Асосгузори сулҳу Ваҳдати миллӣ-Пешвои миллат, Ҷаноби Олӣ мӯҳтарам Эмомалӣ Раҳмон ва Раиси вилояти Суғд мӯҳтарам Абдураҳмон Қодириро барои пешрафти давлати соҳибихтиёри худ, волоияти қонун, суботи сиёсиву иҷтимоӣ, ваҳдати  миллӣ равона намуда, барои ноил шудан ба нишондиҳандаҳои баланди иқтисодию иҷтимоӣ, густариши корҳои созандагиву бунёдкорӣ, ободонию кабудизоркунӣ, ҷалби занону духтарон ба омӯзиши ҳунар ва мусоидат бо ҷои кори доимӣ, ҷиҳати ба кор даровардани корхонаҳои атласбофӣ ва адрасбофии дастӣ, рушди меҳнати хонагии занон, аз ҷумла адрасбофии дастӣ, дарёфти беҳтарин ҳунармандони ҳунарҳои дастии қолинбофон, сӯзанидӯзон ва адрасбофон, тақвияту густариш бахшидан ба истеҳсолу истифодаи анвои гуногуни либосу матоъҳои миллӣ тамоми ҷидду ҷаҳди хешро равона сохта, бо мақсади амалӣ намудани қарори Ҳукумати Ҷумҳурии Тоҷикистон аз 3 июни соли 2014, №375 “Дар бораи рушди қолинбофии дастӣ ва дигар ҳунарҳои мардумӣ дар Ҷумҳурии Тоҷикистон” тадбирҳои судманд андешем.
Ҳамзамон Раиси шаҳр таъкид намуд, ки бо шарофату дастгирии сиёсати хирадмандонаи Асосгузори сулҳу Вахдати миллӣ-Пешвои миллат, Президенти кишвар, мӯҳтарам Эмомалӣ Раҳмон ва Раиси вилоят мӯҳтарам Абдураҳмон Қодирӣ имрӯз мардуми шаҳр ба корҳои ободонию созандагӣ машғул буда мибаъд низ баҳри пешбурди соҳаҳои иҷтимоиёту иқтисодиёт ва корҳои созандагию ободонӣ софдилона меҳнат менамоянд.