06 Апрел 2016

Дар вилояти Суғд панҷумин ярмарка-намоиши байналмилалии “Таҳсилоти россиягӣ. Душанбе -2016” оғоз гардид.
Барои иштирок дар ин чорабинӣ дар мувофиқа бо Вазорати маориф ва илми Ҷумҳурии Тоҷикистон намояндагони 11 мактабҳои олии Федератсияи Русия аз ҷумла, Донишгоҳи давлатии тиббии Олтой, Донишгоҳи давлатии Мари, Донишгоҳи федералии Шарқи дур, Донишгоҳи давлатии авиатехникии Уфа, Донишгоҳи давлатии федералии Кавкази Шимолӣ, Донишгоҳи давлатии ҳуқуқи Уралск, Донишгоҳи давлатии аграрии Дон, Донишгоҳи давлатии Қазон, Донишкадаи технологии саноати хуроквории Кемерово, Донишгоҳи давлатии архитектура ва сохтмони Санкт-Петербург ба вилоят омаданд.
Сардори Раёсати маорифи вилояти Суғд Каримзода Осим меҳмононро хайрамақдам гуфта, таъкид дошт, ки дар вилоят барои ташкили ярмарка-намоиш шароитҳои зарурӣ муҳайё карда хоҳанд шуд. Дар давоми якчанд рӯз намояндагони мактабҳои олии Федератсияи Русия бо хатмкунандагон вохӯрда, таълимгоҳҳои худро муаррифӣ менамоянд. Баъд бо иштироки хатмкунандагон олимпиадаҳо гузаронида, беҳтарини онҳо барои таҳсил ба донишгоҳ даъват мешаванд.