19 Феврал 2016

Давоми ҳафтаи равон дар ташкилоту муассисаҳо, корхонаю маҳаллаҳои маркази вилоят силсилаи вохӯрию мулоқотҳои Ватанзода Маҳмадалӣ Маҳмадулло Ёрдамчии Президенти Ҷумҳурии Тоҷикистон оид ба масъалаҳои ҳуқуқӣ – Намояндаи ваколатдори Президенти Ҷумҳурии Тоҷикистон дар Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, Файзулло Баротзода директори Маркази исломшиносии назди Президенти Ҷумҳурии Тоҷикистон, Гулбаҳор Турсунова вакили Маҷлиси намояндагони Маҷлиси Олии Ҷумҳурии  Тоҷикистон, Раънохон Маҳмудзода муовини Раиси Ҳизби халқӣ-демократии Ҷумҳурии Тоҷикистон бо сокинон, фаъолон, зиёиён аҳли илму адаб, мутахассисон ва шаҳрвадону масъулин баргузор гашта истодааст. Вохӯрии навбатӣ имрӯз дар Беморхонаи клиникавии шаҳрӣ № 1 бо табибону кормандони соҳаи тиб доир гардид.
Мулоқотро Раиси шаҳри Хуҷанд, узви Маҷлиси Миллии Маҷлиси Олии  Ҷумҳурии Тоҷикистон Раҷаббой Аҳмадзода ифтитоҳ намуд.
«Дар Паёми имсолаи Пешвои миллат, Ҷаноби Олӣ, мӯҳтарам Эмомалӣ Раҳмон ба Маҷлиси Олӣ беш аз ҳама бобати сифтан беҳтару боло бурдани сатҳи зиндагии мардум, фароҳам овардани шароити мусоид барои рушди иқтисодиёт, соҳибкорӣ, таъсис додани ҷойҳои нави корӣ, таҳкими арзишҳои миллӣ ва албатта пойдории сулҳу амнияти давлати соҳибистиқлоламон, таҳияи барномаҳои давлатӣ чун самти афзалиятноки сиёсати дохилию хориҷии кишвар зикр гардиданд.
Ворид гаштани тағйиру иловаҳои санаи 22 май тариқи райпурсӣ пешбинӣ гашта низ яке аз равандҳои таъминкунандаи ормону ҳадафҳои миллӣ аст. Тағйироту иловаҳо бештар заминаи ҳуқуқии сохторҳои давлатӣ ҳаёти ҷамъиятую сиёсии кишварро  таъмин намуда пешорӯи шаҳрвандони кишвари мо иштироки фаъолонаро дар марҳилаи нави давлатдории кишвари азизамон таъмин менамояд. Ман бо эътимоди комил гуфта метавонам, ки сокинони шаҳри бостонии Хуҷанд чун як тан бо мардуми диёрамон ин тағйироту иловаҳор ҷонибдорӣ намуда, саҳми худро дар таҳкими  давлатдории давлати соҳибистиқлоламон мегузоранд»-таъкид намуд Раиси шаҳри Хуҷанд Раҷаббой Аҳмадзода.
Баъдан дар назди ҳозирон ҳамчунин Маҳмадалӣ Маҳмадулло  Ёрдамчии Президенти Ҷумҳурии Тоҷикистон оид ба масъалаҳои ҳуқуқӣ – Намояндаи ваколатдори Президенти Ҷумҳурии Тоҷикистон дар Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, Файзулло Баротзода директори Маркази исломшиносии  назди Президенти Ҷумҳурии Тоҷикистон, Гулбаҳор Турсунова вакили Маҷлиси намояндагони Маҷлиси Олии Ҷумҳурии  Тоҷикистон, Раънохон Маҳмудзода муовини Раиси Ҳизби халқӣ-демократии Ҷумҳурии Тоҷикистон ухан гуфта, доири ин мӯҳтавои Паёми Президенти Ҷумҳурии Тоҷикистон ба Маҷлиси Олӣ, зарурати иловаҳои ба райпурсии мардум пешниҳодгашта изҳори назар намуданд.