06 Январ 2016

Тибқи нақшаи чорабиниҳои Бахши ҷавонон, варзиш ва сайёҳии шаҳри Хуҷанд бо дастгирии Мақомоти иҷроияи ҳокимияти давлатии шаҳр, дар маркази вилоят мусобиқаи шаҳрии футбол барои дарёфти ҷоизаи «Бойчечак-2016» байни бачагони соли таваллудашон 2003-2004, 2001-2002 ва 1999-2000-ум гузаронида мешавад.
Мақсад аз баргузории ин чорабинии варзишӣ тадбиқи барномаи рушди футбол барои солҳои 2012-2016, ташвиқу тарщиби тарзи ҳаёти солим, пайдо намудани футболбозони навраси болаёқат ва ба дастаи мактабҳои варзишии бачагону наврасон ҷалб намудани онҳо ба бозии футбол мебошад.
Мусобиқа аз санаи 5 то 31 январ соли 2016, дар майдончаи варзишии Муассисаи давлатии «Мактаби варзишии бачагон ва наврасони №1»-и шаҳри Хуҷанд баргузор мегардад. Ҷаласа ва қуръапартоӣ бо мураббиёни дастаҳо санаи 4 январи соли 2016 дар Муассисаи давлатии «Мактаби варзишии бачагон ва наврасони №1»-и шаҳри Хуҷанд баргузор мегардад.