16 Сентябр 2015

Дар асоси  қарори Маҷлиси вакилони халқи шаҳри Хуҷанд, даъвати чорум аз 25 сентябри соли 2014, № 278 “Дар бораи тасдиқ намудани Рамзи шаҳр ва эълон кардани Рӯзи шаҳри Хуҷанд” ва бо мақсади ташакулли ҳисси ватандорӣ, таҳкими давлати демократӣ, ҳуқуқбунёд, дунявӣ, эҳёи таъриху фарҳанги ниёгон ва эҳтироми арзишҳои миллӣ Раиси шаҳри Хуҷанд Раҷаббой Аҳмадзода имрӯз қарори таҷлили ин рӯзро дар ҳудуди шаҳр санаи 26 сентябр ба имзо расонд.
Дар асоси ин қарори  номбурда санаи 26 сентябри соли  2015 дар қаламрави шаҳри Хуҷанд “Рӯзи шаҳри Хуҷанд” бо тантана таҷлил карда мешавад.
Барои баргузории ин чорабинӣ  дар сатҳи баланд нақшаи чорабиниҳо ва ҳайати кумитаи тадорукот оид ба таҷлили “Рӯзи шаҳри Хуҷанд” тасдиқ карда шуда,  Шӯъбҳои рушди иҷтимоӣ ва робита бо ҷомеаи дастгоҳи Раиси шаҳр, маориф, кор бо занон ва оила, меъморӣ ва шаҳрсозӣ, бахшҳои фарҳанг, ҷавонон, варзиш ва сайёҳии мақомоти иҷроияи ҳокимияти давлатии шаҳр ва дигар воҳидҳои сохтории мақомоти иҷроияи ҳокимияти давлатии шаҳр ҷиҳати татбиқи нақшаю чорабиниҳои мазкур ва дар сатҳи баланди ташкиливу сиёси шузаронидани “Рӯзи шаҳри Хуҷанд” тадбирҳои мушаххас андешида хоҳад шуд.  Дар ҳамина замина Бахши фарҳанги мақомоти иҷроияи ҳокимияти давлатии шаҳр вазифадор гаштаанд,ки барномаи театрикунонидашуда ва консерти идонаро бахшида ба таҷлили “Рӯзи шаҳри Хуҷанд” таҳия намуда, ҷиҳати гузаронидани озмуну намоишҳо доир хоҳанд кард.