06 Май 2015

Дар муассисаҳои таълимӣ ва мактабҳои миёнаи шаҳри Хуҷанд марҳилаи натиҷагирӣ аз дониши муҳассилин ва фаъолитяи омӯзгорон оғоз гардид.
Дар мактабҳои маркази вилоят тибқи нақшаи тасдиқнамудаи идораи маориф, муаллимони соҳибтаҷриба бо мақсади баланд бардоштани савияи дониш, такмили ихтисос ва мубодилаи таҷрибаи педагогӣ “Дарси кушод” баргузор менамоянд.
Дар мактаби таҳсилоти умумии № 28 таи якчанд сол аст, ки муаллимаи соҳибтаҷриба Наима Раҳматова аз фанни химия баро синфҳои болоӣ дарс медиҳад. “Дарси кушод”и муаллима Наима Раҳматова аз ин фан дар синфи 9 “а” бо мақсади “Маҳфуми илмӣ пайдо намудани хонандагон дар бораи мавзӯҳои металҳо дар системаи даврӣ ва хосияти онҳо” баргузор гашта барои омӯзгорони ҷавон барои  такмили ихтисос пешниҳод гардид.

Омӯзгор бештар аз ҳама дар рафти дарс ба риояи дастури одоби салом, пурсии вазифаи хонагӣ,саволу ҷавоб, ҳалли масъала ва табадулот дар тахтаи синф ва компютер, иҷрои тестӣ химиявӣ, навиштани формулаи химиявӣ эътибор дода, аз усулҳои гуногуни интерактивии таълим аз қабили муҳокимаи умумӣ, пурсиши фаврӣ, кори инфириродӣ ва ғайра истифода бурда шуд.
Лозим ба ёдоврист, ки давоми моҳи гузашта аз ҳисоби омӯзгорони пешқадами муассисаҳои таълимӣ 66 соат дарсҳои намунавӣ барои омӯзгорони ҷавони муассисаҳои таълимӣ гузаронида шуд.
Омӯзгорони пешқадами литсей донишкадаи политехники Аминова Зебо аз фанни математика, Қодиров Бахтиёр аз МТМУ №22 аз фанни география, омӯзгори фанни забони русии м/х Иршод Қорибобоева Ҷамила, Қодирова Маҳфуза-омӯзгори фанни забони англисии гимназияи Ганҷ, Розиқова Шарофат – омӯзгори синфҳои ибтидоии МТМУ №9, Шарифова Хайри – ЛДП – омӯзгори фанни забони русӣ, Зокирова Марҳабо – омӯзгори фанни забони англисии МТМУ №3, Зиёбоева Умеда – омӯзгори синфҳои ибтидоии МТМУ №21, Файзуллохуҷаева Муътабар – омӯзгори фанни биология гимназияи №4, Акрамова Мунира – омӯзгори биологияи МТМУ №3, Тошматова Мамлакат – омӯзгори фанни забони хориҷии гимназияи №24, Шокирова В – омӯзгори фанни технологияи МТМУ №19, Аҳмадҷонова Зулфия – омӯзгори фанни технологияи мактаб-интернати ёрирасон дар сатҳи баланди касбӣ чунин дарсҳои омӯзиширо  гузаронида барои боло бурдани савияи дониши ҳамкасбони худ саҳм гирифтанд.