АсосӣБойгонӣ

Навгонӣ

М У Р О Ҷ И А Т Н О М А

11 Июл 2013

Ҷомеаи меҳнатии КВД «Автобазаи санитарии шаҳри Хуҷанд» ба мардуми шарифи Хуҷанд ба истиқболи моҳи шарифи Рамазон

Ҳамшаҳриёни мӯҳтарам!

Қабл аз ҳама фарорасии моҳи муборак, моҳи мағфирати гуноҳҳо, хайру савоб ва баракотро бароятон шодбош мегӯем. Таманнои онро дорем, ки ин моҳи шариф дар ҳаёти Шумо бофайзу баракат ва бо корҳои бунёдкориву созандагӣ ба хотири ободиву осудагӣ ва амнияти Ватани маҳбубамон нақши хотирмон хоҳад гузошт.

Яке аз фазилатҳои неки ин моҳи муборак дар баробари тозаву покиза нигоҳ доштани нафсу имон, ҳамзамон озодаву обод нигоҳ доштани хонаву манзил, кӯчаву муҳити зист мебошад.

Муфассал... Шарҳ додан

Боздиди Раиси вилоят аз бозори Панҷшанбе

(1 овоз, миёна 5.00 аз 5)

10 Июл 2013

Дирӯз Раиси вилояти Суғд Қоҳир Расулзода бо мақсади омӯзиши вазъи бозор ва нархи анвои маҳсулот аз калонтарин бозори шаҳри Хуҷанд - Панҷшанбе дидан кард.

Қоҳир Расулзода ҳангоми боздид аз растаҳои гуногуни фурӯши маҳсулот бо фурӯшандагони бозор сӯҳбатҳо доир намуда, ба нархи анвои маҳсулоти бозор дар арафаи моҳи шарифи Рамазон таваҷҷӯҳи хоса зоҳир кард. Аз ҷумла, Раиси вилоят аз фурӯшандагон даъват ба амал овард, ки дар моҳи шарифи Рамазон аз болоравии нархи маҳсулот дар бозор ҷилавгирӣ намоянд.

Тавре аён гардид, ҳоло нисбат ба рӯзҳои муқаррарӣ нархи баъзе аз маҳсулот, аз ҷумла, гӯшт то 10 ва биринҷ то 15 фоиз арзон шудааст.

Муфассал... Шарҳ додан

Паёми мирӣ: Армуғон – аробачаи маъюбӣ

(1 овоз, миёна 5.00 аз 5)

08 Июл 2013

Паёми мирӣ: Армуғон – аробачаи маъюбӣ Ба ифтихори Рӯзи маъюбон ва пиронсолони Тоҷикистон Раиси шаҳри Хуҷанд Раҷаббой Каримов ба панҷ нафар маъюбони ниёзманд аробачаи маъюбӣ тақдим намуд. Бо ин мақсад Раиси шаҳр ба аёдати сокинони шаҳр, кӯчаи ба номи Хуҷанд, 84 - Муинҷон Ҳомидов, кӯчаи ба номи Сангин Полвон, 12 - Гулида Муҳаммадҷонова, кӯчаи ба номи Пушкин, 54 - Қодир Қайюмов, маҳаллаи Чашмаи арзана, кӯчаи ба номи М.Собирова, 20 - Адиба Ёрматова ва маҳаллаи 12, бинои 30, ҳуҷраи 28 - Собирҷон Қодиров омада, номаи табрики Мақомоти иҷроияи ҳокимияти давлатии шаҳри Хуҷанд ва кӯмаки моддӣ-маҳсулоти ғизоиро расонид.

Муфассал... Шарҳ додан

Таҷлил: Мамнун аз ғамхорӣ

09 Июл 2013

Дар асоси Қонуни Ҷумҳурии Тоҷикистон «Дар бораи рӯзҳои ид» ҳар сол санаи 8-уми июл дар қаламрави кишвари соҳибихтиёрамон чун Рӯзи маюбон ва пиронсолони Тоҷикистон таҷлил карда мешавад.

Ба ин хотир субҳи рузи душанбе дар Маркази фарҳангу фароғати қасри Арбоб ҷамъомади бошукӯҳ доир гардид.

Сароғоз дар даромадгоҳи он байни мардон ва занон мусобиқаҳои варзишӣ аз рӯи намудҳои шашкаю шохмот ва намоиши маҳсулоти коргоҳҳои хурд ва дастранҷи маюбон гузаронида шуд.

Дар дохили марказ-чойхонаи музайяни Арбоб қисми тантанавӣ бо иштироки роҳбарияти Мақомоти иҷроияи ҳокимияти давлатии вилояту шаҳр ва наздик 400 нафар маюбону пиронсолон аз тамоми шаҳру навоҳӣ баргузор гардид.

Муфассал... Шарҳ додан

Табрики Раиси шаҳри Хуҷанд ба ифтихори Рӯзи маъюбону пиронсолони Тоҷикистон

(1 овоз, миёна 1.00 аз 5)

07 Июл 2013

Ҳар сол 8-уми июл дар миқёси ҷумҳурӣ расман таҷлил гардидани Рӯзи маъюбон ва пиронсолон нишони эҳтиромгузорӣ нисбат ба инсонҳоест, ки бо амри тақдир костагие дар вуҷуди худ доранду бар асари он маъюбанд ва ё рӯзи қадри инсонҳои мӯътабарест, ки беҳтарин рӯзҳои умри хешро сарфи меҳнати пурсамар баҳри ободию рушди кишвари хеш карданд ва имрӯз дар ҳалқаи пайвандону аҳли оила роҳати айёми пирӣ мебинанд.

Дар Тоҷикистони соҳибистиқлол, ки кулли сокинонаш аз азал инсонпарвару мардумдӯстанд ва ҳамдигарро ба накӯкорӣ даъват менамоянд, парастории маъюбон ва пирони барҷомонда амали муқаррарист. Ин масъала дар сатҳи давлатӣ ҳалли мусбати худро меёбад.

Муфассал... Шарҳ додан