АсосӣБойгонӣ

Навгонӣ

300 рӯзи ободонӣ ва бунёдкорӣ

23 Июл 2013

Мумфаршкунии кӯчаҳо

Корҳои ободониву созандагӣ аз қадим мароми миллати тоҷик буд, ҳаст ва хоҳад монд. Эълон гардидани 300 рӯзи ободонӣ ва бунёдкорӣ дар шаҳр бо иқдоми наҷиби Раиси шаҳри Хуҷанд Раҷаббой Каримов исботи гуфтаҳои болост. Ин ташаббусро сокинони кӯчаҳои ба номи Содирхон Ҳофиз ва Таги садаи маҳаллаи ба номи Содирхон Ҳофизи шаҳри Хуҷанд якдилона дастгирӣ намуда, кӯчаҳои номбурдаро, ки масофаи 1000 метр (як километр)-ро дарбар мегирад, бо қувваи хеш мумфарш намуданд.

Дар рӯзи ҳашари мумфаршкунӣ Раиси шаҳр Раҷаббой Каримов иштирок карда, барои чунин иқдоми нек ба сокинони маҳалла арзи сипос намуд ва ин амалро намунаи олии ватандӯстиву меҳанпарастӣ номид.

Муфассал... Шарҳ додан

Сипоснома

(1 овоз, миёна 5.00 аз 5)

22 Июл 2013

Ба унвони Раиси шаҳри Хуҷанд,

мӯҳтарам Каримов Р.А.

Боиси ифтихор аст, ки Тоҷикистони азизи мо ба комёбиҳои азиме ноил гардидааст ва дар ҷаҳони муосир мақоми худро пайдо кардааст. Аминяту оромӣ, ки самараи сулҳу ризоияти миллӣ мебошад, маҳз бо саъю талошҳои Президенти Ҷумҳурии Тоҷикистон, Ҷаноби Олӣ, мӯҳтарам Эмомалӣ Раҳмон ба даст омадааст ва мо-модаронро водор месозад, ки шукргузор аз оромиву осудагии кишвари худ бошем. Боиси хушнудист, ки беҳтарин неъмат ва волотарин дастоварди миллат, сулҳу оромӣ, ҳаёти осоишта, зиндагии озоду ором насибамон гардидааст.

Бо дастуру супориши Президенти Ҷумҳурии Тоҷикистон ва бо иқдоми Раиси вилояти Суғд, мӯҳтарам Қоҳир Расулзода, бо дастгирии Мақомоти иҷроияи ҳокимияти давлатии шаҳри Хуҷанд ва шахсан Шумо, соли дуюм аст, ки мо-модарон имкон пайдо кардем, ки барои дидорбинии фарзандони худ мушарраф шавем.

Муфассал... Шарҳ додан

Нишасти матбуотӣ

19 Июл 2013

Нишондиҳанда назаррас, сухан бо эътимод

Раиси шаҳри Хуҷанд Раҷаббой Каримов бо иштироки муовини Раиси вилоят Мубинҷон Қаюмов барои кормандони воситаҳои ахбори умуми шаҳр, вилоят ва ҷумҳурӣ нишасти матбуотӣ доир намуд. Мавзӯи асосӣ самараи фаъолияти Мақомоти иҷроияи ҳокимияти давлатии шаҳри Хуҷанд ҷиҳати пешбурди соҳаҳои муҳими хоҷагии халқи шаҳр мебошад. Ба гуфти Раиси шаҳр дар нимаи аввали соли 2013-ум аз ҷониби Мақомоти иҷроияи ҳокимияти давлатии шаҳри Хуҷанд ҷиҳати татбиқи Барномаи рушди иқтисодию иҷтимоӣ, қарорҳои Ҳукумати Ҷумҳурии Тоҷикистон, дастуру супоришоти Сарвари давлат дар самти суръатбахшӣ ба истеҳсолоти саноатӣ, таъмини тараққиёти ҳамаи соҳаҳои хоҷагии халқ, пешбурди кулли паҳлӯҳои ҳаёти ҷамъиятию сиёсӣ, иқтисодию иҷтимоӣ, фарҳангию маънавӣ, равнақи созандагию бунёдкорӣ ва ободонӣ тадбирҳои муҳим дар амал татбиқ карда шуданд.

Муфассал... Шарҳ додан

Нишаcти матбуотӣ бо Раиси вилоят

20 Июл 2013

Посухҳо қаноатбахш буданд

Рӯзи гузашта, 19-уми июли соли 2013 тибқи амру супориши Сардори давлат, мӯҳтарам Эмомалӣ Раҳмон дар толори маҷлисҳои Мақомоти иҷроияи ҳокимияти давлатии вилоят нишасти матбуотӣ бо иштироки Раиси вилояти Суғд, мӯҳтарам Қоҳир Расулзода доир гардид. Он аз рӯи натиҷаҳои хоҷагии халқи вилоят дар шаш моҳи сипарии соли 2013-ум гузаронида шуд. Дар нишаст хабарнигорони ВАО-и ватаниву хориҷӣ, ки дар қаламрави вилоят фаъолият мекунанд, иштирок доштанд. Мудири шӯъбаи иттилоот ва таҳлили Дастгоҳи Раиси вилоят Илҳом Ҷамолов нишасти матбуотиро ифтитоҳ намуд.

Раиси вилояти Суғд Қоҳир Расулзода дар бораи дастовардҳои муҳимтарини хоҷагии халқи вилоят дар ин давра ва фаъолияти Мақомоти иҷроияи ҳокимияти давлатии вилоят, шӯъбаю сохторҳои он гузориши мухтасар дод.

Муфассал... Шарҳ додан

Гузориш аз маҷлиси фаъолони шаҳр

18 Июл 2013

Корро бояд ҷоннок намуд

Пас аз анҷоми Иҷлосияи чордаҳуми Маҷлиси вакилони халқи шаҳри Хуҷанд, даъвати чорум дар толори Маркази фарҳанг маҷлиси фаъолони шаҳр баргузор гардид.

Раиси шаҳри Хуҷанд Раҷаббой Каримов ба маҷлис ҳусни оғоз бахшида, зикр намуд, ки дар рӯзномаи он танҳо як масъала, оид ба натиҷаҳои рушди иҷтимоию иқтисодии шаҳри Хуҷанд дар нимсолаи аввали соли 2013-ум гузошта шуда, мавриди гуфтушунид қарор мегирад.

Доир ба вазъи иҷтимоию иқтисодии шаҳр дар моҳҳои январ-июни соли равон муовини Раиси шаҳри Хуҷанд Маҳмадӣ Давлатов гузориш дод. Мавсуф аз ҷумла қайд кард, ки дар моҳҳои январ-июни соли 2013-ум корхонаҳои саноатӣ ба маблағи 190 миллиону 525 ҳазор сомонӣ маҳсулот истеҳсол карданд, ки ин нисбат ба ҳамин давраи соли 2012-ум 12,9 фоиз зиёд аст.

Муфассал... Шарҳ додан