АсосӣБойгонӣ

Навгонӣ

Раиси шаҳри Хуҷанд омӯзгорони белорусро пазироӣ намуд.

(2 овоз, миёна 5.00 аз 5)

16 Август 2014

Баъди анҷоми сафари расмии Президенти Ҷумҳурии Тоҷикистон Эмомалӣ Раҳмон ба Ҷумҳурии Белорус дар нимаи аввали соли равон ҳамкории ин ду кишвар сатҳу сифати нав пайдо намуд.
Ҷумҳурии Белорус аз кишварҳоест,ки даҳшати Ҷанги Бузурги Ватаниро дар сарзамини худ эҳсос намудааст. Дар набардҳои шадиди ин ҷанг чандин ҳазор фарзандони тоҷик қаҳрамониҳо нишон дода, қисми зиёди онҳо барои озодии ин миллату диёр қурбон шудаанд. Яке аз онҳо ҳамдиёри мо Қаҳрамони Иттиҳоди Шӯравӣ Домулло Азизов аст.
Мардуми сипосгузори белрус номи ин қаҳрамонро ба яке аз кӯчаҳои пойтахти кишварашон - шаҳри Минск гузошта, мактаби миёнаи № 35 ҳам номи ин марди шуҷоъро дорад.

Муфассал... Шарҳ додан

Раиси шаҳри Хуҷанд кормандони тибро табрик намуд.

(3 овоз, миёна 4.00 аз 5)

16 Август 2014

Бахшида ба Рузи табибон дар Маркази фарҳанги шаҳри Хуҷанд ҳамоиши идонаи табибон баргузор гардид. Дар он Раиси шаҳри Хуҷанд Раҷаббой Аҳмадзода ширкат намуда, тамоми табибон ҳамшираҳои тиббӣ ва кормандони соҳаи тандуоустии шаҳрро бо Рӯзи табибон табрик намуд.
«Равнақи соҳаи тиб рукни муҳими сиёсати иҷтимоии давлати мост. Иҷтимоӣ будани соҳаро Сарқонуни Ҷумҳурии Тоҷикистон эълом доштааст. Ин нукта дар Паёми Президенти Тоҷикистон ба Маҷлиси Олии Ҷумҳурии Тоҷикистон низ таъкид шудааст. «Дар ҳафт соли гузашта тамоюли иҷтимоии беҷети давлатӣ ҳифз гардида, ҳаҷми хароҷот барои соҳаҳои илму маориф, тандурустӣ ва дигар соҳаҳои иҷтимоӣ ҳар сол ба ҳисоби миёна ба андозаи 35 фоиз афзоиш ёфт ва ба 23 миллиард сомонӣ расид. Дар ҳафт соли оянда ҷиҳати ҳалли масоили иҷтимоӣ 70 миллиард сомонӣ равона карда мешавад».

Муфассал... Шарҳ додан

Табрики Раиси шаҳри Хуҷанд ба муносибати Рӯзи кормандони хадамоти ҳолатҳои фавқулодда ва мудофиаи гражданӣ

14 Август 2014

Дӯстони азиз!
Наҷотдиҳандагони ҳаёт ва молу амволи инсонҳо!
Боиси хушнудист, ки имсол таҷлили 20-солагии таъсисёбии Хадамоти ҳолатҳои фавқулодда ва мудофиаи граждании ҷумҳурӣ дар арафаи 20-умин солгарди қабули Конститутсияи Ҷумҳурии Тоҷикистон рост омадааст. Ба ин муносибат Мақомоти иҷроияи ҳокимияти давлатии шаҳри Хуҷанд кулли кормандони ситодро муборакбод намуда, дар кори пурмасъулу заҳматталаб, вале пурифтихор барору комёбиҳо таманно дорад.
Хадамоти ҳолатҳои фавқулодда ва мудофиаи гражданӣ дар замоне таъсис ёфт, ки Ҷумҳурии Тоҷикистон нав дар фазои соҳибихтиёрӣ парвоз оuоз мекард. Ва инак, тайи ин қадар солҳо заминаи кадриву техникии он мукаммалтар гашта, таҳким ёфтааст. Ин имкон медиҳад, ки дараҷаи оперативии ситод баланд гашта, талафоти ҷонӣ ва хисороти молӣ кам шавад.

Муфассал... Шарҳ додан

Ярмарка-фурӯши ашёи хониш ва либоси мактабӣ оғоз ёфт.

(2 овоз, миёна 4.00 аз 5)

15 Август 2014

Ҳамсола қабл аз оғози соли хониш дар шаҳри Хуҷанд ярмаркаи ҷиҳози хониш, либос ва дигар воситаҳои таълими мактабиён баргузор мегардад.
Шурӯъ аз имрӯз дар маркази вилоят шаҳри Хуҷанд ярмарка-фурӯши ашёи хониш ва либоси мактабӣ оғоз ёфт. Дар расми кушодашавии он Раиси шаҳри Хуҷанд Раҷаббой Аҳмадзода иштирок ва баромад намуд.Раиси шаҳри Хуҷанд аз маҳсулоти пешниҳод намудаи нуқтаҳои фурӯш дидан намуда, ба фурӯшандаҳо тавсия дод,ки барои фароҳам овардани шароиту имконияти мувофиқ барои кулли табақаҳои иҷтимоии сокинон молу маҳсулоти худро бо нархҳои нисбатан арзон дар қиёс аз мағозаҳо ба фурӯш гузоранд.

Муфассал... Шарҳ додан

Табрикоти Раиси шаҳри Хуҷанд бахшида ба Рӯзи табибон

(2 овоз, миёна 5.00 аз 5)

14 Август 2014

Саломатӣ барои инсон давлати бузург ва аз зару зевар қиматтар аст ва ана ҳамин сиҳатиро маҳз табибон ва кулли кормандони муассисаҳои тандурустӣ ҳифз мекунанд. Аз номи Мақомоти иҷроияи ҳокимияти давлатии шаҳри Хуҷанд Шумо, табибони ҳозиқ, ҳамшираҳои шафқат ва собиқадорони муассисаҳои тиббиро бо Рӯзи кормандони тибби Тоҷикистони соҳибистиқлол самимона табрику муборакбод мегӯям. Орзу дорам, ки тандуруст, сарбаланду саодатманд ва ҳамеша омода ба ҳифзи сиҳатии омма бошанд.
Дар сатҳи баланди маънавию фарҳангӣ таҷлил кардани Иди касбии кормандони тиб, воқеан, ба зодрӯзи асосгузори тибби ҷаҳон Абӯалӣ ибни Сино рост меояд. Соли 2013-ум табибони олам 1033-солагии нобиғаи оламшумул, олим, файласуф, донишманд, классики адабиёти тоҷику форс ва энсиклопедисти беҳамто Абӯалӣ ибни Синоро ба таври хотирмон қайд карда буданд.

Муфассал... Шарҳ додан