АсосӣБойгонӣ

Навгонӣ

Раиси шаҳри Хуҷанд дар кушодашавии «Ситораи Шарқ» иштирок намуд.

(2 овоз, миёна 3.00 аз 5)

10 Сентябр 2014

Дар шаҳри Хуҷанд бо иштироки Раиси шаҳри Хуҷанд Раҷаббой Аҳмадзода Маркази савдои фурӯши молу ашёи талаботи ҳаррӯза ва тӯҳфаҳо «Ситораи Шарқ» ба фаъолият оғоз намуд.Ҳангоми чорабинии тантанавӣ Раҷаббой Аҳмадзода баён дошт,ки сиёсати стратегӣ ва афзалиятноки Президенти Ҷумҳурии Тоҷикистон, Ҷаноби Олӣ Эмомалӣ Раҳмон ин рушди соҳибкорӣ ва дастгирии соҳибкорони маҳаллӣ аст. Дар мӯхати кӯтоҳ ба фаъолият оғоз намудани чандин корхонаҳои хурду миёна ва марказҳои замонавӣ тасдиқи гуфтаҳои болост.
Раиси шаҳри Хуҷанд баъди ифтитоҳи расмӣ ва буридани лентаи рамзӣ аз мағозаи мазкур дидан намуд.
Маркази савдои мазкур аз ҷониби соҳибкори маҳаллӣ Рустам Ҳомитов, бо маблағгузории беш аз 500 ҳазор сомонӣ омодаи хизматрасонӣ шуда, барои 12 нафар ҷойи корӣ фароҳам оварда шудааст.
Музди миёнаи маоши кормандон бошад ҳазор сомониро ташкил медиҳад.

Муфассал... Шарҳ додан

Мулоқоти Раиси шаҳри Хуҷанд бо зойирини «Ҳаҷ-2014»

08 Сентябр 2014

Дар Ҷумҳурии Тоҷикистон сафарбаркунии зойирин барои адои маросими Ҳаҷ оғоз ёфт.
Имсол низ тибқи меъёри муқарраргардида 179 нафар сокинони шаҳри Хуҷанд ба Арабистони Саудӣ барои иҷрои фарзияи динӣ санаи 11 сентябр сафар хоҳанд кард.
Ба ин хотир бо нафароне, ки озими сафар мешаванд Раиси шаҳри Хуҷанд Раҷаббой Аҳмадзода мулоқот анҷом дод.
Дар сухани муқаддимавии худ Раиси шаҳри Хуҷанд аҳли зойринро бо ҷашни 23 солагии Истиқололяти давлатӣ табрик намуда, изҳор дошт, ки маҳз бо шарофати сиёсати адолатпарваронаи Президенти Ҷумҳурии Тоҷикистон, Ҷаноби Олӣ, мухтарам Эмомалӣ Раҳмон ба ҷо овардани тамоми фарзияи динӣ дар шароити озод сурат мегирад.

Муфассал... Шарҳ додан

Лавҳаи ёдгорӣ ба хотири Акрам Усмонов гузошта шуд.

(1 овоз, миёна 5.00 аз 5)

08 Сентябр 2014

Дар назди идораи сохтмонии «Тоҷикинвестсохтмон» ба хотири яке аз сохтмончиёни варзида, собиқ роҳбари коргоҳи номбурда Акрам Қосимов лавҳаи ёдгорӣ гузошта шуд.
Дар маросими чорабинии ба ин хотир баргузоргашта дар саҳни ҳавлии коргоҳи мазкур сохтмончиён, ҳамкорон, шогирдон ва пайвандони шодравон ҷамъ омада буданд.
Чорабиниро бо суханони ифтитоҳӣ Раиси шаҳри Хуҷанд Раҷаббой Аҳмадзода кушода, қайд намуд, ки хизматҳои шоистаи Акрам Қосимов дар назди халқу давлат ҳамеша манзалати худро хоҳанд дошт. Зеро мавсуф аз корманди оддӣ сар карда то ба вазифаи муовини Раиси вилояти Суғд дар ободнии кишвар ва тарбияи як зумра мутахассисони соҳаи сохтмонӣ саҳми сазовор дорад. Ӯ аз соли 1993 то 2004 Роҳбари ташкилоти «Суғдинвестсохтмон»-ро ба зима дошта баъдан дар вазифаи муовини Раиси вилояти Суғдро фаъолият намудааст.

Муфассал... Шарҳ додан

Ифтитоҳи толори варзишӣ дар шаҳри Хуҷанд.

(3 овоз, миёна 4.67 аз 5)

08 Сентябр 2014

Дар шаҳри Хуҷанд боз як толори варзишу тамрин ба фаъолият оғоз намуд.
Дар расми оғози фаъолияти он Раиси шаҳри Хуҷанд Раҷаббой Аҳмадзода иштирок намуд.
Толори варзиш ба маблағи зиёда аз 70 ҳазор доллари ИМА омода гардида, дар як вақт имкон дорад то 50 нафар хоҳишмандонро қабул намояд. Воситаҳои тамрин, ки адади онҳо беш аз 60 адад аст, барои тамрини намудҳои гуногуни варзиш ва обутоби бадан пешбинӣ шудааст.
Мизоҷон имкон доранд, аз рӯи имконияташон ба бозии теннис, вазнбардорӣ, атлетикаи вазнин ва сабук ва ғайра вақтҳои фориғи худро гузаронанд. Магоҳшқ шахсони аз синни 18 сола болоро қабул намуда барои занҳо низ рӯзҳои махсус пешбинӣ шудааст.

Муфассал... Шарҳ додан

Ба шахсони барӯманди шаҳри Хуҷанд мукофотпулии Президенти Тоҷикистон супорида шуд.

08 Сентябр 2014

Дар арафаи ҷашни 23 солагии истиқлолияти кишвар як қатор сибиқадорони меҳнати ва шахсони барӯманди маркази вилоят бо мукофотпулӣ қадрдонӣ карда шуданд.
Аз ҷумла 14 нафар бо маблағи ҳазор сомонӣ аз ҷониби Президенти Ҷумҳурии Тоҷикистон, 12 нафар 500 сомонӣ аз ҷониби Раиси вилояти Суғд ва ба маблағи 200 сомонӣ аз ҷониби Раиси шаҳри Хуҷанд қадрдонӣ шуданд.
Дар оғоз Раиси шаҳри Хуҷанд Раҷаббой Аҳмадзода ҷамъомадаро бо ҷашни хотирмон,-23 солагии Истиқлолияти давлатӣ табрик намуд.
Мукофотпулии сарвари кишварро Муовини аввали Вазири меҳнат муҳоҷират ва шуғли аҳолӣ Эмин Сангинов ба 14 нафар собиқадорон супорида, орзуҳои нек ва таманнои тансиҳатию хонаободиашон намуд.