АсосӣБойгонӣ

Навгонӣ

Табрики Раиси шаҳр Раҷаббой Аҳмадзода ба муносибати Рӯзи роҳсозон.

13 Сентябр 2014

Роҳи мо - роҳи мурод, сулҳ ва ободии диёр аст.
Роҳсозию роҳкушоӣ рисолати азалии халқи куҳанбунёди тоҷик буда, он таи асрҳо моҳияти иқтисодию иҷтимоиии худро гум накардааст. Бунёди роҳ нишони пайванди устувории ҷомеа мебошад.
Ҳамасола якшанбеи дуюми моҳи сентябр, ки дар Ҷумҳурии Тоҷикистон Рӯзи роҳсозон таҷлил карда мешавад, ба санаи муборак – Рӯзи Истиқлолияти давлатии мамлакат рост омад.
Боиси ифтихор ва сарбаландист, ки бо иқдоми Президенти Ҷумҳурии Тоҷикистон, Ҷаноби олӣ, муҳтарам Эмомалӣ Раҳмон, Раиси вилояти Суғд Абдураҳмон Қодирӣ корҳои ободониву бунёдкорӣ вусъати тоза гирифта, соҳаҳои мухталифи иҷтимоӣ ва иқтисодӣ рушду таҳким ёфтанд.
Дар шароити ҷуғрофии кишвар роҳҳои автомобилгард воситаи муҳим пайвастани минтақаҳои кишвар буда, дар таъмини пешрафти соҳаҳои мухталифи хоҷагии халқ, нақши муҳим ва ҳалкунанда доранд.

Муфассал... Шарҳ додан

Раиси шаҳри Хуҷанд ба бонувони ҳунар грант супорид.

(3 овоз, миёна 5.00 аз 5)

12 Сентябр 2014

Ҷиҳати иҷрои қарори Раиси вилоят аз 31 январи соли 2014 “Оид ба таъсиси грантҳо барои дастгирӣ ва рушди ҳунарҳои дастии қолинбофӣ, сӯзанидӯзӣ, адрасбофӣ”, қарори Раиси шаҳри Хуҷанд аз 7 апрели соли 2014, № 161 “Дар бораи таъсиси грантҳо баҳри дастгирӣ ва рушди ҳунарҳои дастии қолинбофӣ, сӯзанидӯзӣ, адрасбофӣ барои соли 2014” ба тасвиб расида буд.
Маблащи умумии он 55 ҳазор сомониро ташкил дода, 15 гранти мақомоти иҷроияи ҳокимияти давлатии шаҳр, аз ҷумла 5 грант, ба ҳар яке 5 ҳазор сомонӣ, барои рушди ҳунари дастии қолинбофӣ, 5 грант, ҳар яке 3 ҳазор сомонӣ, барои рушди ҳунари сӯзанидӯзӣ ва 5 грант, ҳар яке 3 ҳазор сомонӣ, барои рушди ҳунари адрасбофӣ таъсис дода шуда буд.
Дар асоси хулосаи ҳайати комиссияи грантӣ лоиҳаи 15 нафар занони ҳунарманд ғолиб дониста шуда субҳи имрӯз дар Кохи матбуот маросими супоридани грант ба ғолбон баргузор гардид.

Муфассал... Шарҳ додан

Раиси шаҳри Хуҷанд шахсони ниёзмандро баъди муроҷиаташон аёдат намуд.

(1 овоз, миёна 5.00 аз 5)

11 Сентябр 2014

Дар асоси дастуру супоришҳои Президенти Ҷумҳурии Тоҷикистон Эмомалӣ Раҳмон Раиси шаҳри Хуҷанд Раҷаббой Аҳмадзода вобаста ба муроҷиати чанде аз шаҳрвандон,ки барои ҳалли муаммоҳои худ ва расондани кӯмаки яквақтаи моддӣ муроҷиат намуда буданд, ба ёдати онҳо рафт.
Сокини шаҳри Хуҷанд собиқадори меҳнат Татяна Ломкина зиёда аз 20 соли фаъолияти кории худро ба коргоҳи илмию истеҳсолии «Алмос» бахшида, ҳамроҳи як наберааш зиндагӣ намуда, айни ҳол даврони пирӣ меронад.
Раиси шаҳри Хуҷанд аз ҳоли ӯ пурсон шуда, нисбати вазъи саломатӣ шароити зист ва таъмини доруворӣ таваҷҷӯҳ зоҳир намуд. Ба мутасаддиён дастур дода шуд, ки вазъи саломатӣ ва таъмини шароити зиндагии собиқадори меҳнатро зери назорат гиранд.

Муфассал... Шарҳ додан

Раиси шаҳри Хуҷанд аз рафти корҳои сохтмонӣ дидан намуд.

12 Сентябр 2014

Дар яке аз маҳаллаҳои навбунёди шаҳри Хуҷанд хобгоҳи барои 200 нафар низомиёни қисми ҳарбии қӯшунҳои сарҳадӣ бо тамоми шароиту имкониятҳо бунёд ёфта истодааст. Бо мақсади шиносоӣ аз рафти корҳои сохтмонӣ Раиси шаҳри Хуҷанд Раҷаббой Аҳмадзода аз иншооти мазкур дидан намуд. Назар ба маълумоти сардори идораи сохтмони асосии шаҳр Музаффар Шокиров ҳоло корҳои сохтмонӣ дар ошёнаи якум ва дуюм асосан ба охир расида, девори қисмати сеюми бино қомат рост менамояд.
Ҳоло дар иншоот ҳамарӯза зиёда аз 50 нафар сохтмончиён машғули коранд. Раиси шаҳри Хуҷанд супориш дод,ки барои таъмини вусъати кор дар сохтмон дастур дод, корҳои насби дару тирезаҳоро оғоз намоянд.
Дар назар аст, ки корҳои асосии сохтмонӣ дар аввали моҳи октябр ба охир расида сипас корҳои рангу пардоздиҳӣ оғоз гардад.

Муфассал... Шарҳ додан

Ҷаласаи кории «Иди «Атлас ва адраси Хуҷанд-2014».

10 Сентябр 2014

Мувофиқи қарори Раиси шаҳри Хуҷанд санаи 26 сентябри соли ҷорӣ озмуни адрас ва атлас баргузор мегардад. Барои дар сатҳи баланд баргузор гаштани он кумитаи тадрукоти баргузории ин чорабинӣ ташкил гардидааст.
Тибқи дастури Раиси шаҳри Хуҷанд Раҷаббой Аҳмадзода имрӯз маҷлиси кумитаи тадорукоти озмунро раиси кумитаи тадорукот, муовини Раиси шаҳри Хуҷанд Умеда Муродова доир намуд.
Дар ҷаласаи корӣ дар баробари аъзоёни кумитаи тадорукот роҳбарони якчанд корхонаҳои саноатӣ, соҳибкорони инфиродӣ низ даъват шуда буданд.
Аъзоёни ҷаласаи корӣ нақша-чорабинии баргузории озмун-намоишро тасдиқ намуда, бо мақсади ҳарчӣ бештар ҷалб намудани тарроҳон дӯзандагон ва ҳунармандони мустақил ва корхонаю муассисаҳо тавсия доданд,ки корҳои фаҳмондадиҳӣ ва тарғиби ин озмунро бештар намоянд.