АсосӣБойгонӣ

Навгонӣ

Ҷавонони шаҳри Хуҷанд фаъолияти худро дар соли гузашта ҷамбаст намуданд.

01 Феврал 2014

Бахши ҷавонон, варзиш ва сайёҳии шаҳри Хуҷанд маҷлиси васеи худро ба ҷамбасти фаъолитяи соҳа дар соли 2013 бахшид. Чунон, ки мудири бахш Бахтиёр Исматҷонов дар маърӯзаи худ қайд намуд, ки дар давоми соли 2013 бобати иҷроиши барномаҳои мазкур дар шаҳри Хуҷанд беш аз 132 чорабиниҳои фарҳангию фароғатӣ ва маърифатию, варзишӣ аз қабили семинар-машваратҳо, вохӯриҳо, озмунҳо, мусобиқаҳои варзишӣ, мизҳои мудаввар, маҳфилҳои мубоҳисавӣ-сиёсӣ, корҳои ободонӣ ва бунёдкорӣ, семинар-тренингҳо ва монанди инҳо баргузор гардиданд.

Дар шаҳри Хуҷанд 12 майдончаҳои варзишӣ байни хонаҳои баландошёна барои ҷавонону наврасон сохта ба истифода дода, ҳамзамон якчанд майдончаҳои мавҷудбудаи назди биноҳои истиқоматӣ, аз ҷумла майдонҳои варзишии футбол, баскетбол, волейбол ва конструксияи варзишии назди биноҳо аз нав барқарор ва ба истифода дода шуданд.

Муфассал... Шарҳ додан

Маҷлиси машваратии занони фаъол дар маҳаллаи «Навбаҳор»

31 Январ 2014

Мувофиқи супориши Раиси шаҳри Хуҷанд Раҷаббой Каримов бахши кор бо занон ва оилаи Мақомоти иҷроияи ҳокимияти давлатии шаҳри Хуҷанд бо фаъолонзанон собиқадорон ва шахсони баруманди маҳаллаҳо сисилавохуриҳо баргузор менамоянд.

Чунин вохурӣ дар Хонаи маданияти № 2 бо сокинони маҳаллаи «Навбаҳор»-и шаҳри Хуҷанд баргузор гардид. Мудири Бахши кор бо занон Муҳайё Дадобоева ва мудири бахши кор бо маҳаллаҳо Сайфуллохон Ҳабибуллоев бо фаъолзанони маҳаллаи мазкур доири баланд бардоштани маърифати ҳуқуқӣ, сабабҳои пайдоиши омилҳои номатлуби худкушӣ ва сӯиқасд ба ҷони худ нашъамандӣ табиқи қонунҳои танзими расму ойин ва масъулияти волидайн дар тарбияи фарзанд муҳокимаронӣ сурат гирифт.

Муфассал... Шарҳ додан

Муҳлати муҳокимаи лоиҳаи «Нишони шаҳри Хуҷанд» то санаи 10 феврал тамдид ёфт.

30 Январ 2014

Давоми се моҳ мешавад, ки муофиқи карори Раиси шаҳри Хуҷанд Раҷаббой Каримов озмуни муқаррар намудани нишон ва рӯзи шаҳри Хуҷанд идома дорад. Бо мақсади баррасии пешниҳодҳои ба озмун воридшуда ҷаласаи кории ҳайати комиссияи озмуни лоиҳаи «Нишони шаҳри Хуҷанд» ва муқаррар намудани «Рӯзи шаҳр» баргузор гардид.

То санаи 20 январи соли равон барои муҳокимаи аъзоёни комиссия зиёда аз 100 лоиҳаҳо, аз ҷониби 65 нафар муаллифони нишон пешниҳод гардид. Ҳайати комиссия баъди муҳокимаи лоиҳаҳо ба хулоса омад, ки 30 лоиҳаи нишони шаҳри Хуҷанд барои муҳокимаи давраи минбаъда пешниҳод карда шавад.

Мудири бахши фарҳанги дастгоҳи Раиси шаҳри Хуҷанд Бахтиёр Қосимов бо муаллифони лоиҳаи мазкур машварати корӣ доир намуда, пешниҳоди аъзоёни комиссияи озмунро ба самъи онҳо расонд.

Муфассал... Шарҳ додан

Раҷаббой Каримов бо фаъолони маҳаллаи ба номи «Ҷаббор Расулов» вохурд.

31 Январ 2014

Дар мактаби таҳсилоти умумии № 5 шаҳри Хуҷанд сокинону фаъолони маҳаллаи ба номи «Ҷаббор Расулов» ҷамъ омада, бо Раиси шаҳри Хуҷанд Раҷаббой Каримов мулоқот намуданд. Қисмати ифтитоҳии вохурӣ аз баромади Раиси шаҳри Хуҷанд иборат буд.

«Мулоқоте, ки таи чанд моҳи охир баргузор мегардад, тибқи супориши Ҷаноби Олӣ, Президенти Ҷумҳурии Тоҷикистон мӯҳтарам Эмомалӣ Раҳмон баргузор гашта, мақсад огоҳии сари вақтӣ аз масалаҳои мавҷудаи сокинони шаҳр аст. Дар баробари ин ба самъи ҳамаи сокинон расонданиям, ки имсол бо иқдоми иҷрокунандаи вазифаи Раиси вилояти Суғд Абдураҳмон Қодирӣ, соли роҳҳои обод эълон шудааст. Бинобар он соли равон 116 км роҳҳо таъмири ҷорӣ ва капиталӣ хоҳанд шуд»,- баён намуд дар суханронии худ Раҷаббой Каримов.

Муфассал... Шарҳ додан

Ҷаласаи васеъи Шӯрои ҳамоҳангсозӣ.

29 Январ 2014

Дар маркази фарханги шаҳри Хуҷанд мачлиси васеи Шӯрои хамохангсозии шаҳр бо иштироки Раиси шаҳри Хуҷанд Раҷаббой Каримов баргузор гардид. Дар чаласа пешниҳоди Прокурори шаҳри Хуҷанд «Оиди андешидани чораҳои дахлдор бо мақсади бартараф намудани қонунвайронкуниҳо, сабабу шароитҳои ба онҳо мусоидаткарда вобаста ба иҷрои Қонунҳои Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ва «Дар бораи масъулияти падару модар дар таълиму тарбияи фарзанд» ва сатҳи иҷроиши қонунҳои зикр гардида ва рафти иҷроиши «Барномаи давлатии мубориза бо ҷинояткорӣ дар Ҷумҳурии Тоҷикистон барои солҳои 2008-2015 мавриди барраси карор гирифт. Аз руи масалаи якум роҳбари дастгоҳи Раиси шаҳри Хуҷанд Биволида Самадова пешниходи Прократураи шахрро ба самъи хозирин расонид.