АсосӣБойгонӣ

Навгонӣ

Рӯзи Дави миллӣ дар шаҳри Хуҷанд.

18 Май 2014

Ҳамсола мувофиқи Фармони Президенти Ҷумҳурии Тоҷикистон Эмомалӣ Раҳмон моҳи май дар доираи таҷлили «Рӯзҳои ҷавонони Тоҷикистон», дар сартосари кишварамон «Рӯзи Дави миллӣ» баргузор мегардад.
Субҳи имрӯз аз назди маҷмаи ҳавзи шиноварии шаҳри Хуҷанд Раиси вилояти Суғд Абдураҳмон Қодирӣ ва Раиси шаҳри Хучанд Раҷаббой Аҳмадзода дар якҷоягии зиёда аз 12 ҳазор сокинону меҳмонони маркази вилоят, кормандони корхонаю ташкилотҳои мухталиф «Рӯзи Дави миллӣ»-ро оғоз бахшиданд. Масофаи умумӣ барои давидан наздик 6 километрро ташкил дода, барои ҷавонон, духтарон ва наврасон натиҷаҳои алоҳида муқаррар гардиданд.
Байни ҷавонон Хоҷаи Ёқубзод, Бобоҷони Пулод ва Давлатшоҳ Ёдиев ҷойҳои ифтихориро соҳиб гашта, байни духтарон бошад М. Мирзохӯҷаева, М. Мирзоева, Н. Ҷӯраева комёб гаштанд. Натиҷаҳои беҳтаринро бошад байни наврасон Я. Загирова, С. Осимова ва С Убайдуллоев соҳиб гаштанд.

Муфассал... Шарҳ додан

Мулоқоти Раиси шаҳри Хуҷанд бо донишҷуён.

17 Май 2014

Дар Донишгоҳи Давлатии Хуҷанд ба номи академик Б.Ғафуров мулоқоти Раиси шаҳри Хуҷанд Раҷаббой Аҳмадзода бо муҳассилини ин таълимгоҳи олӣ, ки аз шаҳри Хуҷанд ҳастанд,баргузор гардид.
Раиси шаҳри Хуҷанд Раҷаббой Аҳмадзода дар баромади худ қайд намуд, ки ҳоло ҷавонон нерӯи тоза ва боэътимоди пешбарандаи ҷомеа ҳастанд. Барои дар роҳи хештаншиносӣ ва ватанпарварӣ тарбия намудани онҳо кулли омӯзгорон ва масъулини давлатӣ, волидайн масъул ҳастанд. Маҳз дуруст ба роҳ мондани корҳои амалӣ дар ин самт барои аз байн бурдани ҳама гуна омилҳои номатлубе, ки байни ҷавонон мушоҳида мешавад, замина мегузорад.
Раиси шаҳри Хуҷанд ба 20 нафар донишҷӯён аз оилаҳои ниёзманд 200 сомонӣ кӯмаки яквақтина супорида, барои 170 нафар донишҷуёни фаъол бошад, китоб тақдим намуд.

Муфассал... Шарҳ додан

Кирмакпарварӣ ва адрасбофӣ дар коргоҳи «ВТ-силк».

17 Май 2014

Коргоҳи муштараки «ВТ-силк» фаъолияти худро вусъат мебахшад. Бо ин мақсад дар корхонаи мазкур корҳои таъмир ва азнавсозӣ суръат мегиранд. Ин корхона барои коркарди пилла ва омода намудани ашёи хоми саноатӣ-нахи абрешим пешбинӣ шудааст.
Ҳангоми ташрифи худ, Раиси шаҳри Хуҷанд Раҷаббой Аҳмадзода бо муассисони корхонаи мазкур, ки соҳибкорони тоҷикистонию ветнамӣ мебошанд, мулоқоти корӣ анҷом дод. Дар мавсими имсола тибқи нақшаи пешбиншуда, 850 тонна пилла коркард гардида, аз он матоъи адрас омода карда мешавад. Бо ин мақсад ҳоло корҳои васлу насбнамоӣ барои 35 дастгоҳи матобофӣ ва 100 таҷҳизоти муосир идома дорад.
Чунон, ки маълум гашт баъдан 100 нафар бо ҷойи корӣ таъмин хоҳанд шуд.

Муфассал... Шарҳ додан

Ба Раиси шаҳри Хуҷанд 60 нафар муроҷиат намуданд.

17 Май 2014

Имрӯз дар Мақомоти иҷроияи ҳокимияти давлатии шаҳри Хуҷанд чун анъана, қабули шаҳрвандон бо усули «Равзанаи ягона» сурат гирифт. Вобаста бо масалаҳои таъмини қитъаи замини наздиҳавлигӣ, доири ғайриқонунӣ азхуд намудани замин, ҷойгир намудан дар боғчаи бачагона, таъмини хобгоҳ, кӯмаки яквақтаи моддӣ, таъмири манзил ва бо дигар мушкилоти худ ба Раиси шаҳри Хуҷанд муроҷиат намуданд.
Вобаста ба ҳалли масалаҳои шаҳрвандон ва иҷрою назорати он Раиси шаҳри Хуҷанд Раҷаббой Аҳмадзода баъди мулоқот бо ҳар кадом аз сокинони маркази вилоят ба муовинони Раиси шаҳр ва роҳбарони сохторҳои дахлдор супоришу дастури мушаххас дод.
Дар ин рӯз зиёда аз 60 нафар шаҳрвандон ба Раиси шаҳри Хуҷанд барои ҳалли масалаҳои зикргардида муроҷиат намуданд.

Муфассал... Шарҳ додан

Боз як мактаб бо шабакаи гармидиҳии алоҳида таъмин мешавад.

(1 овоз, миёна 5.00 аз 5)

17 Май 2014

Мақомоти иҷроияи ҳокимияти давлатии шаҳри Хуҷанд корҳои омодагиро барои мавсими зимистонгузаронии солҳои 2014-2015 оғоз намудааст.
Дар мавсими зимистонгузаронии сипаригашта, чанде аз мактабҳои шаҳри Хуҷанд ба тариқи таҷрибавӣ шабакаи алоҳидаи гармидиҳӣ сохта шуд. Ҳоло муассисаҳои таълимии боқимонда доири ин масала чораҷӯӣ намуда истодаанд.
Яке аз мактабҳое, ки бо шабакаи алоҳидаи гармидиҳӣ таъмин хоҳад шуд, ин мактаби таҳсилоти умумии № 13 ба номи Максим Горкий мебошад. Бо мақсади шиносоӣ бо вазъи бунёди дегхона ва корҳои омодагӣ Раиси шаҳри Хуҷанд Раҷаббой Аҳмадзода ба ин мактаб омад.
То оғози соли хониши навбатӣ дар мактаб иншооти шабакаи гармидиҳӣ, бо ду деги гармидиҳанда сохта ба истифода дода мешавад.

Муфассал... Шарҳ додан