АсосӣБойгонӣ

Навгонӣ

Дар шаҳри Хуҷанд натиҷаи нимсола ҷамбаст гардид.

15 Июл 2015

Дар маркази фарҳанги шаҳри Хуҷанд маҷлиси ҷамбастӣ доири фаъолияти соҳаҳои гуногуни хоҷагии халқ баргузор гардид.
Маҷлисро Раиси шаҳри Хуҷанд Раҷаббой Аҳмадзода ифтитоҳ намуд.
Раиси шаҳри Хуҷанд дар оғози кори ҷаласа ҳозиронро бо Фармони Прокурори генералии Ҷумҳурии Тоҷикистон дар бораи Прокурори шаҳри Хуҷанд таъин шудани Солеҳзода Арабшоҳ ошно намуда, ба номбурда барои фаъолияти пурсамар дар ин вазифа муваффақият хост.
Доири натиҷаҳои фаъолитяи соҳаҳои мухталифи хоҷагии халқи маркази вилоят дар назди ҳозирон муовини Раисим шаҳри Хуҷанд Маъруф Мамадҷонов баромад намуд.
Муовини Раиси шаҳри Хуҷанд Маъруф Мамадҷонов ба фаъолони дар толор ҳузурдошта аз натиҷа ва дастоварду вазъи имрӯзаи тамоми соҳаҳо маълумоти муфассал дода, изҳор намуд, ки имрӯз барои таъмини зиндагии мардум ва перафти кишвар саҳмси меҳнаткашони маркази вилоят назаррас аст.

Муфассал... Шарҳ додан

Табрикоти Раиси шаҳри Хуҷанд Раҷаббой Аҳмадзода бахшида ба Иди саиди Фитр

14 Июл 2015

Ҳамшаҳриёни азиз!
Иди саиди Фитрро аз номи мақомоти иҷроияи ҳокимияти давлатии шаҳри Хуҷанд ба кулли ҳамдиёрони арҷманд муборакбод гуфта, имону ибодати комил, рӯзгори обод ва неъмати фаровонро таманно менамоям.
Бигузор, аз файзи моҳи шарифи Рамазон ва Иди саиди Фитр Ватани азизамон Тоҷикистон доимо ободу дар амон бошад ва бо дуои неки пирони хирад худованди бузург мардумонашро некрӯзу сарбаланд ва фарзандонашро арҷгузори миллат гардонад.
Дар суханрониҳои Сарвари давлатамон, Ҷаноби Олӣ, мӯҳтарам Эмомалӣ Раҳмон борҳо таъкид гардидааст, ки Тоҷикистон ҷаннати воқеии рӯи замин ва мардумонаш покнаҷоду боимонанд. Бо итминони комил метавон гуфт, ки намозу ибодати аҳли диёр чун ворисон ва пайравони мазҳаби фарзанди фарзонаи миллат Абӯҳанифа Имоми Аъзам ҳамешагӣ намози шукронаву садоқат ба Ватан ва саодати ҷомеа хоҳад буд. Зеро танҳо бо орзуи хушбахтии халқ ва хизмати содиқона ба нафъи ҷамъият ҳар фард метавонад бар маснади бузургиву шукӯҳ, хонаободӣ ва муҳаббати илоҳӣ мушарраф гардад.

Муфассал... Шарҳ додан

Маорифчиёни шаҳри Хуҷанд фаъолияти нимсолаи худро ҷамбаст намуданд

13 Июл 2015

Соли хониши 2014-2015, ки ҷамъбасти он ба анҷоми нимсолаи соли 2015 рост меояд, дар шаҳри Хуҷанд 47 мактаб, 30 кӯдакистон, 5 кӯдакистонҳои хусусии «Дилоро», «Раҳматулло», «Офтобак», Академияи бачагонаи «Гулноз», «Раҳнамо», 1 комплекс кӯдакистон-мактаби махсус барои кӯдакони қувваи босираашон суст ва нобино, 1 Маркази таҳсилоти иловагӣ, аз он ҷумла 27 мактаби таҳсилоти миёнаи умумӣ, 4 литсей, 4 гимназия, 11 мактаби хусусӣ, 1 мактаб – интернати ёрирасон, фаъолият менамояд, ки дар онҳо 33712 нафар хонандагон ва 8764 нафар тарбиятгирандагон ба таълиму тарбия фаро гирифта шудаанд.
То санаи 1 июли соли ҷорӣ буҷаи муассисаҳои таҳсилоти умумӣ 99% иҷро гардид, ки ин 5689 765 сомониро ташкил медиҳад ва ин нишондиҳанда дар муассисаҳои таҳсилоти томактабӣ, мутаносибан ба 85% ё 190208 сомонӣ баробар аст.

Муфассал... Шарҳ додан

Фаъолияти бахши манзил дар нимсолаи аввал

14 Июл 2015

Дар давоми шаш моҳи соли 2015 ба бахши манзили мақомоти иҷроияи ҳокимияти давлатии шаҳри Хуҷанд 2128 адад муроҷиатҳои (ариза) шаҳрвандон (аз он ҷумла 1650 адад барои гирифтани қитъаи замини наздиҳавлигӣ) ҷудо намудани манзили истиқоматӣ, ҷудо намудани ҳуҷра аз хобгоҳ, ба расмият даровардани шартномаи типпи кирояи манзил, гирифтани нусхаи ордерҳо, вобаста намудани ҳуҷраҳо ворид гардидааст. Инчунин 220 адад мактубу дархостҳо, аз идораву муассисаҳо, ташкилотҳо оид ба ҷудо намудани қитъаи замини наздиҳавлигӣ, манзили истиқоматӣ ва маълумотномаҳои идораи нотариалӣ оид ба гарав гузоштани ҳуҷраҳои истиқоматӣ ворид гардидааст.
Қайд намудан зарур аст, ки бо мақсади таъмин намудани шаффофият дар масоили бақайдгирии шаҳрвандони эҳтиёҷманди беҳтар намудани шароити манзилӣ дар назди мақомоти иҷроияи ҳокимити давлатии шаҳри Хуҷанд комиссияи манзилии назди мақомот фаъолият дорад.

Муфассал... Шарҳ додан

Раиси шаҳри Хуҷанд иҷроиши амри либоси ягонаро санҷид.

(1 овоз, миёна 5.00 аз 5)

11 Июл 2015

Бо мақсади баланд бардоштани сифати хизматрасонӣ Амри Раиси шаҳри Хуҷанд ба имзо расидааст, ки тибқи тамоми фурӯшандагони бозорҳои шаҳр ва марказҳои савдо ба харидорон бо либоси ягона хизмат меарсонанд.
Нимаи дуюми рӯз Раиси шаҳри Хуҷанд Раҷаббой Аҳмадзода аз ҳолати таъмин ва иҷроиши ин амр ба якчанд бозорҳои щаҳр омад, ки дар мавзеи Панҷшанбе ҷойгиранд.
Боздиди корӣ аз бозорҳои «Афросиёб» ва «Нури ҳидоят» шурӯъ шуд. Дар бозорҳои мазкур фурӯшандагон бо либоси ягонаи муқаррар намудаи худ ба мизоҷон хизмат расонда, ба Раиси шаҳри Хуҷанд иброз назар намуданд, ки ин либос барои онҳо аз ҷониби маъмурияти бозор ройгон пешниҳод шаштааст. Тарҳи либос аз матои пахта буда, шинам, қулай дӯхта шудааст.