АсосӣБойгонӣ

Навгонӣ

Кӯмаки сокинони шаҳри Хуҷанд ба деҳқонони пахтакор.

(3 овоз, миёна 4.67 аз 5)

27 Октябр 2014

Фасли тирамоҳ барои деҳконони заркори кишвар мавсими ҷамъоварии ҳосили пахта буда, ҳамсола барои сари вақт ва беталаф ҷамъоварӣ намудани он сокинони маркази вилоят кӯмаки худро ба пахтакорон мерасонанд.
Дар мавсими имсола низ бо ташаббуси Раиси шаҳри Хуҷанд Раҷаббой Аҳмадзода рӯзи истироҳат кормандони Мақмоти иҷроияи ҳокимияти давлатии шаҳри Хуҷанд роҳбарият ва кормандони тамоми воҳидҳои сохторӣ, ташкилоту муассисаҳои шаҳр новобаста аз шакли моликият ба кӯмаки пахтакорони Асотсиатсияи-илмию истеҳсолии ба номи Р. Набиеви ноҳияи Бобоҷон Ғафуров рафтанд. Аз субҳи барвакт 1300 нафар ҳашарчиён бо роҳбарии Раиси шаҳри Хуҷанд Раҷаббой Аҳмадзода бо азму ғайрати дучанд пахта чида, дар ҳавои мусоид барои бо сифат ҷамъоварӣ намудани ҳосил саҳм гирифтанд.

Муфассал... Шарҳ додан

Унвони фахрии «Шаҳрванди фахрии шаҳри Хуҷанд» ба шахсиятҳои маъруф.

(5 овоз, миёна 5.00 аз 5)

24 Октябр 2014

Ба истиқболи 20 солагии қабули Сарқонуни Ҷумҳурии Тоҷикистон тибқи Қарори Раиси шаҳри Хуҷанд Раҷаббой Аҳмадзода таҳти № 605, 606, 607, 608 ба доктори илмҳои таърих, профессор, Директори Маркази тадқиқоти таълимоти Абӯҳанифа ва шарқшиносии Донишгоҳи давлатии ҳуқуқ, бизнес ва сиёсати Тоҷикистон, дорандаи ордени Шараф, дараҷаи II Назирҷон Турсунов доктори илмҳои иқтисодӣ, профессори кафедраи иқтисодиёт ва идораи Донишкадаи политехникии Донишгоҳи техникии Тоҷикистон ба номи академик М.Осимӣ, Арбоби шоистаи илм ва техникаи Ҷумҳурии Тоҷикистон Абдушукур Назаров, дӯстдори фарҳангу адабиёти миллии тоҷикон дар кишвари Олмон, таблиғгари дастовардҳои фарҳангии кишвари Тоҷикистон, донишманди маъруф, ховаршинос ва муҳаққиқи адабиёти тоҷик дар Аврупо Александр Ҳайзер, собиқ Раиси комиҷроияи шаҳри Хуҷанд, бинокори хизматнишондодаи Ҷумҳурии Тоҷикистон нафақахӯри аҳмияти ҷумҳуриявӣ дошта Юсуф Қурбонов –унвони фахрии «Шаҳрванди фахрии шаҳри Хуҷанд» дода шуд.

Шарҳ додан

Раиси шаҳри Хуҷанд бо Валерей Бондаренко мулоқот намуд.

(2 овоз, миёна 3.50 аз 5)

23 Октябр 2014

Субҳи имрӯз Раиси шаҳри Хуҷанд консули генералии Федератсияи Русия дар шаҳри Хуҷанд Валерий Бондаренкоро қабул намуд. Мавсуф чанде пеш тибқи фармони Вазири корҳои хориҷаи Русия ба ин вазифа таъин гардид. Ӯ дар ин мақом ҳамкасби хеш Александр Копнинро иваз намуда буд.
Раиси шаҳр дар оғози сӯхбат Валерий Бондаренкоро дар ин симматаш табрик намуд.
Валерий Бондаренко изҳор дошт, ки дар вазифаи худ мекӯшад барои рушду ривоҷи самтҳои мухталифи соҳаҳои шаҳри Хуҷанд дар заминаи ҳамкории маркази вилоят бо минтақаҳои Федератсияи Россия мусоидат намояд.
Раҷаббой Аҳмадзода оид ба нишондиҳандаҳои иқтисодиву иҷтимоии шаҳр маълумот дода, захираю имкониятҳои мавҷудаи шаҳри Хуҷандро дар самти саноати сабук, коркарди мева, табодули таҷрибаи соҳибкорон, зикр дошт.

Муфассал... Шарҳ додан

Раиси шаҳр хабаргирии ҳамарӯзаи собиқадорони ҷангро талаб намуд.

(1 овоз, миёна 5.00 аз 5)

24 Октябр 2014

Мулоқоти навбатии Раиси шаҳри Хуҷанд Раҷаббой Аҳмадзода дар маҷлисгоҳи мактаби таҳсилоти умумии № 14 бо сокинони маҳаллаи «Сайҳун» баргузор гардид.
Маълумот аз натиҷаҳои соҳаҳои гуногуни шаҳр дар 9 моҳи соли 2014 аз ҷониби Раиси шаҳри Хуҷанд ифтитоҳи ин вохӯрӣ буд.
Аз ҷумла зикр гардид, ки ҳоло дар шаҳри Хуҷанд бо мақсади иҷроиши барномаи роҳҳои обод 85 км роҳ таъмир карда шуданд, ки аз он 35 километрашро таъмири куллӣ ташкил медиҳад. Ҳоло аз 17 кӯчаи мавҷуда, 5 кӯчаи маҳаллаи мазкур аз таъмири пурра бароварда шуданд, ки он 2,6 км ташкил медиҳад. Ҳоло нақшаи марҳила ба марҳила аз таъмир баровардани кӯчаҳои маҳалла омода карда шудааст, ки соли оянда низ ин кор идома дода мешавад. Дар маҳалла се ташкилоти динӣ,- аз он ҷумла ду ташкилоти динии масеҳӣ амал мекунад.

Муфассал... Шарҳ додан

Таъмири куллии кӯчаи ба номи М. Танбӯрӣ.

(2 овоз, миёна 4.50 аз 5)

22 Октябр 2014

Мувофиқи супориши Раиси вилдояти Суғд Абдураҳмон Қодирӣ ва дастури Раиси шаҳри Хуҷанд Раҷаббой Аҳмадзода, бо истифодаи аз ҳавои мусоид таъмири роҳҳои шаҳр идома дорад. Дар кӯчаи ба номи М. Танбӯрӣ барои аз таъмири куллӣ баровардани он корҳои мумфаршкунӣ идома доранд. Зиёда аз 10 нафар таъмирчиёни ҶДММ «Хуҷандроҳ» роҳи мазкурро барои асфалтхобонӣ омода намуда, бо истифодаи воситаҳои техники муосир корҳои мумфаршкуниро бо вусъат идома медиҳанд. Лозим ба ёдоварист, ки кӯчаи номбурда давоми 15 сол охир таъмири капиталӣ нашуда буд.
Масофаи роҳи таъмир 1,4 км буда , ҳаҷми умумии корҳо зиёда аз 3 ҳазор метрии муррабаъро ташкил медиҳад. Корҳои таъмир ҳамчунин як қисми рохи соҳили дарёи Сир,- хиёбони ба номи Р. Набиевро низ дар бар хоҳад гирифт. Барои сари вақт ва хушсифат аз таъмир куллӣ Роҳсозон ният доранд то интиҳои хафта корҳои асфалтхобониро ба итмом расонанд.