АсосӣБойгонӣ

Навгонӣ

Ҳамоиши байналмилалии «Ҷойгоҳи Мавлоно Абдураҳмони Ҷомӣ» дар шаҳри Хуҷанд.

(1 овоз, миёна 5.00 аз 5)

03 Ноябр 2014

Ҳамоиши байналмилалии «Ҷойгоҳи Мавлоно Абдураҳмони Ҷомӣ дар шаҳри Хуҷанд.

Дар театри ба номи Камоли Хуҷандии шаҳри Хуҷанд ҷаласаи ифтитоҳии ҳамоиши байналмилалии «Ҷойгоҳи Мавлоно Абдураҳмони Ҷомӣ» дар муколамаи фарҳангҳо» баргузор гардид.
Дар он Раиси вилояти Суғд Абдураҳмон Қодирӣ, Раиси шаҳри Хуҷанд Раҷаббой Аҳмадзода директори Китобхонаи миллии Ҷумҳурии Тоҷикистон академик Носирҷон Салимов, шарқшиноси варзида аз кишвари Олмон Александр Ҳайзер, адабиётшинос ва рӯзноманигори маъруф аз кишвари Ҳоланд Меҳдии Ҷомӣ, ректори Донишгоҳи миллии Тоҷикистон, узви вобастаи Академияи илмҳои Ҷумҳурии Тоҷикистон Маҳмаисуф Имомов, донишмандону олимон аз Ҷумҳурии Исломии Эрон, Ҷумҳурии Исломии Афғонистон, Ҷумҳурии Узбекистон ва донишгоҳҳои дигари кишвар ташриф овардаанд.

Муфассал... Шарҳ додан

150 нафар сокини шаҳри Хуҷанд соҳиби замин шуданд.

03 Ноябр 2014

Бахшида ба 20 – умин солгарди қабули Конститутсияи (Сарқонуни) Ҷумҳурии Тоҷикистон бо иштироки Раиси вилояти Суғд Абдураҳмон Қодирӣ ва Раиси шаҳри Хуҷанд Раҷаббой Аҳмадзода аз маҳаллаҳои 14 ва 15-ум ба 150 нафар сокинони маркази вилоят қитъаҳои замини назди ҳавлигӣ ҷудо карда шуд.
Баъди суханони муқаддимавии Раиси шаҳри Хуҷанд, Раиси вилояти Суғд бо лоиҳаи маҳаллаи бунёдшаванда шинос шуда, бо сокинон мулоқот орост. Зимни сӯҳбати гарму самимӣ бо шаҳрвандон Абдураҳмон Қодирӣ изҳор дошт, ки дар партави сиёсати Сарвари давлат Ҷаноби Олӣ, мӯҳтарам Эмомалӣ Раҳмон ҳамасола теъдоди зиёди сокинон соҳиби қитъаҳои замини наздиҳавлигӣ мегарданд ва вазъи иҷтимоии шаҳрвандон сол аз сол беҳтар мегардад.

Муфассал... Шарҳ додан

Сокинони маҳаллаи «Чашмаи арзана» барои ҳалли саривақтии мушкилоти худ сипосмандӣ намуданд.

(1 овоз, миёна 5.00 аз 5)

29 Октябр 2014

Дар маҷлисгоҳи мактаби таҳсилоти умумии № 25 маркази вилоят мулоқоти Раиси шаҳри Хуҷанд Раҷаббой Аҳмадзода бо сокинони маҳаллаи «Чашмаи арзана» баргузор гардид.
Аз ҷониби Раиси шаҳри Хуҷанд ба ҷамъомадагон аз натиҷаҳои соҳаҳои гуногуни шаҳр дар 9 моҳи соли 2014 маълумот дода шуд.
Маҳаллаи мазкур наздик 8 ҳазор аҳолӣ дошта, дар доманаи кӯҳи Мевағул ҷойгир аст.
Дар мулоқоти қаблӣ бо Раиси шаҳри Хуҷанд аз ҷониби сокинон 11 дархост пешниҳод гардида буд, ки то имрӯз 9 дархост ҳалли худро ёфта 2 дархости дигар мавриди баррасӣ қарор дорад.
Аз ҷониби сокинони маҳалла дар бораи гузоштани қуттиҳои партов, беҳтар намудани вазъи обтаъминкунӣ дар маҳаллаи «Чашма-3», сохтани пайроха ва чароғонкунӣ дар роҳи асосии маҳалла, ташкили таваққуфгоҳ барои

Муфассал... Шарҳ додан

Маҳаллаи «Бофанда» ба мавсими зимистонгузаронӣ омода аст.

(2 овоз, миёна 4.50 аз 5)

31 Октябр 2014

Сокинони маҳаллаи «Бофанда» дар маҷлисгоҳи мактаби таҳсилоти умумии № 2 бо Раиси шаҳри Хуҷанд Раҷаббой Аҳмадзода вохӯрданд.
Нуфузи аҳолии маҳалла зиёда аз 6 ҳазор нафар буда, дар ҳудуди он чанд корхонаю муассисаҳои мухталиф ҷойгиранд.
Раҷаббой Аҳмадзода аз рушди соҳаҳои мухталифи шаҳрдорӣ ба сокинон маълумот дода, изҳор намуд,ки аз рӯи натиҷаҳои оморӣ, маркази вилоят 9 моҳи соли равонро бо натиҷаҳои назаррас ҷамбаст намуд. Бунёди зиёда аз 30 корхонаҳои хурду миёна, таъмир гаштани наздик 90 км роҳ, сари вакт пардохт гаштани музди маош, бунёди 13 майдончаҳои варзишӣ, ба истифода додани ду толори варзишии муосир шаҳодати ин дастовардҳо маҳсуб меёбад.
Ҳамчунин қайд гардид,ки дар мулоқоти қаблӣ ба Раиси шаҳри Хуҷанд аз ҷониби сокинони маҳаллаи «Бофанда» 10 нафар бо 20 дархост муроҷиат намуда буданд.

Муфассал... Шарҳ додан

Конфронси илмӣ бо иштироки Раиси шаҳри Хуҷанд.

(1 овоз, миёна 5.00 аз 5)

27 Октябр 2014

Ба ифтихори таҷлили ҷашни 20-солагии қабули Консититутсия (Сарқонун)-и кишвар мақомоти иҷроияи ҳокимияти давлатии шаҳри Хуҷанд дар ҳамкорӣ бо Донишкадаи политехникии Донишгоҳи техникии Тоҷикистон конференсияи илмӣ-адабӣ таҳти унвони «Консититутсия бахтномаи миллат» баргузор намуд.
Дар кори конференсия Раиси шаҳр Раҷаббой Аҳмадзода ширкат варзида, номбурда нахуст аз фаъолияти парки технологии донишкада дидан намуд. Қайд шуд, ки дар давоми 4 соли фаъолияти парки мазкур устодон ва шогирдони ин боргоҳи маърифат тавонистанд наздик ба 150 тахтаҳои электронии бо барномаи тоҷикӣ ҷиҳозонида сохта мавриди баҳрабардорӣ қарор диҳанд. Муҳимаш тахтаҳои мазкур сифатан хуб буда арзишаш нисбати бозор 50 дар сад камтар аст.