АсосӣБойгонӣ

Навгонӣ

Эҳтиром ба парчами миллӣ.

21 Ноябр 2014

Бахшида ба муносибати таҷлили ҷашни Рӯзи парчами давлатӣ дар Донишкадаи политехникии Донишгоҳи техникии Тоҷикистон чорабинии идона баргузор гардид.
Онро бо сухани муқаддимавӣ директори донишкада Дилрабо Мансурова ҳусни оғоз бахшида, қайд кард, ки эълон шудани Рӯзи Парчами Тоҷикистон воқеаест фараҳбахш ва баргузории он дар дили ҳар фарди ватандӯст ва сокини Тоҷикистони азиз эҳсоси дӯст доштан ва парастиш кардани ин сарзаминро дучанд менамояд.
Сармутахассиси шӯъбаи рушди иҷтимоӣ ва робита бо ташкилотҳои ҷамъиятии Мақомоти иҷроияи ҳокимияти давлатии вилоят шоир Ният Ҳаёт паёми табрикотии Раиси вилоят Абдураҳмон Қодириро бахшида ба Рӯзи парчами давлатӣ ба самъи ҳозирин расонда, ҳамзамон аз таърихи пайдоиши парчам ва нақши он дар ҳаёти сиёсии кишвар сухан ронд.

Муфассал... Шарҳ додан

Табрикоти Раиси шаҳри Хуҷанд Раҷаббой Аҳмадзода бахшида ба Рӯзи Парчами миллӣ

21 Ноябр 2014

Қадршиносӣ аз Парчами давлатӣ аз гузашта, имрӯз ва ғамхорӣ аз фардои халқ аст.
Президенти Ҷумҳурии Тоҷикистон, Ҷаноби Олӣ, мӯҳтарам Эмомалӣ Раҳмон нақши барҷастаи ин рамзи муҳими давлатиро дар таҳкими сулҳу субот, дӯстию якдилӣ ва Ваҳдати халқи азизамон зикр намуда, барҳақ қайд карда буданд:
«Итминони комил дорам, ки Парчами давлати соҳибистиқлоли Тоҷикистон ҳамчун таҷассуми умеду ормонҳои мо ҳамеша парафшон хоҳад буд ва зери сояи он мо дар роҳи ободии Ватани азизамон ба дастовардҳои рӯзафзун ноил хоҳем шуд.»
Хушбахтона, ба шарофати истиқлолияти давлатӣ тоҷикон соҳиби Парчами миллӣ, яъне таҷассумгари гузаштаи шоён ва ояндаи дурахшони тоҷикон гардиданд.

Муфассал... Шарҳ додан

Нақшаи даъват дар шаҳри Хуҷанд ба иҷро расид.

(1 овоз, миёна 5.00 аз 5)

19 Ноябр 2014

Дар шаҳри Хуҷанд нақшаи даъвати ҷавонони синни даъватӣ ба сафи Қувваҳои Мусаллаҳи Ҷумҳурии Тоҷикистон ба иҷро расид.
Бо мақсади бо сифат ва дар мӯҳлати муқарраргашта иҷро гаштани нақшаи даъват тибқи қарори Раиси шаҳри Хуҷанд Раҷаббой Аҳмадзода комиссия махсус фаъолияти худро аз моҳи сентябр оғоз намуда буд.
Дар натиҷаи роҳандозӣ намудани фаъолияти судманд аз ҷониби аъзоёни комиссияи даъват, ташкили вохӯриҳо, робитаи хуби кумитаи маҳаллаҳо бо комиссияи даъват иҷроиши саривақтии нақшаи даъватро таъмин намуд. Дар ин самт фаъолияти кумитаҳои маҳаллаҳои «Бофанда» «Раззок ва «Хучанд» қобили зикр аст.

Шарҳ додан

Маркази саломатии шаҳри Хуҷанд соҳиби таҷҳизоти муосири тиббӣ мешавад.

19 Ноябр 2014

Чанде пеш дар шаҳри Душанбе маросими ба имзорасонии созишномаи грантӣ аз ҷониби Раиси шаҳри Хуҷанд Раҷаббой Аҳмадзода, Сафири Ҷопон дар Ҷумҳурии Тоҷикистон Такаши Камада ва намояндаи ваколатдори Вазорати корҳои хориҷии Ҷопон Кентаро Соноура баргузор гардид.
Тибқи гранти мазкур харидории таҷҳизоти муосири тиббӣ барои Маркази саломатии № 4 шаҳри Хуҷанд ба маблағи зиёда аз 88 ҳазор доллари ИМА-ро дар бар мегирад.
Таҷҳизоти грантӣ асосан аз воситаҳои ташхисӣ иборат аз 10 намуд, аз қабили дастгоҳи ренгени,флюрографӣ,ташхиси ултрасадоӣ (УЗИ), дастгоҳи барқии санҷиши кори дил ва рагҳои хунгард ва ғайра иборат аст. Тамоми таҷхизот пеш аз хама барои сари вакт ва дақику бо сифат муайян намудани сабабҳои беморӣ пешбинӣ шуда, назар ба хулосаи табибон барои паст намудани сатҳи фавти модару кӯдак, беҳдошти саломатии занон дар давраи ҳомиладорӣ мусоидат менамояд.

Муфассал... Шарҳ додан

Мулоқоти Абдураҳмон Қодирӣ бо шаҳрдори Табрез

18 Ноябр 2014

Иртибототи фарҳангии байни ду шаҳр – Хуҷанд ва Табрез бояд заминасози афзоиши равобити иқтисодии миёни ҷонибҳо бошад.
Ин нукта зимни мулоқоти Раиси вилояти Суғд Абдураҳмон Қодирӣ бо шаҳрдори Табрез доктор Содиқ Наҷафӣ таъкид шуд.
Зимни мулоқоти гарму самимӣ Абдураҳмон Қодирӣ бо қадрдонӣ аз меҳмоннавозии шаҳрдори Табрез гуфт, Камоли Хуҷандӣ, шоири диёри мо муддати зиёд дар шаҳри Табрез зиста ва ба ин тартиб пули дӯстии байни ду миллатро қарнҳо пеш мустаҳкам кардааст.
Раиси вилоят дар сӯҳбат изҳор дошт, ки бо мусоидати сарони кишварҳои Тоҷикистону Эрон равобити иқтисодӣ ва фарҳангии ду кишвар рӯз ба рӯз афзоиш ёфта, саҳмгузориву сармоягузории ширкатҳои эронӣ дар иқтисоди Тоҷикистон ва ҳамчунин таҳсили донишҷӯёни эронӣ дар Тоҷикистон нишонаи густариши ҳамкориҳои тарафайн дар замони муосир аст.