АсосӣБойгонӣ

Навгонӣ

Хохиши омӯзгори бемор иҷро гардид.

16 Июл 2015

Дар асоси дастуру супоришҳои Президенти Ҷумҳурии Тоҷикистон Эмомалӣ Раҳмон Раиси шаҳри Хуҷанд Раҷаббой Аҳмадзода аз ҳоли чанде аз шахсони ниёзманд ва бемор бохабар шуда, онҳоро бо фарорасии Иди саиди Фитр табрик намуд.
Омӯзгори собиқадор Маъсуда Очилова давоми чанд сол аст, ки аз беморӣ ранҷ мебарад ва дар парастории хоҳарону наздиконаш аст. Рӯзи гузашта ҳангоми аёдати Раиси шаҳри Хуҷанд ва меҳмонии ӯ дар манзили муаллима Маъсуда Очилова пайвандонащ аз Раҷаббой Аҳмадзода хохиш намуданд барои харидории телевизор кӯмак расонад. Нимаи аввали имрӯз масъулини Мақомоти иҷроияи ҳокимияти давлатии шаҳри Хуҷанд як телевизорро ба манзили омӯзгори собиқадор дастрас намуда, хоҳиши пайвандони ин шахси беморро иҷро намуданд. Номбурда барои доимӣ ва таваҷҷӯҳи пайваста ба ҳукумату давлат, президенти Ҷумҳурии Тоҷикистон Эмомалӣ Раҳмон сипосмандии самими худро баён намуд.

Шарҳ додан

Раиси шаҳр шахсони бемор ва ниёзмандро аёдат менамояд.

16 Июл 2015

Дар асоси дастуру супоришҳои Президенти Ҷумҳурии Тоҷикистон Эмомалӣ Раҳмон хабаргирӣ ва расондани кӯмаки идона дар рӯзҳои таҷлили ид ба ҳукми анъана даромадааст. Давоми чанд рӯз аст, ки бо ташаббус ва дастгирии Мақомоти иҷроияи ҳокимияти давлатии шаҳри Хуҷанд масъулини воҳидҳои сохторӣ, соҳибкорон ва шахсони саховатманд ба қишри ниёзманди сокинони маркази вилоят кӯмаки моддӣ мерасонанд.
Бахшида ба фарорасии Иди саиди Фитр давоми ду рӯз аст, ки Раиси шаҳри Хуҷанд Раҷаббой Аҳмадзода аз холи чанде аз сокинони эҳтиёҷманди шаҳр хабар гирифта ба онҳо кӯмаки яквақтаи моддӣ мерасонад.
Имрӯз низ Раиси шаҳри Хуҷанд даҳ нафар аз шахсони ниёзмандро аёдат намуд. Аёдати Раиси шаҳр аз хабаргирии ҳоли, сокини кӯчаи Лоҳутӣ ҷавондухтари 17 сола, - Зоидбоева Шаҳноза оғоз гашт, ки бемории ҷароҳати пӯст дорад.

Муфассал... Шарҳ додан

Дар шаҳри Хуҷанд натиҷаи нимсола ҷамбаст гардид.

15 Июл 2015

Дар маркази фарҳанги шаҳри Хуҷанд маҷлиси ҷамбастӣ доири фаъолияти соҳаҳои гуногуни хоҷагии халқ баргузор гардид.
Маҷлисро Раиси шаҳри Хуҷанд Раҷаббой Аҳмадзода ифтитоҳ намуд.
Раиси шаҳри Хуҷанд дар оғози кори ҷаласа ҳозиронро бо Фармони Прокурори генералии Ҷумҳурии Тоҷикистон дар бораи Прокурори шаҳри Хуҷанд таъин шудани Солеҳзода Арабшоҳ ошно намуда, ба номбурда барои фаъолияти пурсамар дар ин вазифа муваффақият хост.
Доири натиҷаҳои фаъолитяи соҳаҳои мухталифи хоҷагии халқи маркази вилоят дар назди ҳозирон муовини Раисим шаҳри Хуҷанд Маъруф Мамадҷонов баромад намуд.
Муовини Раиси шаҳри Хуҷанд Маъруф Мамадҷонов ба фаъолони дар толор ҳузурдошта аз натиҷа ва дастоварду вазъи имрӯзаи тамоми соҳаҳо маълумоти муфассал дода, изҳор намуд, ки имрӯз барои таъмини зиндагии мардум ва перафти кишвар саҳмси меҳнаткашони маркази вилоят назаррас аст.

Муфассал... Шарҳ додан

Дар шаҳри Хуҷанд амалишавии лоиҳаи кам намудани талафоти барқ идома дорад.

15 Июл 2015

Дар маҳаллаи «Бофанда» дар доираи амалишавии лоиҳаи «Паст намудани талафоти неру дар вилояти Суғд" насби аввалин хисобченкунакҳои барқӣ оғоз гардид.
Мутахассисон ва кормандони идораи шаҳри Хуҷанд дар оғози ҳафта ба насби ҳисобченкунакҳои электронӣ дар хонаи истиқоматии № 14 насби аввалин ҳисобкунакҳои барқ гурӯъ гамуданд.
Дар баробари ин тибқи нақшаи лоиҳаи мазкур ивази ноқилҳо ва лавҳаи 0,4 кВ. низ ба нақша гирифта шудааст. Баъдан ба иҷро расондани корҳои насбу васл чунин амал дар хонаҳои №8, №6, №26,№ 10 ва № 16 пешбинӣ гашта, корҳои озмоиши системаи Биллинг ва EMI оғоз меёбад. Умуман дар марҳилаи нахустин гасби ҳисобченкунак 250 муштариро дар бар мегирад, Назар ба маълумоти мутахассисон баъди таҳлил ва натиҷагирӣ аз кору низоми хисобченкунакҳои барқӣ ва системаи Биллинг ва EMI лоиҳаи мазкур бо назардошти таҷрибаи дар ин минтақаи озмоишӣ ҳосилгашта, дар дигар қисматҳои шаҳр низ амалӣ карда мешавад.

Муфассал... Шарҳ додан

Табрикоти Раиси шаҳри Хуҷанд Раҷаббой Аҳмадзода бахшида ба Иди саиди Фитр

14 Июл 2015

Ҳамшаҳриёни азиз!
Иди саиди Фитрро аз номи мақомоти иҷроияи ҳокимияти давлатии шаҳри Хуҷанд ба кулли ҳамдиёрони арҷманд муборакбод гуфта, имону ибодати комил, рӯзгори обод ва неъмати фаровонро таманно менамоям.
Бигузор, аз файзи моҳи шарифи Рамазон ва Иди саиди Фитр Ватани азизамон Тоҷикистон доимо ободу дар амон бошад ва бо дуои неки пирони хирад худованди бузург мардумонашро некрӯзу сарбаланд ва фарзандонашро арҷгузори миллат гардонад.
Дар суханрониҳои Сарвари давлатамон, Ҷаноби Олӣ, мӯҳтарам Эмомалӣ Раҳмон борҳо таъкид гардидааст, ки Тоҷикистон ҷаннати воқеии рӯи замин ва мардумонаш покнаҷоду боимонанд. Бо итминони комил метавон гуфт, ки намозу ибодати аҳли диёр чун ворисон ва пайравони мазҳаби фарзанди фарзонаи миллат Абӯҳанифа Имоми Аъзам ҳамешагӣ намози шукронаву садоқат ба Ватан ва саодати ҷомеа хоҳад буд. Зеро танҳо бо орзуи хушбахтии халқ ва хизмати содиқона ба нафъи ҷамъият ҳар фард метавонад бар маснади бузургиву шукӯҳ, хонаободӣ ва муҳаббати илоҳӣ мушарраф гардад.

Муфассал... Шарҳ додан