АсосӣБойгонӣ

Навгонӣ

Пайкараи Содирхон Ҳофиз дар шаҳри Хуҷанд.

(2 овоз, миёна 5.00 аз 5)

05 Июн 2014

Бо иштироки раиси вилояти Суғд Абдурахмон Кодирӣ ва Раиси шаҳри Хуҷанд сохтмони хобгоҳ барои ансамбли рақсии Зебо дар шаҳри Хуҷанд оғоз гашт. Раиси вилоят санги асос ва нома ба наслҳои ояндаро гузошта, изҳор дошт, ки то Наврӯзи соли 2015 ин бино ба истифода дода мешавад. Бинои мазкур аз ду ошёна, хобгоҳ ва толори тамрин иборат буда, дар хобгоҳи он 30 нафар духтароне ки аз ноҳияҳои дурдаст мебошанд, ҷой дода мешаванд. Ҳоло дар ин ансамбл 83 нафар фаъолият доранд. Алҳол роҳбарии ансамблро Шаҳло Ҷалилова ба зимма дорад.
Баъдан бо иштироки Раиси вилояти Суғд Абдураҳмон Қодирӣ ва набераи ҳофиз Аҳмадҷон Каримов парда аз рӯи муҷассамаи Содирхон Ҳофиз дар вазъияти тантанави бардошта шуд. Баландии муҷассама 4,5 метр ва барии он 2 метрро ташкил дода он аз ҷониби пайкаратарош Даврони Раҳмадзод сохта шудааст. Барои бунёди он 6 тонна бетон ва 34 ҳазор сомонӣ маблағ сарф гардидааст.

Муфассал... Шарҳ додан

Табрикоти Раиси шаҳри Хуҷанд Раҷаббой Аҳмадзода бахшида ба Рӯзи кормандони саноати сабук.

(1 овоз, миёна 5.00 аз 5)

05 Июн 2014

Бо камоли эҳтиром ва самимияти афзун кормандони муҳандисию техникӣ, коргарони корхонаҳои саноати сабук, собиқадорони меҳнат ва кулли алоқамандони соҳаро бо иди касбӣ - Рӯзи кормандони саноати сабук табрику шодбошиҳо мегӯям. Ба онҳо саломатӣ, саодатмандӣ ва дар меҳнати садоқатмандонаашон баҳри рушди саноати мамлакат ва пешрафти иқтисодиёти кишвар муваффақиятҳо таманно мекунам.
Хуҷанд бо маънои томаш шаҳри калони саноатист ва хоса бо корхонаҳои азими ресандагию бофандагӣ, рангуборкунию дӯзандагиаш шӯҳрати ҷаҳонӣ дарёфтааст. Муҳим он аст, ки аксари корхонаҳои саноати сабуки қаламрави шаҳр ба ашёи хоми беруна кам ниёзмандӣ доранд ва бештар барои истеҳсоли маҳсулот аз пахтаю пила ва чарми дохилӣ, ки аксаран дар хоҷагиҳои навоҳии вилоят омода мешаванд, истифода мебаранд.

Муфассал... Шарҳ додан

Боздиди Раиси вилояти Суғд аз корхонаҳои саноатӣ.

05 Июн 2014

Раиси вилояти Суғд Абдураҳмон Қодирӣ ва Раиси шаҳри Хуҷанд Раҷаббой Аҳмадзода аз якчанд корхонаҳои саноатии шаҳри Хуҷанд боздид ба амал оварданд. Нахуст Абдураҳмон Қодирӣ ва ҳайати ҳамроҳонаш бо фаъолияти кунунии коргоҳи «Нассоҷии Хуҷанд» ошноӣ пайдо намуданд. Коргоҳ соли гузашта дубора ба фаъолият оғоз намуда, барои харидорон маҳсулоти гуногуни ватаниро аз нахи пахта пешкаш менамояд. Раиси вилояти Суғд аз намоиши маҳуслоти корхона дидан кард. Иттилоъ дода шуд, ки айни замон дар коргоҳ зиёда аз 30 намуд маҳсулот аз ҷумла, куртаҳои мардона ва занона, сару либоси мактабиву корӣ, рахти хоб ва ғайра истеҳсол карда мешавад, ки сифати он дар бозори имрӯза рақобатнок аст. Тамоми матоҳои истифодамешуда, пурра аз нахи пахта буда, ба саломатии инсон муфид мебошад. Сарвари вилоят ба масъулин дастур дод, ки дар ин радиф бояд ашёи хоми ватанӣ, ки аз пахта гирифта мешавад мавриди истифодаи бештари сокинон карор гирад.

Муфассал... Шарҳ додан

Табрикоти Раиси шаҳри Хуҷанд бахшида ба занги камолот.

(1 овоз, миёна 5.00 аз 5)

05 Июн 2014

Омӯзгорон ва хонандагони арҷманд!
Дар кишвари хуршедию соҳибистиқлоли мо – Тоҷикистони гулафшон як соли хониши дигар сипарӣ шуда, дар мактабҳои таҳсилоти миёнаи умумии ҷумҳурӣ «Занги камолот» садо медиҳад. Ба ин муносибат кулли омӯзгорону хонандагон ва махсусан хатмкунандагони муассисаҳои таълимии шаҳрро табрику таҳният гуфта, барояшон саломатии комил, рӯзгори фараҳбахш, файзу иқболи зиндагӣ, роҳи сафед ва барору комёбиҳоро таманно менамоям.
Соли хониши 2013-2014 - ро аҳли маорифи шаҳри Хуҷанд бо руҳияи баланди шукргузорӣ аз сиёсати маорифпарваронаи Президенти кишвар, Ҷаноби Олӣ, муҳтарам Эмомалӣ Раҳмон истиқбол намуда, дар давоми соли таҳсил ба дастовардҳои назаррасу шоиста ноил гардиданд.

Муфассал... Шарҳ додан

Раиси вилояти Суғд дар оғози корҳои мумфаршкунии ду кӯчаи шаҳри Хуҷанд ширкат намуд.

(1 овоз, миёна 5.00 аз 5)

04 Июн 2014

Имрӯз дар ду кӯчаи маркази вилоят - кӯчаи Муродии Хуҷандӣ ва Шарқ корҳои мумфаршкунӣ оғоз ёфтанд.
Дар расми ифтитоҳи корҳои ободонӣ ва таъмир дар ин кӯчаҳо Раиси вилояти Суғд Абдураҳмон Қодирӣ ва Раиси шаҳри Хуҷанд Раҷаббой Аҳмадзода иштирок намуданд.
Лозим ба ёдоварист, ки таъмири кӯчаҳои мазкур идомаи нақшаҳои Макомоти иҷроияи ҳокимияти давлатии шаҳри Хуҷанд дар асоси эълон гаштани «Соли 2014 - соли роҳҳои обод»аз ҷониби Раиси вилояти Суғд Абдураҳмон Қодирӣ мебошад.
Дар баробари ин Макомоти иҷроияи ҳокимияти давлатии шаҳри Хуҷанд иқдом намуд,.ки соҳибкорон ва шаҳрвандон низ барои корҳои ободонии маҳаллашон саҳмгузор бошанд. Соҳибкорони шаҳри Хуҷанд ин ташаббусро дастгирӣ намуда, чанде аз кӯчаҳои шаҳрро аллакай тариқи ҳашар асфалтпӯш намуданд.