АсосӣБойгонӣ

Навгонӣ

Шоҳмотбози беҳтарини Хуҷанд муайян гардид.

(1 овоз, миёна 5.00 аз 5)

25 Феврал 2016

Бахшида ба Рӯзи таъсисёбии Артиши Миллии Ҷумҳурии Тоҷикистон дар чойхонаи Сирдарё»-и маркази вилоят мусобиқаи шаҳрӣ байни шоҳмотбозон доир гардид. Мақсади баргузории ин чорабиниро масъулини соҳа тарғиби бозии шоҳмот байни сокинон, баланд бардоштани маҳорати ҳавасмандони ин намуди бозӣ ва пойдории иртиботи доимӣ байни ҳаводорони бозии шоҳмот арзёбӣ намуданд.
Чорабиниро мудири Бахши ҷавонон варзиш ва сайёҳии Мақомоти иҷроияи ҳокимияти давлатии шаҳри Хуҷанд Бахтиёр Исматоҷонов ифтитоҳ намуда, паёми шодбошӣ ва табрикоти Раиси шаҳри Хуҷанд Раҷаббой Аҳмадзодаро ба иштирокдорони ин мусобиқаи интелектуалӣ расонд.
Дар мусобиқа 24 нафар шаҳрвандони синну соли гуногуни шаҳри Хуҷанд ширкат намуда, маҳорати шоҳмотбозии худро тибқи системаи «олимпӣ» намоиш доданд.

Муфассал... Шарҳ додан

Гузоштани лавҳаи ёдгорӣ бо иштироки Раиси шаҳри Хуҷанд.

(1 овоз, миёна 5.00 аз 5)

24 Феврал 2016

Имрӯз Раиси шаҳри Хуҷанд Раҷаббой Аҳмадзода дар маросими гузоштани лавҳаи ёдгории собиқадори соҳаи тандурустӣ, Иштирокчии Ҷанги Бузурги Ватанӣ Зикурулло Хоҷаев дар кӯчае, ки номи ӯро дорад, иштирок намуд.
Ба ин муносибат дар кӯчаи мазкур ҳамоиш бо ширкати аҳли маҳалла, зиёиён, собиқадорону кормандони соҳаи тиб масъулини давлатию ходимони ҷамъиятӣ баргузор гардид.
Ҷамъомадро Раиси шаҳри Хуҷанд Раҷаббой Аҳмадзода ифтитоҳ намуд. «Дар баромаду суханрониҳои Асосгузори Ваҳдати Миллӣ, Пешвои миллат, Президенти кишвар, Ҷаноби Олӣ, мӯҳтарам Эмомалӣ Раҳмон борҳо зикр гардидааст, ки насли имрӯза дар назди дирӯзу фардои мардуми мо рисолати посдории анъанаҳои нек ва тарбия насли наврасро дар заминаи хизматҳои шоистаи фарзандони диёри худро дорад.

Муфассал... Шарҳ додан

Мусобиқаи ҳарбӣ- варзишии «Ҳомиёни ҷасури Ватан»

(1 овоз, миёна 5.00 аз 5)

23 Феврал 2016

Бахшида ба Рӯзи Артиши миллии Ҷумҳурии Тоҷикистон, бо мақсади баланд бардоштани ҳисси ватандӯстӣ, тарбияи ахлоқӣ ва маънавии ҷавонон, тайёр намудани ҷавонон барои хизмат ба сафи Қувваҳои Мусаллаҳи Ҷумҳурии Тоҷикистон, санҷиши донишу малакаи касбии онҳо дар ҳамкорӣ бо шӯъбаи маориф, комиссариати ҳарбӣ ва иттифоқи собиқадорони ҷанговарони интернатсионалист дар шаҳри Хуҷанд даври ниҳоии мусобиқаи ҳарбӣ – варзишии «Ҳомиёни ҷасури Ватан» дар варзишгоҳи «Спартак» баргузор гардид. Мусобиқа аз рӯи намудхои ҳаракатҳои сафи (гузаштан аз назди трибуна) иҷро кардани амалиётҳои сафгарди ҳамаи даста, давидан ба масофаи 100 метр, ҳаво додани норинчак ба масофа кашидани вазн, варзнбардорӣ (16кг) ба қисмҳо ҷудо ва ҷамъ кардани қисмҳои автомат,тирҷойкуни ба тирдон, тирпаррони аз туфанги пневматикӣ дар масофаи 10 метр гузаронида шуд.

Муфассал... Шарҳ додан

Ҷавонони Хуҷанд дар «300 Рӯзи ободонӣ» саҳм мегузоранд.

23 Феврал 2016

Бо ибтикори Бахши ҷавонон, варзиш ва сайёҳии шаҳри Хуҷанддар доираи Амалиёти ҷумҳуриявии ҷавонон, таҳти унвони «Ин Ватанро мо ҷавонон сабзу хуррам мекунем!» ва қарори Раиси шаҳри Хуҷанд Оид ба эълон гаштани «300 Рӯзи ободонӣ» бахшида ба пешвози 25 солагии Истиқлолияти давлатии Ҷумҳурии Тоҷикистон дар Муассисаҳои давлатии мактаби варзишии бачагон ва наврасони шаҳр ҳашари ниҳолшинонӣ баргузор гардид. Дар чорабинии мазкур зиёда аз 300 нафар кормандони бахш, мураббиён, варзишгарон ва ҷавонон фаъолона иштирок намуда, дар ҳудуди муасисаҳо беш аз 400 бех ниҳолҳои сояафкану ороиши шинонида шуд. Иқдоми мазкур аз ҷониби Бахши ҷавонон варзиш ва сайёҳии шаҳри Хуҷанд ҳар ҳафта рӯзи шанбе идома дода мешавад.

Шарҳ додан

Раиси шаҳри Хуҷанд оилаи қурбониёни барқарор намудани сохти конститутсиониро аёдат намуд

(1 овоз, миёна 5.00 аз 5)

23 Феврал 2016

Бо мақсади иҷроиши дастуру супоришҳои Президенти Ҷумҳури Тоҷикистон Эмомалӣ Раҳмон ва 23 солагии таъсисёбии Артиши Миллӣ, Раиси шаҳри Хуҷанд Раҷаббой Аҳмадзода оилаҳое, ки пайвандону фарзандони онҳо барои барқарор намудани сохти конститутсионӣ ё ҳангоми адоми хизмати ҳарбӣ ҳалок гаштаанд аёдат намуд.
Нахуст Раиси шаҳри Хуҷанд ба манзили истиқоматии хонаводаи Раҳматовҳо омад. Фарзанди ин хонавода Фирдавс Раҳматов ҳангоми адои хизмати ҳарбӣ вафот намуда буд. Раҷаббой Аҳмадзода баробари изҳори тасаллият ва расондани кӯмаки моддӣ аз шароити феълӣ ва зиндагии ин хонавода пурсон шуд. Волидайни шодравон Фирдавс Раҳматов барои таваҷҷӯҳи доимӣ ба давлату ҳукумат ва мақомоти шаҳрдорӣ изҳори сипос намуда аз Раҷаббой Аҳмадзода барои дарёфти ҷойи корӣ сазовор ба писараш дархост намуд.