АсосӣБойгонӣ

Навгонӣ

Чорабини бахшида ба Рӯзи пешгирӣ ва мубориза бар зидди ВНМО

02 Декабр 2015

Дар Қасри Ҷавонони ба номи Лоиқ Шералии шаҳри Хуҷанд аз ҷониби корманди Маркази пешгирӣ ва мубориза бо БПНМ-и вилояти Суғд бо дастгирии Мақомоти иҷроияи ҳокимияти давлатии шаҳри Хуҷанд, Раёсати кор бо ҷавонон, варзиш ва сайёҳии вилояти Суғд, Раёсати фарҳанг, Раёсати маориф ва бо ҷалби 1000 нафар ҷавонони таҳсилкунандаи донишкадаҳои шаҳр ва хонандагони синфҳои болоӣ чорабини бахшида ба 1 -уми декабр Рӯзи умумиҷаҳонии мубориза бо бемории пайдошудаи норасоии маснуияти одамчорабинии калон баргузоргардид.
Дар он намояндагони Раёсати тандурустӣ, Мақомоти иҷроияи ҳокимияти давлатии вилоят, Мақомоти иҷроияи ҳокимияти шаҳри Хуҷанд, роҳбарони муассисаҳои табобатию профилактикии шаҳру ноҳияҳо, роҳбарон ва кормандони ташкилотҳои ҷамъиятии самти корашон ба пешгирии ВНМО равонакардашуда иштирок намуданд.

Муфассал... Шарҳ додан

Саломатӣ гавҳари ноёб. Тренинги таълимӣ.

01 Декабр 2015

Дар Маркази таълимии “Ҳаёти нав”-и шаҳри Хуҷанд тренинги таълимӣ оидба пешгирии амали номатлуби нашъамандӣ бо иштироки масъулони соҳа ва кормандони масъули МИҲД шаҳри Хуҷанд баргузор гардид.
Дар он масъалаи пешгирии сӯистифода аз истеъмоли маводи нашъадор мавриди баррасиву таҳлил қарор дода шуд. Дар кори тренинг аъзои Шӯро ҳамоҳангсозӣ оид ба пешгирии сӯистифода аз истеъмоли маводи нашъадор, гурӯҳи ҷамъиятии ташаббускор ҳамчунин сардори бахши кор бо ҷавонон, варзиш ва сайёҳии МИҲД шаҳр Бахтиёр Исматҷонов, раиси Шӯрои занони шаҳр Муҳайё Дадобоева, котиби масъули комиссияи кор бо ноболиғони назди МИҲД шаҳр Мадина Салимова ва дигарон баромад карда фикру мулоҳизаи хешро оид кам намудани сафи нашъамандон, хусусан пешгирии пайвастани ҷавонон ба сафи ин тоифа баён намуданд.

Муфассал... Шарҳ додан

Мусобиқаи боксчиён барои мукофоти Исмоил Ҳамзаалиев оғоз гардид.

(1 овоз, миёна 5.00 аз 5)

27 Ноябр 2015

Дар «Қасри варзиш»-и шаҳри Хуҷанд мусобиқаи анъанавии байналхалқӣ оид ба бокс ба хотири гиромидошти Қаҳрамони Иттиҳоди Шӯравӣ Исмоил Ҳамзаалиев оғоз ёфт.
Ин мусобиқа тибқи Қарори Раиси вилояти Суғд санаҳои 25-29 ноябр баргузор гашта дар он варзишгарони вилоятҳои Бадахшони Кӯҳӣ, Хатлон, Суғд ва шаҳри Душанбе ва ҳамчунин варзишгарон аз Ҷумҳуриҳои Қирғизистон ва Ӯзбекистон иштирок менамоянд.
Дар маросими кушодашавии ин чорабинии варзишӣ муовини Раиси вилояти Суғд Назира Ғаффорӣ ва Раиси шаҳри Хуҷанд Раҷаббой Аҳмадзода иштирок ва суханронӣ намуданд.
Назира Ғаффорӣ паёми табрикии Раиси вилояти Суғд Абдураҳмон Қодириро ба иштирокдорон ва варзишгарони ин мусобиқаи анъанавӣ расонда изҳори боварӣ намуд, ки ин мусобиқа барои таҳкиму рушди ин намуди варзиш мусоидат хоҳад кард.

Муфассал... Шарҳ додан

Рӯзи қабули шаҳрвандон.

(1 овоз, миёна 5.00 аз 5)

01 Декабр 2015

Арзи 35 нафар сокинони шаҳр шунида шуд.
Шанбеи гузашта рӯзи қабули шаҳрвандон бо арзу дархости худ 35 нафар сокинон ба Раиси шаҳр Раҷаббой Аҳмадзода муроҷиат карданд. Аз ҷумла бо масъалаи марбут ба ҷудо кардани участкаи наздиҳавлигӣ 5 нафар, кӯмаки моддӣ 8 нафар, ва дигар масъалаҳо 10 нафар арзу дархост намуданд.
Раиси шаҳр кулли муроҷиатҳоро бодиққат гӯш карда, ба масъулони сохторҳои МИҲД шаҳр дастуру мсупоришҳои мушаххас дод, то ки нисбати ҳалли онҳо чорҷӯӣ намоянд.
Иловатан маълум гардид, ки дар шаҳр баробари оғози фаслис армо муаммову мушкилот дар соҳаҳои тандурустӣ низ мавҷуданд, ки доир ба ин соҳа 2 нафар дархост карданд.
Боиси хурсандӣ аст, ки барои дастгирӣ дар ҳалли мушкилоти зиндагӣ чанд тан аз бошандагони шаҳр ба рӯзи қабул омада арзи сипосу миннатдорӣ карданд.

Шарҳ додан

«Хуҷандатлас» шӯҳрати атласи тоҷикро боло бурданист

(1 овоз, миёна 5.00 аз 5)

25 Ноябр 2015

Президенти Ҷумҳурии Тоҷикистон Эмомалӣ Раҳмон бо мақсади эҳёи анъанаи суннатҳои мардумӣ ва ҳунармандӣ, инчунин таъмини талаботи сокинони мамлакат ба матои атласу адрас ба роҳбарияти шаҳру вилоят ва коргоҳи «Хуҷандатлас» дастуру супоришҳои мушаххас дода буд. Ҳамчунин ҳангоми боздиди кории худ аз корхонаи муштараки «ВЕТТОҶ» яке аз мавзӯҳои баррасишуда ин коркарди ашёи хом,- пилла дар коргоҳҳои маҳаллӣ буда барои густариши соҳаи саноати сабук, бештар намудани ҳаҷми истеҳсолоти коргоҳҳои коркарди маҳсулот ва истеҳсоли матои адрасу атлас ҳамзамон роҳандозии фаъолияти мутакобилан судманди корхонаҳои «ВЕТТОҶ» ва «Хуҷандатлас» буд.
Бо мақсади шиносоӣ бо вазъи имрӯзаи коргоҳи «Хуҷандатлас» Раиси шаҳри Хуҷанд Раҷаббой Ахмадзода дар ҳамроҳии роҳбарони вохидҳои сохторӣ, масъулини корхонаи коркарди пиллаи «ВЕТТОҶ» ба коргоҳи «Хуҷандатлас» омад.