АсосӣБойгонӣ

Навгонӣ

Муовинони Раиси шаҳри Хуҷанд иваз шуданд.

20 Январ 2015

Дар ҳайати роҳбарикунандаи Мақомоти иҷроияи ҳокимияти давлатии шаҳри Хуҷанд тағироти кадрӣ ба амал омад.
Бинобар ба кори дигар гузаштан муовинони Раиси шаҳри Хуҷанд Дадоҷон Абдуллоев ва Маҳмадӣ Давлатов аз вазифа озод карда шуданд.
Дар маҷлиси кормандони дастгоҳи Раиси шаҳри Хуҷанд, роҳбарони воҳидҳои сохторӣ, раисони маҳаллаҳо ва фаъолони шаҳри Хуҷанд, ки таҳти раёсати Раиси шаҳри Хуҷанд Раҷаббой Аҳмадзода гузашт, мудири шӯъбаи кадрҳои дастгоҳи Раиси вилояти Суғд Абдумавлон Дадобоев иттилоъ дод, ки дар мувофиқа бо Президенти Ҷумҳурии Тоҷикистон аз санаи19 январи соли равон Маъруф Тӯхтабоевич Мамадҷонов ва Мирзомуқим Очилзода барои ишғоли вазифаи муовинони Раиси шаҳри Хуҷанд ризогӣ дода шудааст.

Муфассал... Шарҳ додан

Раиси шаҳри Хуҷанд бо соҳибкорон мулоқот намуд.

(1 овоз, миёна 5.00 аз 5)

20 Январ 2015

Аз рӯи анъанаи қабулшуда ҳамсола дар оғози соли нав Раиси шаҳри Хуҷанд Раҷаббой Аҳмадзода бо соҳибкорони маҳаллӣ мулоқот менамояд. Имсол низ Раҷаббой Аҳмадзода бо наздик 100 нафар соҳибкорони шаҳри Хуҷанд мулоқоти корӣ анҷом дод.
Дар оғози чорабинӣ Раиси шаҳри Хуҷанд доири саҳми соҳибкорони шаҳр ҳарф зада, қайд намуд, ки соли сипаригашта аз ҷониби бонкҳои дар маркази вилоят, ки теъдоди онҳо ба 45 расидааст барои фаъолияти соҳибкории хурду миёна 650 миилион сомонӣ қарз дода шудааст. Ҳоло дар шаҳри Хуҷанд 1067 корхонаю ташкилотҳои хусусӣ фаъолият дорад, ки нисбати соли гузашта 100 корхона зиёд аст. Аз ин миқдор 209 корхонаи саноатӣ, 125 корхонаи сохтмонӣ ва 431 коргоҳи соҳаи савдо мебошад.

Муфассал... Шарҳ додан

Дар шаҳри Хуҷанд шоҳроҳи нав сохта мешавад.

19 Январ 2015

Барои зебо ва обод намудани шаҳр ба Наврӯзи дар пеш истода нақшаҳои Мақомоти иҷроияи ҳокимияти давлатии шаҳри Хуҷанд амалӣ мешаванд.
Раиси шаҳри Хуҷанд Раҷаббой Аҳмадзода қисмати дуюми рӯзи шанбе бо иштироки мудирони шӯъбаи меъморӣ ва шаҳрсозӣ, Сарраёсати ободонӣ, идораҳои роҳсозӣ, шабакаи барқ, заминсозӣ, «Хуҷандобуканал» ва дигар сохторҳои марбута ситоди сайёрро дар яке аз шоҳроҳҳои маркази вилоят «Автомагистральная» гузаронид.
Дар асоси нақшаи таҷдид ва навсозии роҳҳои шаҳр, шоҳроҳи мазкур бояд дар соли 2015 дар баробари дигар кӯчаҳо шоҳроҳи «Автомагистральная» пурра азнавсозӣ карда хоҳад шуд.
Тибқи лоиҳа шоҳроҳи мазкур 24 метр паҳноӣ ва масофаи 1600 метрро дар бар хоҳад гирифт.
Дар баробари пурра азнавсозии сутунпояҳои равшанидиҳӣ бо фурузонакҳои каммасрафи диодӣ пешбинӣ шуда, шоҳроҳ мумфарш карда мешавад. Баъди таъмир бошад дар ҳар як самт имкон дорад ҳаракати 6 қатори нақлиётро таъмин намояд.

Муфассал... Шарҳ додан

Маркази савдои «Файзи Расул» кушода шуд.

(1 овоз, миёна 5.00 аз 5)

19 Январ 2015

Дар шаҳри Хуҷанд боз як маркази савдо ва хизматрасонӣ кушода шуд.
Бо назардошти талаботи сокинон ва меҳмонони маркази вилоят дар маҳаллаи «Навбаҳор»- шаҳри Хуҷанд маркази савдои ширкати «Файзи Расул» ба фаъолият оғоз намуд. Бахшида дар расми ифтитоҳи ин мағозаи нав Раиси шаҳри Хуҷанд Раҷаббой Аҳмадзода иштирок намуд. Пеш аз фаъолияти расмии мағозаи мазкур Раиси шаҳри Хуҷанд Раҷаббой Аҳмадзода бо ҳозирони ин чорабинӣ мулоқот намуда, баён дошт,ки сиёсати имрӯзаи Президенти Ҷумҳурии Тоҷикистон, Ҷаноби Олӣ, мӯҳтарам Эмомалӣ Раҳмон боис мегардад,ки соҳибкорони муваффақ ҳамрӯза дастгирӣ ёбанд ва рушд намоянд.
Маҳсулои ширкати мазкур қайҳо маҳбубияти худро дар кишвар ва берун аз он пайдо намудааст, имрӯз номгӯи маҳсулот ва сифати онро бештару беҳтар мекунад.

Муфассал... Шарҳ додан

Зани номдор Махфират Дадобоева 70 сола шуд.

17 Январ 2015

Дар қасри фарҳанги шаҳри Хуҷанд бо иштироки Раиси шаҳри Хуҷанд Раҷаббой Аҳмадзода ва муовини Раиси вилояти Суғд Хайрулло Амонулло ҷамъомади тантанавӣ бахшида ба 70 солагии собиқадори меҳнат яке аз пешқадамони истеҳсолоти даврони шӯравӣ, ходими намоёни ҳизбӣ Мағфират Дадобоева баргузор гардид.
Мағфират Дадобоева давоми фаъолияти зиёда аз 40 солаи худ дар комбинати щоҳибофии шаҳри Хучанд тавонист аз коргари оддӣ то ба дараҷаи намояндаи халқ дар мақоми қонунгузори Иттиҳоди Шӯравӣ, ходими ҳизбӣ, зани фаъол ва устоди чандин шахсони арзандаи диёр гардад. Соҳибҷашн баробари фаъолияти меҳнатӣ ва шахси ҷамъиятӣ будан, модари мушфики панҷ фарзанд аст.
Ин ва дигар хислатҳои наҷиби соҳибҷашн, нақшу корнамоии ӯ дар истифодаи таҷрибаи пекадам, зинадагиномааш чун соҳибхоназан ва оиладорӣ дар суханони табрикии Раиси шаҳри Хуҷанд Раҷаббой Аҳмадзода ва номаи табрикотии Раиси вилояти Суғд Абдураҳмон Қодирӣ зикр гардид.

Муфассал... Шарҳ додан