АсосӣБойгонӣ

Навгонӣ

Дар Хуҷанд Рӯзҳои ҷавонон оғоз гардид

05 Май 2016

Бахшида ба таҷлили Рӯзи ҷавонони Тоҷикистон дар шаҳри Хуҷанд чорабинии фарҳангӣ-таърихии таҳти унвони «Ҷавонон–пайрави Пешвои миллат ва муҳофизони дастовардҳои 25 соли Истиқлолияти давлатии Ҷумҳурии Тоҷикистон!» силсилаи чорабиниҳои мухталиф баргузор мегардад. Ҳамзамон тибқи нақшаи тасдиқгардида дар маркази вилоят ба муносибати 71-умин солгарди Рӯзи Ғалаба дар Ҷанги Бузурги Ватанӣ ҳафтаи «Поси хотир» оғоз гардид. Яке аз ин чорабаниҳои пуршукӯҳ ва хотирмон дар Осорхонаи таърихию кишваршиносии вилояти Суғд таҳти унвони «Ҳеҷ кас ва ҳеҷ чиз фаромӯш нашудааст» баргузор гардид.
Бо гирандагони стипендияи Президентӣ ва Раиси шаҳр, ҷавонони фаъоли шаҳр, сарбозони қисми низомии 3501-и Вазорати корҳои дохилаи Ҷумҳурии Тоҷикистон иштирокчиёни Ҷанги Бузурги Ватанӣ Мамадхон Эшонов ва Қориҷон Ахмедов мулоқоти самимӣ намуда аз зиндагиномаю корнамоиҳои худ дар набарди мудҳиши асри гузашта нақл намуданд.

Муфассал... Шарҳ додан

Мусобиқаи варзишӣ дар муассисаи таълимии ҳарбӣ

04 Май 2016

Бахшида ба 25 солагии Истиқлолияти давлатии Ҷумҳурии Тоҷикистон дар факултети № 4 Академияи Вазорати корҳои дохилии Ҷумҳурии Тоҷикистон мусобиқаҳои варзишӣ байни кормандони ҳайати шахсӣ ва курсантҳои ин муассисаи таълимии ҳарбӣ аз рӯи намудҳои футбол, бандкашӣ, вазнкашӣ ва давидан ба масофаи 100м баргузор гардид. Мақсади чорабиниро масъулин баланд бардоштани ҳисси ватандӯстӣ, тарбияи ахлоқӣ ва маънавии курсантон, тайёр намудани курсантон барои хизмат ба халқу Ватан, санҷиши донишу малакаи касбии онҳо арзёбӣ менамоянд.
Мусобиқа давоми 10 рӯз идома ёфта, дар ниҳояти ин чорабинии варзишӣ ғолибият аз рӯи натиҷаи инфиродӣ ва даставӣ муқаррар карда шуд.

Муфассал... Шарҳ додан

Табрикоти Раиси шаҳри Хуҷанд ба ифтихори Рӯзи радио ва алоқа

03 Май 2016

Табрикоти Раиси шаҳри Хуҷанд ба ифтихори Рӯзи радио ва алоқа Тараққиёти бемайлони ҳаёти имрӯзаро бе алоқа ва технологияҳои иттилоотӣ ва истифодаи технлогияҳои инноватсионии муосир тасаввур кардан душвор аст.
Фаъолияти 6 ширкати мобилӣ, шабакаи телефони шаҳрӣ ва намояндагии департаменти давлатии «Почтаи тоҷик», радиои вилояти Суғд ва 6 радиои маҳаллии мустақил дар шаҳри Хуҷанд бозгӯи он аст, ки дар асри мо алоқа ва радио чун воситаи муҳимтарин иртибот ва иттилоот аҳамияти муҳим дорад барои сокинон хизмат мерасонад.
Дар ҳамин замина боиси хурсандист,ки кормандони соҳа бо дарки масъулияти баланд дар ҳаёти ҷамъиятию сиёсӣ, иқтисодию иҷтимоӣ ва фарҳангию маънавии мамлакат ва дар раванди пешравиҳои беназир иштироки бевоситаи фаъолона доранд.

Муфассал... Шарҳ додан

Шариф Шарифзода: «Мардонагию қаҳрамонии Шумо ифтихори насли имрӯзу фардост.»

04 Май 2016

Бахшида ба 71 солагии Рӯзи Ғалаба имрӯз дар Мақомоти иҷроияи ҳокимияти давлатии шаҳри Хуҷанд ба 5 нафар иштирокчиёни Ҷанги Бузурги Ватанӣ, Мамадхон Эшонов, Ашӯр Комилов, Аҳрулло Саидов, Маликаброр Шарипов ва Сотим Мирзоалиев супоридани кӯмакҳои яквақтаи пулии Асосгузори сулҳу ваҳдати милли, Пешвои миллат, Президенти кишвар Эмомалӣ Раҳмон Раиси вилояти Суғд ва Раиси шаҳри Хуҷанд баргузор гардид. Дар оғоз Раиси шаҳри Хуҷанд Шарифзода Шариф Файз меҳмононро ба собиқадорони ҷанг муаррифӣ намуда, барои онҳо таманниёти неку самимии хешро расонд.
Муовини вазири маориф ва илми ҷумҳурӣ Бозорали Одиназода ин мардони қаҳрамонро аз номи Пешвои миллат,Президенти Ҷумҳурии Тоҷикистон Эмомалӣ Раҳмон табрик намуда, изҳори умедворӣ намуд,ки имсолу солҳои минбаъда садри маҳфилҳои ҷашнии мардуми шарифи кишвар хоҳанд буд.

Муфассал... Шарҳ додан

Машқи пагоҳӣ дар маркази шаҳр гузаронида шуд

30 Апрел 2016

Бо мақсади иҷроиши дастуру супоришҳои Пешвои миллат, Президенти Ҷумҳурии Тоҷикистон Эмомалӣ Раҳмон доири тарғиби тарзи ҳаёти солим ва нақша-чорабиниҳои Бахши ҷавонон варзиш ва сайёҳии шаҳри Хуҷанд, ҳар ҳафта рӯзи шанбе дар маркази вилоят дар ҷойҳои ҷамъиятӣ бо иштироки хоҳишмандон ҷавонону наврасон машқи пагоҳӣ баргузор мегардад.
Имрӯз низ таҳти роҳбарии мураббиёни муассисаҳои таълимию варзишии шаҳр дар саҳни ҳавлии Маркази ҷавонон ба номи Лоиқ Шералӣ бо ширкати бештар аз 150 нафар сокинони шаҳр машқи пагоҳи баргузор гардид.
Давоми наздик як соат ба иштирокдорони ин чорабинии варзишӣ мураббиён бобати тартибу қоидаҳои машқу обутоби бадан маълумот дода, якҷоя чанд намуди машқи варзишӣ иҷро намуданд.