АсосӣБойгонӣ

Навгонӣ

Раиси шаҳри Хуҷанд мушкилоти сокинони маҳаллаи «Чорчароғ»-ро ҳал менамояд.

(1 овоз, миёна 5.00 аз 5)

24 Сентябр 2014

Дар асоси дастуру супоришҳои Президенти Ҷумҳурии Тоҷикистон Эмомалӣ Раҳмон ва нақшаи таҳиянамудани Мақомоти иҷроияи ҳокимияти давлатии шаҳри Хуҷанд мулоқоту вохуриҳои Раиси шаҳри Хуҷанд Раҷаббой Аҳмадзода бо сокинони маҳаллаҳо ҳафтае ду маротиба гузаронида шуда истодааст.
Вохурии навбатӣ ин навбат бо сокинони маҳаллаи «Чорчароғ» дар мактаби таҳсилоти умумии № 20 баргузор гардид. Теъдоди аҳолӣ дар маҳаллаи мазкур 8312 нафар буда, дар ҳудуди он чанд таълимгоҳҳои умумӣ ва томактабӣ, нуқтаҳои хизматрасонӣ ва савдо ва ғайра ҷойгиранд.
Раиси шаҳри Хуҷанд ба ҳозирон бобати рушди соҳаҳои гуногуни хоҷагии халқи маркази вилоят маълумот дода қайд намуд,ки ҳоло тибқи нақшаи барномаи «Роҳҳои обод» 40 км роҳҳо таъмири ҷорӣ ва 35 км роҳ аз таъмири куллӣ бароварда шуданд.

Муфассал... Шарҳ додан

Таҷлили пуршукӯҳи Рӯзи Рӯдакӣ ва ҷашни Абдураҳмон Ҷомӣ дар Хуҷанд.

23 Сентябр 2014

Шоми дирӯз бахшида ба Рӯзи Рӯдакӣ ва 600 солагии Абдураҳмон Ҷомӣ назди муҷассамаи Абӯабдуллоҳ Рӯдакӣ чорабании адабӣ фарҳангӣ бо иштироки ходимону илму фарҳанг ва зиёиёни маркази вилоят баргузор гардид.
Дар оғоз муовини аввали Раиси вилояти Суғд Ҷумъабой Сангинов ва Раиси шаҳри Хуҷанд Раҷаббой Аҳмадзода дар пояи ҳайкали Абӯабдулло Рӯдакӣ сабади гул гузошта ҳозиринро бо ин рӯзи маърифату фарҳанг табрик намуданд.
Муовини аввали Раиси вилояти Суғд Ҷумъабой Сангинов номаи табрикоти Раиси вилояти Суғд Абдураҳмон Қодириро ба самъи ҳозирон расонд.
Дар суханронии худ Раиси шаҳри Хуҷанд Раҷаббой Аҳмадзода доири аҳамияти шеър ва осори адабии Рӯдакӣ ва Абдураҳмон Ҷомӣ аз ҷумла зикр намуд:

Муфассал... Шарҳ додан

Намоиш-фурӯши маҳсулоти кишварзӣ тибқи дастури Раиси шаҳри Хуҷанд.

20 Сентябр 2014

Чанде пеш ҳангоми аёдати чанде аз сокинони шаҳри Хуҷанд аз ҷониби Раиси шаҳри Хуҷанд Раҷаббой Аҳмадзода, аз ҷониби онҳо дархост шуда буд, ки анъанаи ташкили ярмарка-фурӯши маҳсулоти кишоварзӣ дар шаҳри Хуҷанд идома дода шавад. Тибқи дастури Раиси шаҳри Хуҷанд субҳи имрӯз дар майдони «Ситораҳои Хуҷанд» ярмарка-фрӯши маҳсулоти кишоварзӣ ташкил карда шуд. Деҳқонону фурӯшандагони маҳсулоти ниёзи аввала аз қабили биринҷу картошка, сабзӣ, помидору боимҷон, гӯшт, асал, харбузаю тарбуз, ва дигар маводи худро манзур намуданд. Дар ярмарка-фрӯш асосан деҳқонони хоҷагиҳои атрофи маркази вилоят иштирок намуда, ба онҳо имкон дода шуд, ки маҳсули меҳнати худро бевосита ба харидорон пешниҳод намоянд. Ин тадбир имкон дод, ки маҳсулоти номбурда барои тамоми табақаҳои иҷтимоӣ бо нарҳои мувофиқ дастрас шавад.

Муфассал... Шарҳ додан

Табрикоти Раиси шаҳри Хуҷанд Раҷаббой Аҳмадзода бахшида ба Рӯзи Рӯдакӣ

20 Сентябр 2014

Бузургдошти ҳунар ва осори бунёдгузори адабиёти классикии тоҷику форс Абӯабдуллоҳи Рӯдакӣ дар шумори муҳимтарин тадбирҳое маҳсуб мешавад, ки аз сиёсати пешгирифтаи Президенти Ҷумҳурии Тоҷикистон, Ҷаноби Олӣ, Эмомалӣ Раҳмон дар мавриди гиромӣ доштани ёди чеҳраҳои беназири адаби ҷомеаи мо маншаъ гирифтааст. Ва соли 12-ум аст, ки дар айёми беҳтарини сол-22-юми сентябр Рӯзи Рӯдакӣ тантана ва таҷлил мегардад.
Ашъори Абӯабдуллоҳи Рӯдакӣ хазинаи гаронмояи адабиёт аст. Шеър барои Рӯдаки василаест, ки нигоҳ, ақидаҳои сиёсиву иҷтимоӣ ва фалсафии ӯро аз дидгоҳи ғайримуқаррарӣ ифода мекунад. Хулосаи муҳаққиқони соҳа он аст, ки решаи шеъри Рӯдакӣ то замонҳои қабл аз ислом, то Авасто рафта мерасад, ки ин аз ҷаҳонбинӣ ва афкору пиндори фарохи шоир шаҳодат медиҳад.

Муфассал... Шарҳ додан

Ҷавондухтарон «Озмуни атлас ва адрас» доир намуданд.

(2 овоз, миёна 4.00 аз 5)

20 Сентябр 2014

Дар ташкилоту муассисаҳои фарҳангӣ ва илмию маърифатии шаҳри Хуҷанд тибқи дастури Раиси шаҳри Хуҷанд Раҷаббой Аҳмадзода чорабиниҳои оммавӣ барои тарғиби либосҳои миллӣ ва мардумӣ, бедор намудани шавқи ҷавондухтарону наврасон ба суннатҳои маҳаллӣ доир гашта истодааст.
Хатмкунандагони мактаби миёнаи № 26-и ба номи Пулод Толис дар шаҳри Хуҷанд «Иди атлас ва адрас»-ро таври озмун доир намуданд.
Хонандагони синфҳои болоӣ аз рӯи 6 шарти озмун аз қабили саломнома, намоиши либосҳои миллӣ, буридани угро маърӯза дар мавзӯи пайдоиши атлас, маҳорати сурудхонӣ, ороиш ва бофтани мӯй дар назди ҳакамон баромад намуданд. Онхо ба ду гуруҳ тақсим шуда, шартҳои озмунро ичро намуданд.
Дар чорабинии мазкур ба ҷузъ аз устодону хонандагони мактаб собиқадори меҳнат, бофандаи коргоҳи «Хуҷандатлас» Улфатнисо Абдукаҳҳорова иштирок намуд.