АсосӣБойгонӣ

Навгонӣ

Раиси шаҳри Хуҷанд дархости 53 нафар сокинонро баррасӣ намуд.

17 Январ 2015

Имрӯз тибқи нақшаи Мақомоти иҷроияи ҳокимияти давлатии шаҳри Хуҷанд Раҷаббой Аҳмадзода сокинони маркази вилоятро бо масалаҳои мухталифи ҳалталабашон қабул намуд.
Дар қабули шаҳрвандон ҳамчунин роҳбарони воҳидҳои сохторӣ, мутасаддиёни шӯъбаҳои тандурустӣ, ҳифзи иҷтимоӣ, раисони кумитаҳои маҳаллаҳои шаҳр низ иштирок намуданд. Вобаста ба масъалаи қитъаи замини наздиҳавлигӣ 14 нафар, таъмини хобгоҳ 6 нафар, барои расондани кӯмак ба сохтмони манзил ва гирифтани кӯмаки яквақтаи ройгон 7 нафар, муроҷиат намуданд.Ҳамчунин чанде аз шаҳрвандон ба Раиси шаҳри Хуҷанд Раҷаббой Аҳмадзода доири баҳси манзил, кӯмак барои харидории доруворӣ ва табобат, мусоидат барои сафари ҳаҷ низ муроҷиат намуданд.

Муфассал... Шарҳ додан

Ниҳолшинонӣ дар шаҳри Хуҷанд бо иштироки Раиси вилоят.

17 Январ 2015

Дар маркази вилоят тибқи нақшаи омоданамудаи Мақомоти иҷроияи ҳокимияти давлатии шаҳри Хуҷанд маъракаи ниҳолшинонӣ бо вусъат идома дорад.
Яке аз мавзеҳое, ки бояд азнавсозӣ шуда тарҳи дигар гирад ин майдони шафати роҳи кӯпруки асосии шаҳр аст. Давоми ду ҳафтаи охир кормандони идораи хоҷагии манзилию коммуналӣ ин мавзеро аз дарахту буттаҳои хушкида тоза намуда, барои шинондани ниҳолҳои нави ҳамешасабз омода намуданд.
Раиси вилояти Суғд Абдураҳмон Қодирӣ ва Раиси шаҳри Хуҷанд Раҷаббой Аҳмадзода бо мақсади иштирок дар маъракаи ниҳолшинонӣ ба мавзеи номбурда омаданд.
Раиси шаҳри Хуҷанд Раҷаббой Аҳмадзода Раиси вилояти Суғдро бо нақшаи азнавсозии ин ҷо ошно намуда таъкид намуд, ки давоми як моҳ корҳои ниҳолшинонӣ, панҷарагирӣ ва сабзу обод гардони он ба анҷом расонда мешавад.

Муфассал... Шарҳ додан

Чойхонаи миллӣ дар маркази шаҳр сохта мешавад.

15 Январ 2015

Имрӯз Раиси шаҳри Хуҷанд Раҷаббой Аҳмадзода бо мақсади ошноӣ бо корҳои сохтмонӣ, таҷдид ва азнавсозию ободонӣ бахшида ба пешвози Наврӯзи ҷаҳонӣ аз чанд минтақаҳои шаҳр дидан намуд.
Сараввал Раҷаббой Аҳмадзода аз вазъи кунунии майдону гулгаштҳои Қасри ҷавонон ба номи Лоиқ Шералӣ ошно шуда, бо масъулини шӯъбаи меъморӣ шаҳрсозӣ, сарраёсати ободонӣ, идораи роҳсозӣ ва ширкатҳою соҳибкорони маҳаллӣ бобати оғози корҳои ободонӣ ва азнавсозӣ дастуру супоришҳо дод. Соҳибкорони маҳаллӣ ба Раиси шаҳри Хуҷанд лоиҳаи гулзоркунии роҳрав ва майдонҳои назди Қасри ҷавонон, ба тариб даровардани дарахтон ва шинондани ниҳолҳои ҳамешасабзро пешниҳод намуданд. Ҳамчунин аз ҷониби соҳибкори маҳаллӣ дар шафати муассисаи номбурда бунёди чойхонаи миллӣ бо тарҳу усули замонавӣ сохта хоҳад шуд.

Муфассал... Шарҳ додан

Мулоқоти Раиси шаҳр бо сокинони маҳаллаи «Масҷиди савр»

16 Январ 2015

Раиси шаҳри Хуҷанд Раҷаббой Аҳмадзода тибқи нақшаи кории худ бо сокинони маҳаллаи «Масҷиди савр» мулоқот намуд.
Зимни вохӯрӣ Раиси шаҳри Хуҷанд доири натиҷаҳои шаҳр дар соли сипаришуда ҳарф зада, қайд намуд, ки соли гузашта дар корхонаҳои шаҳр ба ҳаҷми 490 миллион сомонӣ маҳсулот истеҳсол шудааст, ки ин нисбати соли 2014 81млн сомонӣ зиёд аст.
Теъдоди корхонаҳои хурду миёна бошад 46 адад зиёд шуда, рушди соҳибкориро дар шаҳр таъмин намуданд. Музди маош бошад ба ҳисоби миёна 974 сомониро ташкил дод, ки ин нисбати соли рафта 15% зиёд аст.
Дар ҳамин замина 12 ҳазор нафар шахсони эҳтиёҷманд аз кӯмаки яквақтаи Мақомоти иҷроияи ҳокимияти давлатии шаҳри Хуҷанд бархурдор гашта, 300 нафар кӯдакон аз оилаиҳои қишри камбизоат бо кӯмаки макомоти шаҳрӣ хатнатӯйи онҳо гузаронида шуд.

Муфассал... Шарҳ додан

Рӯзи қабул чанде аз шаҳвандон мушкилоти худро ҳал карданд.

14 Январ 2015

Дар интиҳои ҳар ҳафта рӯзи шанбе Раиси шаҳри Хуҷанд Раҷаббой Аҳмадзода сокинонро қабул менамояд.
Рӯзи шанбеи сипаришуда низ дар Мақомоти иҷроияи ҳокимияти давлатии шаҳри Хуҷанд рӯзи қабули шаҳрвандон тариқи «Равзанаи ягона» сурат гирифта Раиси шаҳри Хуҷанд Раҷаббой Аҳмадзода ва роҳбарони воҳидҳои сохторӣ шаҳрвандонро бо мушкилоту дархостҳои ҳалталаби онҳо қабул намуд.
Дар ин рӯз 45 нафар сокинон доири масалаҳои ҷудо намудани қитъаи замини наздиҳавлигӣ, дархости кӯмаки молӣ ва моддӣ, расондани кӯмак барои таъмири манзили истиқоматӣ ва ғайра муроҷиат намуданд.
Аз ҷумла ба сокини шаҳри Хуҷанд Саодат Яҳёева барои беҳтар намудани вазъи иҷтимоӣ кӯмакпулӣ дода шуд.