АсосӣБойгонӣ

Навгонӣ

Консерти меҳмонони бадахшонӣ

25 Август 2017

Ҳафтаи фарҳангии ВМКБ дар вилояти Суғдро консерти аҳли фарҳанги меҳмонон шукуҳи дигар бахшид. Он дар Амфитеатри Қасри Арбоб доир шуда, мушовири бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Олуфта Бодурӣ, Раиси вилояти Суғд Абдураҳмон Қодирӣ, Раиси Вилояти Мухтори Куҳистони Бадахшон Шодихон Ҷамшед иштирокдори ин консерт буданд.
Сароғоз Раиси вилояти Суғд Абдураҳмон Қодирӣ сухан карда, ташрифи меҳмонони баландмақомро ба вилояти Суғд хайрамақдам гуфт. Зикр кард, ки туфайли сиёсати ваҳдат-парваронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон мардуми сулҳхоҳу фарҳангдӯсти минтақаҳои гуногуни ҷумҳурӣ бо ҳам аҳлу тифоқ мегарданд ва бо баргузории Рӯзҳои фарҳангӣ ба вилоятҳои ҳамдигар ташриф оварда, аз урфу одат ва анъанаву фарҳанги якдигар огоҳ мешаванд.

Муфассал... Шарҳ додан

Ғолибони Фестивал – озмуни “Оши палав” муайян ва бо туҳфаҳо қадршиносӣ шуданд

25 Август 2017

Санаи 24 августи соли 2017 дар Маҷмааи таърихию фарҳангии “Қалъаи Хуҷанд”-и маркази вилоят бо мақсади ташвиқу тарғиби фарҳанги рӯзгордорӣ, эҳё ва рушди анъана ва суннатҳои мардумӣ ва дар доираи чорабиниҳо бахшида ба 26-солагии Истиқлолияти давлатии Ҷумҳурии Тоҷикистон Фестивал – озмуни “Оши палав” баргузор гардид.
Раиси вилояти Суғд Абдураҳмон Қодирӣ ва Раиси Вилояти Мухтори Куҳистони Бадахшон Шодихон Ҷамшед пас аз анҷоми намоишгоҳи маҳсулоти кишоварзиву саноатӣ, ҳунарҳои мардумӣ, либосворӣ, асбобҳои мусиқӣ ва таомҳои миллии мардуми ВМКБ ба макони баргузории Фестивал – озмуни “Оши палав” омода, бо ҷараёни омодасозии Оши палави иштирокчиёни ҷашнвора шинос гардиданд.

Муфассал... Шарҳ додан

Баргузории намоишгоҳи маҳсулоти кишоварзӣ, саноатӣ, ҳунарҳои мардумӣ ва таомҳои миллии мардуми ВМКБ

25 Август 2017

Санаи 24 августи соли 2017 дар доираи Ҳафтаи фарҳанги Вилояти Мухтори Куҳистони Бадахшон дар вилояти Суғд дар Маҷмааи таърихию фарҳангии “Қалъаи Хуҷанд” намоиши маҳсулоти кишоварзиву саноатӣ, ҳунарҳои мардумӣ, либосворӣ, асбобҳои мусиқӣ ва таомҳои миллии мардуми ВМКБ баргузор шуд.
Мушовири бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Олуфта Бодурӣ, Раиси вилояти Суғд Абдураҳмон Қодирӣ, Раиси Вилояти Мухтори Куҳистони Бадахшон Шодихон Ҷамшед ва сокинону меҳмонони зиёди вилоят аз намоишгоҳи мазкур боздид намуданд.
Роҳбарони вилоятҳои Суғду ВМКБ аз намоишгоҳи мазкур боздид намуда, бо маҳсули дастони пурэъҷози сокинони Бадахшон аз наздик ошно гардиданд.

Муфассал... Шарҳ додан

Баргузории намоишгоҳи маҳсулоти кишоварзӣ, саноатӣ, ҳунарҳои мардумӣ ва таомҳои миллии мардуми ВМКБ

25 Август 2017

Муфассал... Шарҳ додан

Боздиди роҳбарияти ВМКБ аз Маҷмааи таърихию фарҳангии “Истиқлол” ва Минтақаи озоди иқтисодии “Суғд”

24 Август 2017

Санаи 23 августи соли 2017 меҳмонони ВМКБ бо роҳбарии раиси ин вилоят Шодихон Ҷамшед дар идомаи сафар ба вилояти Суғд дар пояи муҷассамаи Шоҳ Исмоили Сомонӣ гул гузоштанд.
Ёдовар мешавем, ки пайкараи бошукӯҳи асосгузори давлати бузурги тоҷикон шоҳ Исмоили Сомонӣ соли 2011 дар шаҳри Хуҷанд, дар соҳили рости Сирдарё ба истиқболи 20 - умин солгарди Истиқлолияти давлатии Тоҷикистон бо иштироки Пешвои миллат Эмомалӣ Раҳмон ифтитоҳ ёфта буд.
Ҳайати меҳмонон инчунин аз тамошои Маҷмааи таърихию фарҳангии “Истиқлол” таассуроти хотирмон бардоштанд. Ин маҷмааи бошукуҳ соли гузашта бо иштироки Пешвои миллат дар ҷашни 25 - солагии Истиқлолияти давлатӣ ба фаъолият оғоз намуда, имрӯз ба макони дӯстдоштаи сокинону меҳмонони маркази вилоят табдил ёфтааст.