АсосӣБойгонӣ

Навгонӣ

Ободкорони Хуҷанд рӯзи касбии худро таҷлил намуданд

06 Июн 2017

Ҳамасола якшанбеи аввали моҳи июн чун рӯзи кормандони хоҷагии манзилию коммуналӣ таҷлил карда мешавад. Ба ин муносибат дар маҷлисгоҳи Мақомоти иҷроияи ҳокмияти давлатии шаҳри Хуҷанд бо иштироки муовини аввали Раиси шаҳри Хуҷанд Хайрулло Ғайбуллозода маҷлиси тантанавӣ баргузор гардид.
Хайрулло Ғайбуллозода табрикоти Раиси шаҳри Хуҷанд Маъруф Муҳаммадзодаро ба самъи ҳозирон расонда, доири саҳми арзандаи кормандони соҳа дар корҳоиободонӣ сабзкорӣ ва зебо гаштани маркази вилоят қаноатмандии мақомоти шаҳрдориро таъкид намуд.
Дар лаҳзаи тантанавӣ ба 15 нафар кормандони фаъол ва собиқадорони соҳа Сипоснома ва тӯҳфаҳои хотиравии Раиси шаҳри Хуҷанд супорида шуд. Ҳамчунин ба 32 нафар кормандони хоҷагию манзилӣ ва коммуналии шаҳр тӯҳфаҳои хотиравии Иттифоқҳои касабаи Сарраёсати ободонӣ хоҷагию манзилӣ ва коммуналии шаҳри Хуҷанд тақдим гардид.

Муфассал... Шарҳ додан

Озмуни «Об манбаи ҳаёт»: муаррифии истеъдод ва ҳунари донишҷӯён

05 Июн 2017

Саҳни факултети муҳандисӣ-технологӣ идона оро дода шуда, расмҳои кашида, либосҳои дӯхта ва лоиҳаҳои меъмории донишҷӯён бинандаро ба худ ҷалб мекард. Хосса, либосҳои дӯхта рангҳои кабуду гулобӣ доштанду ҳар яке дар худ аз хосиятҳои зебоии об дарак медод. Нақшаҳои лоиҳавии фаввораҳо, ҳавзҳои дохилиҳавлигӣ далолат аз зебопарастии донишҷӯён медод. Расмҳои кашида зебогиҳои диёри афсонавии Тоҷикистонро дар худ таҷассум мекард.
Ба муносибати қабули қатъномаи маҷмааи умумии СММ “Даҳсолаи байналмилалии амал “Об барои рушди устувор” солҳои 2018-2028 ва эълон шудани соли 2017- Соли ҷавонон бо иқдоми кафедраи дизайн ва меъморӣ дар факултети муҳандисӣ-технологӣ намоиши корҳои эҷодии донишҷӯёни факултет дар мавзӯи «Об манбаи ҳаёт» доир гардид. Ҳамчунин чеварону тарроҳони гулдасти факултет бо баргузории як намоиш-подиум либосҳои дӯхтаи худро ба тамошобинон пешкаш намуданд.

Муфассал... Шарҳ додан

Табрикоти Раиси шаҳри Хуҷанд ба муносибати Рӯзи кормандони савдо, хизматрасонии маишӣ ва хоҷагии манзилию коммуналӣ

01 Июн 2017

Табрикоти Раиси шаҳри Хуҷанд ба муносибати Рӯзи кормандони савдо, хизматрасонии маишӣ ва хоҷагии манзилию коммуналӣ Кормандони соҳаи савдо, муассисаҳои хизмати маишӣ, хоҷагии манзилию коммуналиро аз номи мақомоти иҷроияи ҳокимияти давлатии шаҳр бо фарорасии иди касбиашон сидқан муборакбод менамоям.
Ободонӣ ва сарсабзу хуррам гардонидани диёрамон, таъмини беҳбуди рӯзгори мардум ва болида сохтани рӯҳияи онҳо ба сатҳу сифати хизматрасонии кормандони соҳаи манзилию коммуналӣ вобастагии калон дорад. Самтҳои фаъолияти соҳаи манзилию коммуналӣ асосан барои ободонию сабзкорӣ, бунёдкорию созандагӣ, чарощонкунию гулкорӣ, таъмини тозагию озодагии ҳудуди шаҳр, нигоҳдории бехалали фонди манзил, аз ҷумла, таъмири биноҳои истиқоматӣ ва роҳҳои автомобилгарду пиёдагард нигаронида шудааст. Маҳз ба шарофати хизматҳои назарраси кормандони соҳа шаҳри азизамон рӯз аз рӯз ободу зебо мешавад.

Муфассал... Шарҳ додан

Табрикоти Раиси шаҳри Хуҷанд ба муносибати таҷлили Рӯзи умумиҷаҳонии ҳифзи муҳити зист

01 Июн 2017

Табрикоти Раиси шаҳри Хуҷанд ба муносибати таҷлили Рӯзи умумиҷаҳонии ҳифзи муҳити зист Ҳамшаҳриёни азиз!
Кормандони ҳифзи муҳити зист!
Шуморо ба муносибати Рӯзи умумиҷаҳонии ҳифзи муҳити зист аз номи мақомоти иҷроияи ҳокимияти давлатии шаҳри Хуҷанд табрику муборакбод гуфта, ба Шумоён пирӯзиву бурдборӣ, зиндагии шоиставу пурнишотро таманно дорам.
Баргузории Рӯзи умумиҷаҳонии ҳифзи муҳити зист барои хушдор додани ҷомеа аз муаммоҳои экологӣ имконият фароҳам меоварад, зеро сол аз сол таназзулёбии табиат, хароб шудани вазъи муҳити зист дар сайёра ба мушоҳида мерасад.
Боварӣ дорем, ки Шумо-кормандони ҳифзи муҳити зист фаъолияти хешро баҳри пурзӯр намудани назорати давлатӣ дар самти беҳдошти муҳити зист ва оқилона истифода намудани сарватҳои табиӣ бо назардошти қарору супоришҳои Ҳукумати Ҷумҳурии Тоҷикистон таҳким мебахшед.

Муфассал... Шарҳ додан

Таҷлили Иди кӯдакон дар шаҳри Хуҷанд

01 Июн 2017

Санаи 1 июни соли 2017 дар Маҷмааи таърихию фарҳангии «Қалъаи Хуҷанд» -и маркази вилоят бахшида ба Рӯзи байналмилалии ҳифзи кӯдакон бо иштироки Раиси вилояти Суғд Абдураҳмон Қодирӣ ва Раиси шаҳри Хуҷанд Маъруф Муҳаммадзода чорабинии идона баргузор шуд.
Дар чорабинии калони идона тарбиятгирандагони муассисаҳои иҷтимоӣ, ятимони кулл, ғолибони олимпиадаҳои фаннӣ, байналмилалӣ, фосилавӣ, ғолибони сессияи Акадмияи хурди илмҳо, ғолибон ва иштирокчиёни як қатор озмунҳо, кӯдакон аз шаҳру ноҳияҳои вилоят, дар маҷмӯъ беш аз 4 ҳазор нафар кӯдакон иштирок намуданд.
Раиси вилоят Абдураҳмон Қодирӣ иштирокдорони чорабинии идона ва дар симои онҳо кулли кӯдакони вилоятро бахшида ба Рӯзи байналмилалии ҳифзи кӯдакон табрик намуд.