АсосӣБойгонӣ

Навгонӣ

Хонандагони мактаби № 5 ғолиби озмуни «Мо кӯдакони хушбахти замон»

29 Май 2015

Бахшида ба Рӯзи муҳофизати кӯдакон дар маркази вилоят баргузории чорабиниҳо оғоз ёфт. Чорабинии мазкур дар асоси накша-чорабинии шӯъбаи маориф ва комиссияи ҳимояи ҳуқуқи кӯдаки Мақомоти иҷроияи ҳокимияти давлатии шаҳри Хуҷанд доир гардид.
Субҳи имрӯз дар майдони «Ситораҳои Хуҷанд» озмуни расмкашӣ дар рӯи мумфарш байни мактабиёни шаҳри Хуҷанд оғоз ёфт.
Иштирокчиёни озмун 20 нафар хонандагони синфҳои аз панҷум то даҳум буда, онҳо чун ғолибони даври якум, ки дар мактабҳои шаҳр доир гашта дар давраи дуюм он, ки байни мактабҳо баргузор гардид, иштирок намуданд.
Озмун ба мавзӯи «Мо кӯдакони хушбахти замон» бахшида шуда, иштирокдорони ин озмуни эҷодӣ беш аз 25 расмҳои дар рӯйи мумфарш кашидаи худро манзури ҳакамон намуданд.

Муфассал... Шарҳ додан

Ободии кӯчаҳо ободии шаҳр аст.

(2 овоз, миёна 5.00 аз 5)

28 Май 2015

Ободии кӯчаю хиёбонҳо ва кӯчаҳои маҳаллаҳои маркази вилоят рӯз аз рӯз ободу зебо мегардад.
Имрӯз дар кӯчаи ба номи К. Калинников мумфаршкунии кӯча оғоз гардид.
Раиси шаҳри Хуҷанд Раҷаббой Аҳмадзода дар оғози корҳои мумфаршкунии ин кӯча шахсан ширкат намуда, бо фаъолон ва кормандони ташкилоту муассисаҳое,ки дар кӯчаи мазкур қарор доранд мулоқот намуд.
«Тамоми корҳои ободонӣ дар маркази вилоят маҳз дар асоси супориши Президенти Ҷумҳурии Тоҷикистон, Ҷаноби Олӣ, мӯҳтарам Эмомалӣ Раҳмон ва дастури Раиси вилояти Суғд мӯҳтарам Абдураҳмон Қодирӣ амалӣ мегардад.
То имрӯз 6 километри роҳ пурра мумфарш гардида, 19 километри он аз таъмири ҷорӣ бароварда шудааст.

Муфассал... Шарҳ додан

Таъмири Маркази «Ёрии таъҷилии тиббӣ» идома дорад.

(2 овоз, миёна 5.00 аз 5)

27 Май 2015

Чуноне, ки қаблан иттилоъ дода будем, баъди боздиди корӣ аз вазъи фаъолияти имрӯзаи маркази «Ёрии таъҷилии тиббӣ» аз ҷониби Раиси шаҳри Хуҷанд Раҷаббой Аҳмадзода, таъмир ва азнавсозии ин марказ, ки дар ҳудуди Беморхонаи шаҳрии № 2- ҷойгир аст, оғоз гардид.
То имрӯз қисмати асосии корҳо аз қабили бомпӯш намудани бинои марказ, азнавсозии ноқилҳои барқӣ, қумпӯш намудани деворҳо ва ғайраро ба анҷом расида, таъмигарон ният доранд дар мӯҳлати муқарраргардида корҳои таъмирро бо сифат ба анҷом расонанд.
Маблағи умумии корҳои таъмир 200 ҳазор сомониро ташкил дода, то имрӯз 60 фоизи маблағи пешбинишуда аз худ карда шудааст.

Шарҳ додан

Раиси шаҳр сарҳадбононро табрик намуд.

(2 овоз, миёна 5.00 аз 5)

28 Май 2015

Афсарону сарбозон ва хизматчиёни ҳарбии қисми низомии 9829 бахшида ба рӯзи таъсисёбии Қӯшунҳои сарҳадбонии Кумитаи давлатии амнияти миллии Ҷумҳурии Тоҷикистон чорабинии идонаи пуршукӯҳ баргузор намуданд.
Дар таҷлили ин иди сарҳадбонон, ки бо иштироки васеи сохтори марбута, собиқадорон, ҷанговарони байналмиллал ва ҷавонписарони мактабҳои шаҳр доир гашт, Раиси шаҳри Хуҷанд Раҷаббой Аҳмадзода ширкат намуд.
Дар суханронии ифтитоҳии худ сардори Сарраёсати Қӯшунҳои сарҳадии КДАМ дар вилояти Суғд Ҳикматулло Пираков хозиронро бо ин рӯзи хотирмон табрик намуд.
Раиси шаҳри Хуҷанд Раҷаббой Аҳмадзода тамоми ҳомиёни марзу сарҳади кишварро бо рӯзи таъсисёбии ин ниҳоди муҳими қудрати давлатӣ табрик намуда, изҳори боварӣ намуд,ки он вазифаю масъулияте,ки имрӯз давлату ҳукумат дар онҳо гузоштааст, бо сарбаландӣ ба ҷо хоҳанд овард.

Муфассал... Шарҳ додан

Табрикоти Раиси шаҳри Хуҷанд Раҷаббой Аҳмадзода ба муносибати таҷлили Рӯзи қӯшунҳои сарҳадӣ

(1 овоз, миёна 5.00 аз 5)

27 Май 2015

Афсарону ҳимоятгарони марзу буми Ватан!
Мӯҳтарам собиқадорони Қӯшунҳои сарҳадӣ!
Ҳамаи шуморо ба муносибати 21-умин солгарди таъсисёбии Қӯшунҳои сарҳадии Кумитаи давлатии амнияти миллии Ҷумҳурии Тоҷикистони соҳибистиқлол самимона табрик гуфта, бароятон дар иҷрои вазифаи муқаддасу пуршараф - ҳифзи марзу буми Ватан, ҳимояи манфиатҳои давлат, таҳкими дастовардҳои истиқлолият ва мустаҳкам намудани иқтидори мудофиавии мамлакат комёбиҳо орзу менамоям.
Амнияти ҳар халқу давлат аз ҳимояи марзу буми он вобаста аст. Аз ин рӯ, дар ҳама давру замон ба ҳифзи сарҳадот таваҷҷӯҳи хоса зоҳир мекарданд. Пас аз расидан ба соҳибистиқлолӣ зарурияти дар ҷумҳурӣ таъсис додани Қувваҳои марзбонӣ ба миён омад.