АсосӣБойгонӣ

Навгонӣ

Дастоварди толибилмони шаҳри Хуҷанд дар сессияи Академияи хурди илмҳо

07 Май 2016

Дар шаҳри Конибодом сессияи вилоятии Академияи хурди илмҳо аз рӯи 15 бахш: рӯзноманигорӣ, адабиёти тоҷик, забони тоҷикӣ, забони русӣ, адабиёти рус, забони англисӣ, таърих, ҳуқуқ, математика, физика, астрофизика, химия, биология, экология, педагогика-психология, тиб баргузор гардид. Дар ин озмун 30 нафар ғолибони сессияи Академияи хурди илмҳо аз шаҳри Хуҷанд иштирок намуданд. Мавриди зикр аст, ки толибилмони мактабҳои шаҳри Хуҷанд сазовори 11ҷойи аввал, 6 нафар ҷойи дуюм ва 3 нафар ҷойи сеюм гардиданд. Ҳамчунин барои иштиороки фаъолона 8 нафар ба ифтихорнома мушарраф гаштанд.
Аз ҷумла, Зарифа Абдуғаффорова аз литсейи ДДҲБСТ, Шоҳина Осимова ва Зарнигор Юлдошева аз гимназияи №4, Фарангис Аҳророва аз м.х. «Паймони азизон», Муҳаммад Ҳакимов аз гимназияи №13, Муродӣ Муслиҳиддин аз м.х. «Гулчини маърифат», Нигина Урмонҷонова аз мтму №15, Таманно Яҳёева аз мтму №19, Нигина Абдуллоева аз гимназияи «Кавсар», Меҳрубон Аҳроров аз мтму №31 ва Мавзуна Комилова аз мтму №14 соҳиби мақоми аввал гардиданд.

Муфассал... Шарҳ додан

Маҳфили “Хушдилон ва ҳозирҷавобон-дарёфти чеҳраҳои нав

07 Май 2016

Бо мақсади дарёфти чеҳраҳои нави ҷавонони эҷодкор ва ба ин васила мустаҳкам намудани дӯстиву рафоқат байни мактабиён бори нахуст бо дастгирии Раёсати маорифи вилояти Суғд ва иқдоми Маркази таҳсилоти иловагии вилоят даври аввали озмуни вилоятии «Хушдилон ва ҳозирҷавобон» миёни мактабиён доир гардид. Он дар муассисаи давлатии Маркази ҷавонони ба номи Лоиқ Шералии шаҳри Хуҷанд сурат гирифта, дар озмун дастаҳо аз мактабҳои шаҳру ноҳияҳои Хуҷанд, Бӯстон, Бобоҷон Ғафуров, Спитамен тибқи низомномаи баргузории озмун дар се бахш- “Муаррифӣ ё саломнома”, “Саволнома” ва “Вазифаи хонагӣ” байни ҳам қувваозмоӣ намуданд. Бояд гуфт, ки толибилмон маҳорати баланди ҳунарварӣ, сурудхонӣ ва ҳазлу мутоибаҳоро нишон доданд.
Дар ҷамбасти озмун ҷойи якумро бо 14 хол мактаби хусусии ғайридавлатии “Гулчини маърифат”-и шаҳри Хуҷанд ба даст овард.

Муфассал... Шарҳ додан

Табрикоти Раиси шаҳри Хуҷанд ба муносибати 71-солагии Рӯзи Ғалаба дар Ҷанги Бузурги Ватанӣ

06 Май 2016

alt Ҳамдиёрони азиз!
Падарони шуҷою шарафманд!
Фарорасии 71-умин солгарди Ғалаба дар Ҷанги Бузурги Ватаниро барои ҳар яки Шумо муборакбод мегӯям. Ба кулли мардуми диёри офтобиамон осмони софу беғубор, тани сиҳату хотири ҷамъ, ба падарони матину қаҳрамон давлати пирӣ таманно мекунам.
Ҳафтоду як сол муқаддам дар ҳамин гуна рӯзҳои баҳорон хабари маҳви фашизми гитлерӣ, анҷоми музаффаронаи Ҷанги Бузурги Ватанӣ ва муҷдаи Зафар дар рӯи олам танинандоз гардид. Ин ҷанги мудҳиштарин дар таърихи инсоният 1418 шабонарӯз давом карда, дуду оташи он садҳову ҳазорон шаҳру деҳаҳоро ба хок яксон намуда, ҳаёти 27 миллион нафар мардумони шӯравиро ба комаш фурӯ бурд.

Муфассал... Шарҳ додан

Муҳассилини Литсей Тоҷикистонро муаррифӣ менамоянд

07 Май 2016

Толибилмони муассисаи давлатии таълимии «Литсей барои хонандагони болаёқат» дар шаҳри Хуҷанд пайваста дар озмунҳо ва олимпиадаҳои ҷумҳуриявию байналмилалӣ ба гирифтани маыомҳои ифтихорӣ мушарраф мегарданд. Дар Олимпиадаи ҷумҳуриявӣ хонандагони синфи 11-ум Мунзифахон Бобокалоновааз фанни забони англисӣ сазовори ҷойи II (омӯзгор-Рӯзибоев Тоҳир), Муҳиддин Сироҷиддинов аз фанни риёзӣ сазовори ҷойи II(омӯзгор-Ҳикматулло Саидзода) ва Зоҳидов Манучеҳр аз фанни забони русӣ сазовори ҷойи III (омӯзгор-Ҳомидова Гавҳархон) гардиданд.
Моҳи марти соли 2016 дар давлати Тайван Олимпиадаи байналмиллалии “IMAS” аз фанни риёзӣ баргузор гардид, ки дар он зиёда аз 180 нафар хонандагони синфи 7-ум ва 230 нафар хонандагони синфи 8-ум ширкат варзиданд. Хонандаи синфи 8-ум Насим Ҳакимов сазовори ҷойи II, хонандагони синфи 7-ум Донёрбек Абдураҳимов ва Махкамҷон Раупов сазовори ҷойи III-юм (омӯзгор-Тулаганов Салим) гардиданд.

Муфассал... Шарҳ додан

Боздид аз муассисаҳои тиббии шаҳр

05 Май 2016

Раиси шаҳри Хуҷанд Шарифзода Шариф Файз барои огоҳӣ пайдо кардан аз вазъи беморхонаҳову марказҳои саломатии дар шаҳр амалкунанда ба як қатор муассисаҳои тиббӣ омада, бо кормандону табобатгирандагон мулоқот анҷом дод.
Дар Беморхонаи клиникавии сироятии шаҳри Хуxанд Шарифзода Шариф Файзро духтурону ҳамширагони шафқат хуш пазируфтанд. Раиси шаҳр бо кормандони беморхона сeҳбат ороста, оид ба моҳияти эълон шудани «Соли 2016-Соли фарди солим», иҷрои бандҳои Барномаҳои давлатӣ оид ба ҳифзи сиҳатии омма ва ҳамчунин, аз вазъи хизматрасонии тиббӣ ба аҳолӣ сухан кард. Сардухтури беморхона Баҳодур Мӯъминов иттилоъ дод, ки дар беморхонаи мазкур 216 нафар кормандон фаъолият дошта, аз ин шумор 19 духтур, 80 ҳамшираи тиб, 80 корманди миёнаи тиб ва ҳамчунин, кормандони ҳамкор мебошанд. Беморхона дорои 5 шӯъба, шӯъбаи эҳё, қабул ва ташхисгоҳ буда, дар онҳо 270 кати муолиxавӣ гузошта шудааст.