АсосӣБойгонӣ

Навгонӣ

Мусобиқаи бокс байни наврасон оғоз гардид

11 Май 2016

Дар доираи таҷлили Рӯзи ҷавонони Тоҷикистон дар «Қасри варзиш»-шаҳри Хуҷанд мусобиқаи ҷумҳуриявӣ оид ба бокс байни наврасони соли таваллудашон 2000-2004 бахшида ба гиромидошти Устоди варзиши Иттиҳоди шӯравӣ Ӯктам Тошматов оғоз гардид.
Дар расми ифтитоҳи мусобиқа мудири Бахши ҷавонон, варзиш ва сайёҳии шаҳр Бахтиёрҷон Исматҷонов Омири кулли маҷмааи фарҳангии «Қалъаи Хуҷанд» Иброҳим Иброҳимов, сармураббии вилояти Суғд оид ба бокс Баҳром Усмонов, собиқадорону устодони варзиш ва беш аз 500 нафар мухлисони бокс иштирок доштанд.

Муфассал... Шарҳ додан

Ба хонандагон доири туризми дохилӣ маълумот дода шуд

11 Май 2016

Дар доираи чорабиниҳои «20 рӯзи ҷавонӣ» ва бахшида ба таҷлили Рӯзи ҷавонони Тоҷикистон дар шаҳри Хуҷанд таҳти унвони «Ҷавонон-пайрави Пешвои миллат ва муҳофизони дастовардҳои 25 соли Истиқлолияти давлатии Ҷумҳурии Тоҷикистон!» ва тибқи дастури Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон баҳри огоҳонидани мафҳум ва моҳияти соҳаи туризм, рушди туризми дохилӣ аз ҷумла туризми мактабӣ силсила презентатсияҳо дар муассисаҳои таҳсилоти миёнаи умумӣ, Литсей ва Гимназияиҳои шаҳри Хуҷанд аз санаи 13 майи соли равон оғоз гардид.
Презентатсия дар ҳамкорӣ бо ширкати сайёҳии «Согдинана трейд» доир гардида, мақсад аз он интихоби дурусти касб ва дарёфти роҳбаладони ҷавон мебошад.
Нахустин презентатсия дар гимназияи №4 баргузор гардид, ки дар он беш аз 120 нафар ҷавонони синфҳои болоӣ иштирок намуда оид ба туризми дохилӣ ва туризми мактабӣ маълумотҳои муфассал дода шуданд.

Шарҳ додан

Таҷлили Иди Ғалаба дар қисми низомии 3501

09 Май 2016

Бахшида ба 71 –умин солгарди Ғалабаи мардуми шӯравӣ дар ҷанги дуюми ҷаҳонӣ дар маркази вилоят силсилаи чорабиниҳо баргузор мегардад. Дар қисми низомии 3501 Қӯшунҳои Вазорати корҳои дохилии Ҷумҳурии Тоҷикистон чорабинии идона баргузор гардид.
Дар ин чорабинӣ иҷрокунандаи вазифаи Раиси шаҳри Хуҷанд Шарифзода Шариф Файз иштирок намуда тамоми хизматчиёни ҳарбӣ афсарону сарбозони ин қисми низомиро бо Иди Зафар муборакбод намуд.
Баъди қисмати тантанавӣ дар назди иштирокдорони чорабинии идона ҳайати сарбозони ин қисми низомӣ, намунаи муҳорибаи тан ба тан, маҳорати гашти низомӣ қадамзанӣ ва дигар маҳорати ҷангии худро намоиш доданд.
Раиси шаҳри Хуҷанд дар баробари иштирок дар чорабинии идона аз шароити хизмат ва вазъи иҷтимоии сарбозон ошно гардид. Номбурда аз хобгоҳ, ошхона, ҳуҷраҳои дамгирӣ ва маишӣ дидан намуд.

Муфассал... Шарҳ додан

Хонандагон бо ҳаёти сарбозӣ ошно гаштанд.

11 Май 2016

Дар доираи баргузории чорабиниҳои «20 рӯзи ҷавонӣ» ва таҷлили Рӯзи ҷавонони Тоҷикистон дар шаҳри Хуҷанд таҳти унвони «Ҷавонон–пайрави Пешвои миллат ва муҳофизони дастовардҳои 25 соли Истиқлолияти давлатии Ҷумҳурии Тоҷикистон!» имрӯз дар қисми низомии 3501 Вазорати корҳои дохилии Ҷумҳурии Тоҷикистон «Рӯзи дарҳои кушод» баргузор гардид.
Дар он бештар аз 500 нафар хонандагони синфҳои болои мактабҳои шаҳр ҷавонписарони сини даъватӣ ширкат намуданд.
Дар оғози ин чорабинӣ сарбозону афсарон ва хонандагонро муовини Раиси шаҳри Хуҷанд Умедахон Муродӣ ва сардори ин қисми низомӣ Умарзода Эргаш Насриддин бо баргузории рӯзҳои ҷавонон табрик намуданд.
Зикр гардид, ки мақсади баргузории ин чорабинӣ беш аз ҳама барои ошноии ҷавонписарон бо ҳаёти сарбозон, тарбияю таҳкими ҳисси ватандӯстӣ ва шавқи хизмати ҳарбӣ арзёбӣ мегардад.

Муфассал... Шарҳ додан

Роҳбарияти вилоят ва шаҳри Хуҷанд хотири шаҳидони Ҷанги Бузурги Ватаниро пос доштанд.

09 Май 2016

Бахшида ба 71-умин солгарди Иди Ғалаба бар фашизми гитлерӣ имрӯз дар пояи маҷмаи ёдгории шаҳидони Ҷанги Бузурги Ватанӣ ҳамоиши иштирокдорони ин ҷанг ва собиқадорони меҳнат баргузор гардид. Соати 09:00 Раиси вилояти Суғд Абдураҳмон Қодирӣ ва Раиси шаҳри Хуҷанд Шарифзода Шариф Файз ҳамроҳи муовинон ва роҳбарони воҳидҳои сохторӣ, собиқадорони ҷангу меҳнат ва роҳбарони консулгариҳои Федератсияи Россия, Ҷумҳурии Қазоқистон ва намояндигарии Ҷумҳурии Қирғизистон дар шаҳри Хуҷанд назди пояи ин муҷассама гулчанбар гузоштаа хотираи шаҳидони ин ҷанги даҳшатбори асри XI-ро пос доштанд.
Ҳамчунин имрӯз тамоми корхонаю ташкилотҳо низ дар назди муҷассамаҳои хоиравӣ ва пайкараҳои қаҳрамонони ин ҷанг гулчанбар гузошта, барои эҳтироми онҳо сари таъзим фуруд оварданд.