АсосӣБойгонӣ

Навгонӣ

Роҳбари дастгоҳи Раиси шаҳри Хуҷанд таин гардид

21 Май 2016

Бо Қарори Раиси шаҳри Хуҷанд Шарифзода Шариф Файз аз санаи 18 майи соли равон Каримов Толиб Бобоевич Роҳбари дастгоҳии Раиси шаҳри Хуҷанд таин гардид.
Каримов Толиб Бобоевич санаи 1 августи соли 1968 дар шаҳри Хуҷанд таваллуд ёфтааст.
Соҳиби маълумоти олӣ буда, соли 1994 Донишгоҳи политехникии шаҳри Хуҷандро бо ихтисоси муҳандиси мошинаҳои дӯзандагӣ хатм намудааст.
Толиб Каримов фаъолияти меҳнатиашро соли 1985 аз шогирди устои шӯъбаи асосии механикии фабрикаи дӯзандагии ба номи Н.К.Крупская оғоз намудааст. Солҳои 1986-1988 дар сафи Қӯшунҳои мусаллаҳи Иттиҳоди Шӯравӣ хизмат намудааст. Пас аз хизмат фаъолияти меҳнатиашро дар ҳамон фабрикаи дӯзандагии ба номи Н.К.Крупская давом дода, соли 1989 ба вазифаи ҷонишини озоди кумитаи комсомолии фабрикаи дӯзандагӣ тайин гардид.

Муфассал... Шарҳ додан

Аёдати ҷавонони ниёзманд.

18 Май 2016

Силсилаи чорабиниҳои мухталиф дар асоси нақша чорабиниҳои «20 рӯзи ҷавонӣ» ва таҷлили Рӯзи ҷавонони Тоҷикистон дар шаҳри Хуҷанд таҳти унвони «Ҷавонон – пайрави Пешвои миллат ва муҳофизони дастовардҳои 25 соли Истиқлолияти давлатии Ҷумҳурии Тоҷикистон!» дар маркази вилоят шаҳри Хуҷанд идома дорад. Имрӯз роҳбарияту кормандони Бахши ҷавонон варзиш ва сайёҳии шаҳри Хуҷанд ба хонаи 10 нафар ҷавонони ниёзманди шаҳри Хуҷанд,- Улфатой Норматова,Мавзуна Содиқова, Умедҷон Бобоҷонов, Гулҷаҳон Ҳакимова ва чанде дигаронро аёдат намуда, онҳоро бо таҷлили рӯзҳои ҷавонӣ табрик намуданд. Дар баробари ин ба онҳо кӯмаки яквақтаи моддӣ иборат аз маводи ғизо расонда шуд.

Шарҳ додан

Ҳисоботи эҷодии Мактаби рассомии шаҳри Хуҷанд

18 Май 2016

Дар мактаби рассомии бачагонаи шаҳри Хуҷанд мавсими таҳсил ба анҷомрасид. Чун анъана омӯзгорон ҳунармандон ва муҳассилини ин таълимгоҳи фарҳангӣ-ҳунарӣ баъди хатми соли хониши имсола низ чорабинии ҳисоботӣ ва фарҳангию эҷодӣ дар «АРТ- галереяи Сомониён» доир намуданд.
Дар ин намоишгоҳ бештар аз 800 намгӯи маҳсули эҷоди аъзоёни маҳфилҳои амалкунандаи ин мактаб рассомии бачагонаи шаҳр гузошта шуда, дар қисмати ифтитоҳии он роҳбарони таълимгоҳ ва муассисаҳои фарҳангии шаҳрро ҳайати омӯзгорон ва ҳунармандони наврас пазироӣ намуданд.
Холо дар ин мактаб 150 хонандагон дар ду баст бо тахсил фаро гирифта шудаанд, ки аз ин таеъдод, ба 32 нафари онхо дар лаҳзаи тантанавӣ шаҳодатномаи хатм супорида шуд.

Муфассал... Шарҳ додан

Дастгирии рушди соҳибкории ҷавонон дар шаҳри Хуҷанд.

18 Май 2016

Ташкилоту муассисаҳои молиявии шаҳри Хуҷанд дар баробари хизматрасонихои молиявӣ ба сокинони кишвар, барои баланд бардоштани маърифати иқтисодӣ ва рушди соҳибкории сокинон ба хусус ҷавонон низ чорабиниҳои омӯзишӣ мегузаронад.
Бо мақсади шиносоии ҷавонону наврасон бо асосҳои иқтисод, молия ва тиҷорат, ҳамчунин ташаккули малакаи пешвоии ҷавонону наврасони аз 16 то 30 сола дар самти идоракунии молиявӣ, аз ҷониби яке аз ташкилотҳои бонуфуси молиявии кишвар ТАҚХ «ИМОН ИНТЕРНЕШНЛ» марҳилаи дуюми лоиҳаи «Баланд бардоштани имконоти иқтисодӣ ва молиявии ҷавонон дар шароити иқтисоди бозорӣ" оғоз мегардад.
Дар ин марҳила баргузории семинарҳои омӯзишии тахассусӣ барои омода намудани тренер-коромуз аз ҳисоби ҷавонони шаҳри Хуҷанд, ки соҳиби касбу кори гуногун ва ё донишҷӯянд пешбинӣ гаштааст.

Муфассал... Шарҳ додан

«Шоҳмот барои таҳкими нерӯи зеҳнӣ ва пешгирии ифротгароӣ»

14 Май 2016

Дар маркази вилоят шаҳри Хуҷанд мусобиқаи ҷумҳуриявӣ оид ба шоҳмот таҳти унвони «Шоҳмот барои таҳкими нерӯи зеҳнӣ ва пешгирии ифротгароӣ» ва Аксияи ҷавонон таҳти унвони «Парчами миллӣ–ифтихори ман аст» баргузор гардид. Ин чорабинӣ тибқи нақша–чорабиниҳои якчояи Вазорати корҳои дохилии Ҷумҳурии Тоҷикистон ва Кумитаи ҷавонон, варзиш ва сайёҳии назди ҳукумати Ҷумҳурии Тоҷикистон дар Боҳи Камоли Хуҷандӣ доир гашт. Чорабинии мазкур таҳти унвони «Шоҳмот барои таҳкими нерӯи зеҳнӣ ва пешгирии ифротгароӣ» барпо гашта мақсади онро созмондиҳандагон барои баланд бардоштани маърифати ҷавонон ва тарғиби ҳаёти солим арзёбӣ менамоянд. Дар ин мусобиқаи зеҳнӣ сардори Раёсати ВКД Ҷумҳурии Тоҷикистон дар вилояти Суҳд, генерал-майёри милитсия Назарзода Шариф Раҳмон, муовини раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Амирбекзода Ҳабибулло, муовини аввали сардори Раёсати ВКД Ҷумҳурии Тоҷикистон дар вилояти Суҳд полковники милитсия Ваҳобзода Баҳодур ва мудири Бахши ҷавонон, варзиш ва сайёҳии шаҳри Хуҷанд Бахтиёр Исматҷонов ширкат намуданд. Ин мусобиқаи бештар аз 3000 нафар дӯстдорону тамошобинони ин намуди мусобиқаро ҷамъ намуда он ба як чорабинии пуршукӯҳи ҷавонон табдил ёфт Барои ба даст овардани ғолибият зиеда аз 260 нафар шоҳмотбозон ва 82 нафар шашкабозонро ба ҳам овард.