АсосӣБойгонӣ

Навгонӣ

Таҷлили иди касбии кормандони соҳаи хоҷагии манзилию коммуналӣ

04 Июн 2016

Имрӯз баъди зӯҳд дар маҷлисгоҳи МИҲД шаҳр ба муносибати иди касбии кормандони соҳаи хоҷагии манзилию коммуналӣ ҷамъомади тантанавӣ бо иштироки роҳбарият ва пешқадамони истеҳсолоти соҳа баргузор шуд.
Ҳозиринро бо иди касбиашон аз номи МИҲД шаҳр муовини якуми Раиси шаҳр Ғайбуллозода Хайрулло муборакбод гуфт. Вай ба самъи иштирокдорони ҷамъомад номаи муборакбодии Раиси шаҳр Шариф Шарифзодаро ба муносибати фарорасии Рӯзи кормандони соҳаи хоҷагии манзилию коммуналӣ расонд, ки дар он аз ҷумла омадааст: «Ободонӣ ва сарсабзу хуррам гардонидани диёрамон, таъмини беҳбуди рӯзгори мардум ва болида сохтани руҳияи онҳо ба сатҳу сифати хизматрасонии кормандони соҳаи манзилию коммуналӣ вобастагии калон дорад. Маҳз ба шарофати хизматҳои назарраси кормандони соҳа шаҳри азизамон рӯз аз рӯз ободу зебо мешавад».

Муфассал... Шарҳ додан

Қабули шаҳрвандон аз ҷониби Раиси шаҳр

04 Июн 2016

Субҳи имрӯз Раиси шаҳри Хуҷанд Шариф Шарифзода тибқи ҷадвали кории МИҲД шаҳр сокинонро бо арзу дархостҳояшон қабул кард, ки дар он муовинони Раис, сардорони шӯъбаҳо ва роҳбарони сохторҳои алоҳидаи МИҲД шаҳр иштирок доштанд.
Тавре аз рӯи маълумоти пешниҳоднамудаи шӯъбаи умумии Дастгоҳи Раиси шаҳр бармеояд, имрӯз бо арзу дархости худ ба Раиси шаҳр Шариф Шарифзода 35 нафар бошандагони минтақаҳои гуногуни шаҳр муроҷиат карданд. Мӯҳтавои муроҷиати сокинонро асосан кӯмаки моддию молиявӣ ташкил медод. Ҳамчунин бошандагон бо масъалаҳои ҷудо намудани қитъаи замини наздиҳавлигӣ, беҳтар намудани шароити манзил, ҷойгир шудан ба хобгоҳ, кӯмак кардан дар сохтмони манзили истиқоматӣ, таъмири манзил, ҷойгир кардани фарзандон ба боғчаи бачагона, таъсиси ташкилоти ҷамъиятӣ ва ғайра муроҷиат карданд.

Муфассал... Шарҳ додан

Мулоқоти Раиси шаҳри Хуҷанд бо сафири Ҷумҳурии Белоруссия

03 Июн 2016

Имрӯз Раиси шаҳри Хуҷанд Шариф Шарифзода сафири фавқулодда ва ваколатадори Ҷумҳурии Белорусия дар Тоҷикистон Иванов Олег Николаевичро ба ҳузур пазируфт.
Зимни сӯҳбат, ки дар фазои ҳамдигарфаҳмӣ ва ҳусни тафоҳум гузашт, сафир аз нақшаву ниятҳои худ, ки навтаъин аст, оид ба рушди ҳамкориҳои мутқобилан судманди ду ҷумҳурӣ, хусусан бародаршаҳрҳо- Хуҷанду Могилёв сухан ронда, гуфт, ки бояд ҳамкориҳо тақвият ёбанд ва рушд намоянд. Зеро, имкониятҳои ҷумҳурии Белорусия хусусан дар таъсиси корхонаҳои муштараки саноати мошинсозӣ ва кишоварзӣ басо калон аст.

Муфассал... Шарҳ додан

Мулоқоти навбатии Раиси шаҳри Хуҷанд Шариф Шарифзода бо сокинон

04 Июн 2016

Рузи гузашта, баъди зӯҳд мулоқоти навбатии Раиси шаҳри Хуҷанд Шариф Шарифзода бо аҳолии шаҳр дар маҷлисгоҳи МТМУ №6 бо сокинони кумитаи маҳаллаи «Хуҷанд» баргузор гардид. Бояд тазаккур дод, ки дар ҳайати кумитаи маҳаллаи Хуҷанд кӯҳантарин маҳаллаҳои шаҳр дохил мешаванд.
Мулоқотро Раиси шаҳр Шариф Шарифзода ҳусни ифтитоҳ бахшида, дар бораи маъракаи қарибулвуқӯъи сиёсӣ- раъйпурсии умумихалқӣ оид ба ворид намудани тағйироту иловаҳо ба Конститутсияи ҷумҳурӣ ҳарф зада гуфт, ки дар ин чорабинӣ мардуми шаҳр фаъолона иштирок карданд ва мавқеи худро нисбати ворид намудани тағйироту иловаҳо муайян намуданд.
Боиси тазаккур аст, ки анқариб кулли иштироккунандагони раъйпурсӣ бо дарки муҳимияти масъала ба ҷонибдории ворид намудани тағйироту иловаҳо ба Конститутсияи кишвар овоз доданд.

Муфассал... Шарҳ додан

Муаррифии муовинони нав

(2 овоз, миёна 4.50 аз 5)

02 Июн 2016

Бегоҳи имрӯз ҷаласаи фаврии назди Раиси шаҳр бо иштироки фаъолону рохбарони сохторҳои МИҲД шаҳр таҳти раёсати Раиси шаҳр Шариф Шарифзода баргузор гардид. Дар он муовионони навтаъини Раиси шаҳр муаррифӣ шуданд.
Шариф Шарифзода ба самъи ҳозирон расонд, ки бо ризоияти Президенти Ҷумҳурии Тоҷикистон ва қарори Раиси шаҳр Ғайбуллозода Хайрулло муовини якуми Раис ва Солизода Абдураҳим Рашидӣ муовини Раиси шаҳр таъин гардиданд.
Раиси шаҳр зимни муаррифии муовинони нави худ аз ҳолномаи онҳо ҳозиринро хабардор кард. Муовини якуми Раиси шаҳр Ғайбуллозода Хайрулло зодаи шаҳри Хуҷанд буда, дастпарвари Донишгоҳи техникии ин шаҳр мебошад. Ихтисосаш муҳандис-технологи матоъҳост. Ҳамзамон ӯ дертар факултаи ҳуқуқшиносии ДДҲБСТ-ро низ хатм кардааст. Фаъолияти меҳнатиаш дар соҳаи саноати сабук асосан дар КМ»Ҷавонӣ» сипарӣ шуда, аз ёрдамчии усто то ба дараҷаи директории генералии ин коргоҳ расида таи 5 сол сарварии коргоҳро ба ӯҳда дошт. Ӯ минбаъд соҳаи иқтисодиётро роҳбарӣ мекунад.