АсосӣБойгонӣ

Навгонӣ

Шарифзода Шариф Файз вакили Маҷлиси вакилони шаҳри Хуҷанд интихоб гардид.

20 Июн 2016

Мувофиқи Қарори Маҷлиси вакилони халқи шаҳри Хуҷанд санаи 19 июн дар ҳавзаи интихоботии № 19 «Дониш» ба ҷойи вакили хориҷшуда интихоботи миёндаврӣ барои интихоби вакили Маҷлиси вакилони халқи шаҳри Хуҷанд доир гардид.
Дар хавзаи мазкур ду нафар номзад ба вакилӣ ба қайд гирифта шуда буданд. Мувофиқи қарори ҳавзаи интихоботии мазкур иҷрокунандаи вазифаи Раиси шаҳри Хуҷанд Шарифзода Шариф Файз ва мудири боғчаи бачагонаи № 33 Муаттара Мамадҷонова ба рӯйхати овоздиҳӣ ворид карда шуда буд.
Чуноне, ки масъулини ҳавзаи интихоботии мазкур маълумот доданд, рӯзи гузашта дар ин ҳавза интихоботи Маҷлиси вакилони халқи шаҳри Хуҷанд дар сатҳи баланди фаъолнокӣ доир гашта, бештар аз 90% сокинон-интихобкунандагон ширкат намуданд.

Муфассал... Шарҳ додан

Сокинони шаҳри Хуҷанд вакили маҷлиси вилоятиро интихоб намуданд.

20 Июн 2016

Рӯзи гузашта дар шаҳри Хуҷанд дар ҳавзаи интихоботӣ Маҷлиси вакилони халқи вилояти Суғд № 1 «Сирдарё» интихоботи миёндаврӣ баргузор гашт.
Назар ба маълумоти ҳавзаи интихоботии мазкур аз субҳи барвақт дар ҳамаи 14 участкаи овоздиҳӣ комиссия ба кор шурӯъ намуда, сокинони ҳуқуқи овоздиҳӣ дошта муташаккилона ба участкаҳои овоздиҳӣ омада барои номзадҳои худ овоз доданд.
Дар ҳавзаи мазкур ҳудуди ду маҳаллаи шаҳр,- маҳаллаҳои «Суғдиён» ва «Сирдарё» ҷойгир буда шумораи интихобкунандагон ба Маҷлиси вакилони халқи вилояти Суғд № 1 «Сирдарё» 15 ҳазору 304 нафарро ташкил медиҳад.

Муфассал... Шарҳ додан

Дар шаҳри Хуҷанд имкониятҳои вилоят муаррифӣ мешавад

18 Июн 2016

Имрӯз дар маркази вилояти Суғд-шаҳри Хуҷанд Ярмаркаи байналмилалии тиҷорат «Суғд-2016» оғоз гардид.
Дар он беш аз 260 нафар меҳмонон аз Федератсияи Русия, Ҷумҳуриҳои Беларус, Қазоқистон, Қирғизистон, Ҷумҳурии Мардумии Чин, давлати Полша иштирок доранд. Дар доираи ярмарка дар Қасри варзишии шаҳри Хуҷанд Анҷумани доираҳои соҳибкорӣ ва сармоягузорӣ дар мавзўи «Рушди соҳаи истеҳсоли маводи озуқа ва трансферти технологияҳои муосир» баргузор гардид.
Дар маросими кушодашавии он Раиси вилоят Абдураҳмон Қодирӣ иштирок ва суханронӣ намуд. Аз ҷумла зикр гардид, ки тайи солҳои охир роҳбарияти вилоят дар асоси дастуру супоришҳои Пешвои миллат, Президенти Ҷумҳурии Тоҷикистон мўҳтарам Эмомалӣ Раҳмон дар самти рушди иқтисодиёт ба дастовардҳои назаррас ноил гардид. Коргоҳҳои нави саноатӣ таъсис ёфтанд, дар соҳаи кишоварзӣ бошад, дар натиҷаи гузарондани таҷдиди сохтор ҳазорҳо хоҷагиҳои деҳқонии оилавию инфиродӣ ташкил шуданд.

Муфассал... Шарҳ додан

Ганҷи сухан бахшида ба Рӯзи Ваҳдат

20 Июн 2016

Дирӯз нишасти 140-умини маҳфили илмиву адабии “Ганҷи сухан”, бахшида ба 25- солагии Истиқлолияти Ҷумҳурии Тоҷикистон ва Рӯзи Ваҳдати миллӣ дар толори Маркази фарҳанги шаҳри Хуҷанд бо дастгирии Мақомоти иҷроияи Ҳокимияти давлатии вилояти Суғд дар ҳамкорӣ бо Кумитаи иҷроияи Ҳизби Халқии Демократии Тоҷикистон дар вилояти Суғд ва Донишгоҳи давлатии Хучанд ба номи академик Б,Ғафуров бо ширкати 200 нафар ихлосмандони каломи бадеъ баргузор гардид. Масъули маҳфил номзади илмҳои суханшиносӣ дотсент Саидумрон Саидов дар ибтидо ҳозиринро бо фарорасии ҷашни бузурги миллӣ Рӯзи Ваҳдат муборакбод намуд ва бо барномаи навбатии маҳффил ҳозиринро ошно кард.

Муфассал... Шарҳ додан

Мулоқоти Раиси шаҳр бо Сафири Ҷумҳурии Белорус

18 Июн 2016

Дар доираи баргузории Ярмаркаи байналмилалии тиҷорат «Суғд-2016» иҷрокунандаи вазифаи Раиси шаҳри Хучанд Шарифзхода Шариф Файз бо Сафири Фавқуллода ва Мухтори Ҷумҳурии Белорус дар Ҷумҳурии Тоҷикистон Олег Иванов ва ҳайати намояндагии соҳибкорону роҳбарони ташкилоту муассисаҳои кишвари Белорусро ба ҳузур пазируфт.
Нахуст Шарифзода Шариф Файз меҳмононро хайрамақдам гуфта, бо вазъи имрӯзаи ҳаёти шаҳрдорӣ ва имкониятҳои иқтисодии шаҳр ошно намуд.
Зикр гардид, ки баъди ба имзо расидани созишномаи ҳамкории бародаршаҳрии Хуҷанду Могилев робитаи гуногунсоҳаи ин шаҳрҳои саноатӣ ба сатҳу сифати нав бароварда шуд.
То имрӯз ҳамкории Коргоҳи «Могилевлифтмаш», «Могилевдрев» ва Муассисаи сабзкории ин шаҳр бо шарикони тоҷикистонии худ шаҳодати гуфтаҳои болост.