АсосӣБойгонӣ

Навгонӣ

Дастаи “Шёлкомбинат” чемпиони шаҳр

18 Март 2017

Тибқи нақшаи чорабиниҳои мақомоти иҷроияи хокимияти давлатии шаҳри Хуҷанд, низомномаи Бахши ҷавонон, варзиш ва сайёҳӣ ва Федератсияи футболи шаҳр аз санаи 3 то 18 марти соли 2017 дар майдончаҳои сунъи футболи “Боғи Ғалаба” – и маркази вилоят мусобиқаи футболи хурд барои дарёфти “Ҷоми Раиси шаҳри Хуҷанд” байни маҳаллаҳо, идораҳо ташкилотҳо ва корхонаҳо бахшида ба Иди байналмиллалии Наврӯз ва “Соли ҷавонон” баргузор гардид. Дар мусобиқа 16 даста ва 240 нафар варзишгарон иштирок намуданд.
Дар натиҷа ҷои якумро дастаи “Шёлкомбинат” ва ҷои дуюм дастаи “Помир” сазовор гардиданд. Ба ғолибон медал, диплом ва Ҷоми Раиси шаҳри Хуҷандро муовини аввали Раиси шаҳр Хайрулло Ғайбуллозода, муовини аввали Раиси Федератсияи футболи вилояти Суғд Ақдодов Хуршед ва мудири Бахши ҷавонон, варзиш ва сайёҳии шаҳри Хуҷанд Бахтиёр Исматҷонов супориданд.

Муфассал... Шарҳ додан

Дар рӯзҳои Наврӯз Хуҷанд гулпӯшу сарсабз хоҳад шуд.

(1 овоз, миёна 5.00 аз 5)

18 Март 2017

Дар шаҳри Хуҷанд мавсими шинондани гулҳои ороишӣ идома дорад. То имрӯз аллакай бо кушишу заҳмати кормандони 8 қитъаи хоҷагию манзилӣ ва Муассисаи давлатии кабудизоркунӣ ва гулпарварии шаҳри Хуҷанд 20 ҳазор бех гули садбарг, 54 ҳазор дона гули навъи «канна» ва 15 ҳазор гулҳои орошии ҳолландӣ ва маҳаллӣ шинонда шудааст.
Бо назардошти имконияти мавҷуда бо супориши Раиси шаҳри Хуҷанд Шарифзода Шариф Файз ба корҳои гулшинонӣ ва ороишӣ дар майдонҳои шаҳр вусъати тоза дода шуда, барои гулпӯшу сабзпӯш намудани шаҳри Хуҷанди бостонӣ дар рӯзҳои таҷлили Иди Наврӯз бештар аз 1 миллион дона гулҳои орошӣ шинонда ва корида мешавад. Ҳамзамон шинондани ниҳолҳои сояафкан ва орошӣ низ дар кӯчаю хиёбонҳои маркази вилоят идома ёфта, тибқи маълумоти то ба имрӯз омодагашта, дар шаҳр 4 ҳазору 702 бех чунин ниҳолҳо шинонда шудааст.

Муфассал... Шарҳ додан

Мусобиқаи шоҳмотбозон ҷамбаст гардид

18 Март 2017

Санаҳои 17 марти соли равон дар ҷойхонаи «Сирдарё» мусобиқаи шаҳри Хуҷанд оид шоҳмот байни маҳаллаҳо бахшида ба соли 2017 – «Соли ҷавонон» ва Иди байналмилаии Наврӯз-2017 баргузор гардид. Дар ин мусобиқа 35 нафар дӯстдорони бозии шоҳмот аз маҳаллаҳои шаҳр иштирок намуданд.
Дар ниҳояти мусобика байни ҷавонон ҷои якумро Охунов Фатхулло аз маҳаллаи «Ҷаббор Расулов» ишғол намуд. Ҷои дуюмро Файзиматов Аҳмадҷон аз маҳаллаи «1-Май» ва ҷои сеюмро Калонов Расул аз маҳаллаи «Шарқ» ишғол намуд. Дар мусобиқаи байни калонсолон ғолибиятро Иномҷонов Маъруф аз маҳаллаи «Масҷиди Савр» соҳиб гашт.

Муфассал... Шарҳ додан

Мусобиқаи бонувони футболбоз оғоз ёфт.

18 Март 2017

Тибқи нақшаи чорабиниҳои якҷояи бахши ҷавонон, варзиш ва сайёҳии шаҳри Хуҷанд, шӯъбаи маорифи шаҳр ва кумитаи иҷроияи Ҳизби халқии демократии Тоҷикистон маросими кушодашавии мусобиқаи шаҳри Хуҷанд оид ба футбол байни бонувон бахшида ба Соли ҷавонон ва Иди байналмиллалии Наврӯз баргузор гардид.
Мусобиқаи мазкур дар майдончаи варзишии футболи Муассисаи давлатии «Мактаби варзишии №1»-и шаҳри Хуҷанд баргузор гашта ҳаводорони зиёди дустдорони ин намуди варзишро ҷамъ намуд.
Бояд қайд кард, ки дар мусобиқаи мазкур 12 даста аз муассисаҳои таҳсилоти миёнаи умуми, литсей ва гимназияҳои шаҳр иштирок менамоянд.

Муфассал... Шарҳ додан

Табрикоти Раиси шаҳр бахшида ба таҷлили Наврӯзи байналмилалӣ

(1 овоз, миёна 5.00 аз 5)

18 Март 2017

Табрикоти Раиси шаҳр бахшида ба таҷлили Наврӯзи байналмилалӣ Ҳамшаҳриёни азиз!
Ба ифтихори ҷашни бузурги миллӣ ва ҷаҳонӣ - Наврӯзи фаррухпай ҳар яки Шуморо самимона ва бо наҷибтарин нияту орзуҳо табрик мегӯям.
Ин ҷашни бостонии ниёгони мо рамзи абадияти зиндагӣ, эҳёи табиат ва покии инсон буда, барои мо тоҷикон басо муқаддас ва гиромӣ мебошад.
Зеро фарҳангу оинҳои орёни мо аз даврони қадим то имрӯз бо суннатҳои наврӯзӣ ва сарнавишти миллати мо пайванди ногусастанӣ дошта, дар дилу дидаҳои мардуми мо ҷой гирифтаанд.
Наврӯз ҷашнест, ки ҷавҳари онро ҳаёту покӣ, муҳаббату садоқат, ваҳдату некиву равшанӣ ташкил дода, суннатҳои наврӯзӣ ифодагари ҳамоҳангии байни инсон, табиат ва кайҳон маҳсуб мешаванд.