АсосӣБойгонӣ

Навгонӣ

Паёми табрикотии Раиси шаҳри Хуҷанд Маъруф Муҳаммадзода ба муносибати Рӯзи соҳибкорон

16 Октябр 2017

Имрӯз мо дар ҷараёни таҳаввулоти босуръати ҷаҳони муосир ва марҳилаи навини рушди иҷтимоиву иқтисодии давлати соҳибистиқлоламон қарор дорем.
Дар шароити ҳассоси иқтисодию молиявӣ ва ҷаҳонишавии кишварҳо имрӯз ба мо зарур аст, ки ҷиҳати ташкили ҷойҳои нави корӣ, таъмини амнияти озуқаворӣ ва пурзӯр намудани иқтидори содиротии кишвар, ки яке аз самтҳои афзалиятноки сиёсати Ҳукумати ҷумҳурӣ ба ҳисоб меравад, васеъ намудани доираи фаъолияти корхонаҳои саноатии мавҷудбуда ва барқарор намудани корхонаҳои қаблан хусусигардонидашуда, таъсиси корхонаҳои нави истеҳсоли маҳсулоти рақобатпазир бо роҳи ворид намудани технологияҳои муосир ва ба роҳ мондани истеҳсоли маҳсулоти тайёр аз ашёи хоми маҳаллиро тақвият бахшем.

Муфассал... Шарҳ додан

Аъмоён дар маркази диққати таваҷҷуҳ

16 Октябр 2017

Дар маркази иҷтимоию тавонбахшии Иттиҳоди миллии нобиноёни Тоҷикистон дар шаҳри Хуҷанд чорабинии идона бахшида ба Рӯзи аъмоён баргузор гардид.
Сармутахассиси шӯъбаи агентии давлатии ҳифзи иҷтимоии вилояти Суғд Дилбар Саидова кормандони маркази номбурда ва аъзои Иттиҳоди миллии нобиноёни Тоҷикистонро бо иди касбиашон таҳният гуфта, табрикоти Раиси вилояти Суғд Абдураҳмон Қодириро ба самъи эшон расонд.
Сипас, Ғайрат Ишонқулов, мудири бахши агентии давлатии ҳифзи иҷтимоии шаҳри Хуҷанд паёми шодбошии Раиси шаҳр Маъруф Муҳаммадзодаро ба самъи ҳозирин расонд, ки дар он аз ҷумла зикр шудааст: «Аъмоён дар қатори кулли ҷомеа дар кору гуфтор ҷонибдори сиёсати пешгирифтаи Сарвари кишвар, Ҳукумати ҷумҳурӣ ва мақомоти маҳаллӣ ҳастанд.

Муфассал... Шарҳ додан

Суханронӣ дар мулоқот бо соҳибкорон ва сармоягузорони ватаниву хориҷӣ

16 Октябр 2017

Муҳтарам соҳибкорон ва сармоягузорон!
Ҳозирини арҷманд!
Мулоқоти имрӯзаи мо ба муносибати Рӯзи соҳибкорон, ки се сол қабл ҳамчун рамзи дастгирии фаъолияти касбии шумо дар роҳи ободии Ватан эълон гардида буд, сурат мегирад.
Ба ин муносибат кулли соҳибкорони ватандӯсти кишвар ва ҳамаи шумо, ҳозирини муҳтарамро табрик мегӯям ва дар фаъолияти минбаъдаатон барору комёбиҳои нав орзу менамоям.
Дар ин толор, ҳамчунин, соҳибкорону сармоягузорони хориҷӣ низ ҳузур доранд, ки ман ба ҳар яки онҳо барои ҳамкорӣ ва саҳми арзишмандашон дар рушди иқтисодиёти Тоҷикистон изҳори сипос намуда, барори кор мехоҳам.

Муфассал... Шарҳ додан

Мулоқот бо соҳибкорон ва сармоягузорони ватаниву хориҷӣ

16 Октябр 2017

Дирӯз дар Маҷмааи давлатии «Кохи Борбад» таҳти сарпарастӣ ва бо иштироки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ифтихори таҷлили сеюмин солгарди «Рӯзи соҳибкорон», ки ҳамасола 14 октябр ҷашн гирифта мешавад, мулоқоти Пешвои миллат бо соҳибкорон ва сармоягузорон баргузор гардид.
Дар мулоқот намояндагони Ҳукумат ва вазорату идораҳои Ҷумҳурии Тоҷикистон, соҳибкорону сармоягузорони ватанию хориҷӣ, ширкатҳои бонуфузи хориҷӣ ва ҷумҳуриявӣ, бонкҳои тиҷоратӣ ва созмонҳои байналмилалии молиявӣ, ассотсиатсияҳои соҳибкорӣ, коршиносони варзида, ширкатҳои сармоягузор аз мамолики олам, дар маҷмуъ зиёда аз ду ҳазор нафар иштирок карданд.

Муфассал... Шарҳ додан

Суҳбати телефонӣ бо Амири Давлати Қатар Шайх Тамим ибни Ҳамад Оли Сонӣ

16 Октябр 2017

Дирӯз Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Амири Давлати Қатар Шайх Тамим ибни Ҳамад Оли Сонӣ суҳбати телефонӣ анҷом доданд.
Дар оғози суҳбат Амири Давлати Қатар ба Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва наздикони ӯ бинобар сабаби даргузашти бародарашон Нуриддин Раҳмон изҳори тасаллияту ҳамдардӣ баён намуданд.
Дар идомаи суҳбат сарони ду давлат доир ба муҳимтарин масъалаҳои марбут ба ҳамкориҳои дуҷониба ва бисёрҷонибаи Тоҷикистон ва Қатар табодули афкори судманд анҷом доданд.
Суҳбат дар фазои самимият, дӯстонаву ҳамдигарфаҳмӣ баргузор гардид.

Муфассал... Шарҳ додан